6/27/2022
Today from Hiiraan Online:  _
Wararka Maanta- Talaado, Oct 23, 2012
Hoggaanka dambi-baarista Booliiska Soomaaliya oo maanta soo bandhigtay xubno ka tirsan Al-shabaab oo dilal geystay
Talaado, Oktoobar 23, 2012 (HOL) — Hoggaanka dambi-baarista booliiska Somalia ayaa maanta kusoo bandhigay Muqdisho laba wiil iyo gabar la sheegay inay ka mid ahaayeen Al-shabaab, iyadoo labada wiil la sheegay inay dilal ka geysteen Muqdisho iyo Baydhabo.

Afhayeenka booliiska Soomaaliya ahna taliyaha hoggaanka dambi-baarista booliiska Soomaaliya (CID), Jen. Cabdullaahi Xasan Bariise oo shir jaraa'id ku qabtay xarunta hoggaanka dambi-baarista booliiska ayaa sheegay inay jiraan 11-ruux oo kale ay u gudbiyeen xabsiga dhexe ee Muqdisho, kuwaasoo ay ku caddaadeen inay dilal geysteen uuna ka mid ahaa dadka la gubiyay ruux lagu magaacabo, Cabdi-Jamaal Cabdullaahi Xayle oo uu sheegay inuu dil u geystay, Dr. Xakiin Maxamuud Khaliif Shire.

"Waxaan maanta soo bandhigay saddexdan qof ee aad u jeeddiin oo mid ay tahay haween, kuwaasoo dilal ka geystay Muqdisho iyo gabadha oo uu qabay nin albaabka hore ee madaxtooyada isku qarxiyay sannadkan," ayuu yiri Jen. Bariise oo intaas ku daray in baaritaanno lagu sameeyay ay u heleen xaqiiqooyin dambiyo dilal ah oo loo haysto labada ragga ah.

Sidoo kale, Jen. Bariise wuxuu sheegay in Ilyaas Aadan Xasan oo 35 ah kana mid ahaa labadii wiil ee lasoo bandhigay uu laba askari iyo qof shacab ah ku dilay degmada Baydhabo ee xarunta gobolka Bay, sidoo kalena Maxamed Cabdullaahi Xasan oo ah wiilka kale uu isaguna 19-kii bishan qof rayid ah ku dilay suuqa Bakaaraha ee Muqdisho.

"Baaritaanno ay ciidamada booliisku sameeyeen ayaa suurogelisay in lasoo qabto saddexdan qof oo muddo ay ku daba-jireen, waxaana la saari doonaan maxkamad si dambiyada ay galeen loogu xukumo," ayuu yiri afhayeenka booliiska.

Gabdaha oo magaceeda lagu sheegay Yurub Cismaan Cabdi ayaa la sheegay inay u dhaxday nin isku qarxiyay xarunta madaxtooyada Soomaaliya oo lagu magacaabi jiray Khaalid C/qaaadir Cabdi, iyadna ay doonaysay inay is-qarxiso, taas darteedna ay booliisku baadi-goob ku sameeyeen ayna soo qabteen si nafteeda looga badbaadiyo inay qarxiso nolosha dad kalena ay galaafato.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/23/2012 10:36 AM EST
Talaado, October, 23, 2012 (HOL)- Shirkadda Agabka guryaha iyo xafiisyadda ee AL-NUUR, ayaa 480 caruurta agoomaha ah ee ku jira xarunta agoomaha ee magaaladda Hargeysa ugu deeqay dharkii iyo kabihii ay ku ciiddi lahaayeen, iyadoo sanad kasta iska xil saartay inay labadda Ciidood ee islaamka kafaalo qaado ka farxinta caruurtaasi iyo guud ahaan agabkii ay ku ciyaari lahaayeen.

10/23/2012 8:51 AM EST
Talaado, Oktoobar 23, 2012 (HOL) — Maxkamadda darajada koowaad ee Puntland oo ku taalla magaalada Garoowe ee xarunta Puntland ayaa maanta oo Talaado ah xukun dil toogasho ah ku ridday nin u dhashay dalka Yemen oo lagu eedeeyay inuu doonayay inuu hub sharci-darro ah kasoo dajiyay deegaan ka tirsan gobolka Bari.

10/23/2012 8:12 AM EST
Talaado, Oktoobar 23, 2012 (HOL) — Dagaal culus ayaa ciidamada dowlada Somalia iyo xoogag taabacsan Al-shabaab ku dhexmaray maanta duleedka degmada Baydhabo ee xaruta gobolka Bay, kaasoo ay ku dhinteen inta la ogyahay shan ka mid ah dhinacyadii dagaalamay.

10/23/2012 7:50 AM EST
Talaado, Oktoobar 23, 2012 (HOL) — Madaxweynaha Soomaaliya, Xasan Sheekh Maxamuud ayaa maanta xafiiskiisa Muqdisho kula kulmay wafdi uu hoggaaminayo wasiirka arrimaha dibadda ee Talyaaniga, Giulio Terzi.

10/23/2012 3:58 AM EST
Talaado, Oktoobar 23, 2012 (HOL) —Dagaallo la isku adeegsaday hubka noocyadiisa kala duwan iyo madaafiic ayaa ka dhacay wadada isku xirta degmada Badhaadhe iyo Deegaanka Kulbiyow ee gobolka Jubada hoose.

10/23/2012 3:32 AM EST
Talaado, Oktoobar 23, 2012 (HOL) — Dowladda Uganda ayaa sheegtay in afar ka mid ah ciidamadeeda ku sugan Soomaaliya ee qaybta ka ah AMISOM lagu dilay dagaal Khamiistii lasoo dhaafay ka dhacay duleedka garoonka diyaaradaha ee Balli-doogle oo 100-km dhinaca galbeed kaga beegan Muqdisho.

10/23/2012 3:19 AM EST
Talaado, Oktoobar 23, 2012 (HOL) — Xarakada Al-shabaab ee Soomaaliya ayaa ku hanjabtay inay qaraxyo ka geysanayso dalka Britain, kuwaasoo ay sheegeen inay jawaab u noqonayaan dagaalka ay kula jirto Islaamka iyo gacan gelintii ay u gacan-gelisay Abuu-Xamsa dowladda Mareykanka.