6/29/2022
Today from Hiiraan Online:  _
Wararka Maanta- Isniin, Oct 22, 2012
SALEEBAAN XAGLO-TOOSIYE:“shalay hogaamiyahoogii SSC baan ahaa maantana wali hogaamiyahoogii baan ahay tabashooyin badani way jiraan”

Isniin, October, 22, 2012 (HOL)-Wasiirka Dib u dejinta Somaliland, Mr. Seleebaan Ciise (Xaglo toosiye), ayaa maanta si rasmi ah xilkii kala wareegay wasiirkii hore ee wasaaradaasi Mr;C/risaaq Cali Cismaan.

 

Xaflad balaadhan oo labadda wasiir xilka kula kala wareegayeen, ayaa lagu qabtay hoolka hay’addda shaqaalaha ee magaaladda Hargeysa,waxaana ka soo qaybgalay wasiirka Gaashaandhiga, Ganacsiga, boosaha iyo isgaadhsiinta,Kalluumaysiga, hawlaha guud iyo guriyeynta, Duulista iyo hawadda, wasiir ku xigeenka amniga ee arrimaha gudaha, gudoomiyaha xisbiga mucaaradka ah ee UCID, Taliyaha ciidanka asluubta Somaliland, xildhibaano labadda gole ka kala tirsan, salaadiin iyo marti sharaf kale oo badan.

 

Wasiirkii hore ee dib u dajinta C/risaaq Cali Cismaan, ayaa sheegay in mudadii uu joogay wax badan ka qabtay wasaaradiisa, isla markaana uu hirgaliyey mashaariic badan oo lagu hagaajinayey bilicda caasimadda, isagoo xusay in saddex goobood oo muhiim ah uu qoysas danyar ah ka raray una bedelay dhul dan guud ah oo ay iskood u yeelan doonaan, maadama halkii ay deganaayeen markii horeba ahayd  dhul dawladeed, waxa kale oo uu sheegay in 75 guri oo dad danyar ah guryo ay galaan uga dhiseen magaaladda Burco.

 

Wasiirka Cusub ee wasarada Saleebaan Ciise Axmed Xaglo Toosiye ayaa sheegay inuu ahaa hogaamiyihii jabhadda SSC, balse uu imika yahay wasiir Qaran oo ummadda oo dhan wasiir u ah, waxaanu u mahadnaqay wasiirkii hore hawlihii uu qabtay.

 

“anigu waxaan ahaa hogaamiyihii ururka SSC walina waan ahay wasiir reer Somaliland ah baan noqday bulshada reer Somaliland oo dhan baan wasiir baan u ahay, horumarkooda, nabadooda iyo midnimadoodana waan ka shaqaynayaa”ayuu yidhi wasiirka cusub Xaglo Toosiye oo xaflada xil wareejintiisa ka hadlayey, waxaanu intaas ku daray “ waxaanse u sheegayaa deegaamadii aan ka imid iyo ehelkaygii inaan u maqnahay inaan dadaal wayn hadii alle ka dhigo u gali doono sidii loo xoojin laahaa nabada sidii horumarka looga shaqayn lahaa sidii is bedel looga dhalin lahaa deegaamada, haddii alle ka dhigo shalay hogaamiyohoogii baan ahaa maantana wali hogaamiyohoogii baan ahay tabashooyin badani way jiraan waanay soo gudbisteen dawladuna way balan qaaday in la hirgalinayo waanan ka shaqaynayaa”. Wasiirku Waxa uu balanqaaday inuu ku dadaali doono sidii nabadgalyadda loo balaadhin lahaa, waxaanu sheegay in deegaankii uu ka yimid wixii tabasho ah ee ka jirta la dhamayn doono.

 

Munaasibad balaadhan ayaa lagu soo dhoweeyey wasiirka cusub, waxaanu shaqaalaha ka codsaday in si fiican ula shaqeeyaan, waxa iyaguna hadalo kaftan u badan madasha ka soo jeediyey wasiiradda kale iyo gudoomiyaha xisbiga mucaaradka ah ee UCID Faysal Cali Waraabe.

 

Barkhad-Ladiif  M. Cumar, Hiiraan Online

[email protected]

Hargeysa, Somaliland













Click here
10/22/2012 4:22 PM EST
Isniin, October 22, 2012(HOL): Xerada 54-aad oo ah saldhigga ugu weyn ee ciidamada daraawiishta Puntland, kuna taal duleedka magaalada Garoowe, ayaa waxaa maanta tababar loogu soo xiray ciidamo dhowrkii bilood ee ugu danbeeyey uu halkaas tababar uga socdey.

10/22/2012 4:17 PM EST
Isniin, October 22, 2012(HOL): Xarunta wasaaradda xanaanada xoolaha Puntland ee Garoowe waxaa maanta ka dhacday munaasabad balaaran oo lagu sagootinayey dhakhaatiir loo kala diray gobolada, si ay xoolaha uga soo talaalaan cudurka sanbabka.

10/22/2012 11:20 AM EST
Isniin, Oktoobar 22, 2012 (HOL) -Hay’adda badmaaxayaasha Aduunka ee magaceeda loo soo gaabiyo IMB ayaa warbixin ay soo saartay ku sheegtay in uu hoos udhac baahsan ku yimid weerarradii ay fulin jireen kooxaha burcad badeedda Soomaalida

10/22/2012 10:47 AM EST
Isniin, Oktoobar 22, 2012 (HOL) - Wafdi kasocda hay’adda Qaramada Midoobay ayaa maanta gaaray magaalada Kismaayo iyadoona wafdiga uu socdaal kusoo maray qeybo katirsan magaalada Kismaayo.

10/22/2012 10:30 AM EST
Isniin, Oktoobar, 22, 2012 (HOL) – Shirkada Xawaallada Ammaana oo maalmihii ugu danbeeyay ku howlaneyd sidii loo caawin lahaa dadka ku dhibaateysan xeryaha barkacayaasha magaalada Baladweyne ayaa maanta deeq lacageed gaarsiisay qoysas isugu jiray kuwii ku barakacay fatahaadii dhawaan ku dhuftay magaalada iyo qaar kale oo ay la soo darseen xaalado dhinaca nolasha ah.

10/22/2012 7:31 AM EST
Isniin, Oktoobar 22, 2012 (HOL) - Dhibaatooyin dhinaca nolosha ah ayaa laga soo sheegayaa degmada Luuq ee gobolka Gedo halkaasoo ay ku noolyihiin kumannaan qoys oo kasoo barakacay Abaaraha iyo dagaallada ka jira gobollada Gedo, Bay, Bakool iyo Jubada dhexe.

10/22/2012 3:34 AM EST
Isniin, Oktoobar 22, 2012 (HOL) — Hay’adaha nabad-sugidda Qaranka ayaa sheegtay in ammaanka magaalada Muqdisho la xaqiijiyay, iyadoo ay weli ka dhacayaan dilal iyo qaraxyo ay geysanayaan xoogag taabacsan Xarakada Al-shabaab oo sannadkii hore isaga baxay magaalada Muqdisho.

10/22/2012 3:24 AM EST
Isniin, Oktoobar 22, 2012 (HOL) — Ugu yaraan shan qof oo shacab ah ayaa ku dhaawacmay hoobiyeyaal xalay lagu garaacay degamada Afmadow ee gobolka Jubbada hoose, sidoo kale qaraxyo aan la ogeyn khasaaraha ay geysteen ayaa isla xalay ka dhacay saldhig ay ciidamada dowladdu ku leeyihiin magaalada Kismaayo.

10/22/2012 3:22 AM EST
Isniin, Oktoobar 22, 2012 (HOL) — Xaaladda wariye Maxamed Maxamuud Tuuryare oo ka mid ah wariyeyaasha idaacadda Shabeelle ee Muqdisho ayaa xaaladdiisu soo hagaagaysaa, kaddib markii kooxo hubeysan ay xalay fiidkii si xun ugu dhaawaceen degmada Wadajir ee gobolka Banaadir.