6/28/2022
Today from Hiiraan Online:  _
Wararka Maanta- Isniin, Oct 22, 2012
Shirkada Xawaallada Ammaana oo deeq ay wakiil ka tahay gaarsiisay dad ku dhibaateysan magaalada Baladweyne


Isniin, Oktoobar, 22, 2012 (HOL) – Shirkada Xawaallada Ammaana oo maalmihii ugu danbeeyay ku howlaneyd sidii loo caawin lahaa dadka ku dhibaateysan xeryaha barkacayaasha magaalada Baladweyne ayaa maanta deeq lacageed gaarsiisay qoysas isugu jiray kuwii ku barakacay fatahaadii dhawaan ku dhuftay magaalada iyo  qaar kale oo ay la soo darseen xaalado dhinaca nolasha ah.

 

Xassan Ibraahim Xalane mas’uulka shirkada xawaalada Ammaana ee magaalada Baladweyne oo deeqdan gaarsiiyay qoysaska dhibateysan ayaa sheegay in lacag dhan ilaa $1700 doolar oo ay soo direen dhalinyarrada Jaaliyada Hiiraan ee magaalada Washinton ay gaarsiiyeen ilaa 70 qoys.

 

‘’Waxaan deeqda gaarsiinay xerada Ceel-jaale oo ah halka ay ku barakaceen dadkii ugu badnaa ee ka cararay fatahaadii dhawaan ku dhuftay magaalada, iyo xerada Doomey oo ka dhisan xaafadda Buundo-weyn halkaasoo ay ku nool yihiin qoysas nolashoodu ay hooseeyso ayuu yiri,’’ Xassan Ibraahim mas’uulka shirkada Xawaalada Ammaana.

 


Xassan Ibraahim waxaa uu sheegay gaar ahaan in uu lacagtan uu soo gaarsiiyay shirkada guddoomiyahay dhalinyarrada jaaliyada Hiiraan ee Washinton Tahliil C/lle Ciyow oo sheegay in ay ka damqadeen dhibaatada la soo darstay kumanaanka qoys ee dhawaan fatahaadu ku dhuftay.

 

Mas’uulka shirkada Xawaalada Ammana waxaa uu HOL u sheegay in shirkadu mar walba u taagan tahay sidii loo gargaari lahaa dadka dhibaateysan, gaar ahaan marka ay xaaladahan oo kale ay jiraan.

 

Dadkii ka faa’ideystay deeqda ayaa sheegay in ay ka mahad celinayaan, waxaana ay codsadeen in gargaar lala soo gaaro, madaama wali dhibaatadu taagan tahay.

 

Saacadihii ugu danbeeyay waxaa magaalada Baladweyne ka da’ayay roobab lixaad leh oo saacado badan qaatay, kuwaasoo sii xumeynaya xaalada ay ku nool yihiin kumanaan qoys oo hadda daadsan daafaha magaalada Baladweyne.




 

C/raxmaan Diini, Hiiraan Online

[email protected]

Baladweyn, Soomaaliya.













Click here
10/22/2012 4:22 PM EST
Isniin, October 22, 2012(HOL): Xerada 54-aad oo ah saldhigga ugu weyn ee ciidamada daraawiishta Puntland, kuna taal duleedka magaalada Garoowe, ayaa waxaa maanta tababar loogu soo xiray ciidamo dhowrkii bilood ee ugu danbeeyey uu halkaas tababar uga socdey.

10/22/2012 4:17 PM EST
Isniin, October 22, 2012(HOL): Xarunta wasaaradda xanaanada xoolaha Puntland ee Garoowe waxaa maanta ka dhacday munaasabad balaaran oo lagu sagootinayey dhakhaatiir loo kala diray gobolada, si ay xoolaha uga soo talaalaan cudurka sanbabka.

10/22/2012 11:20 AM EST
Isniin, Oktoobar 22, 2012 (HOL) -Hay’adda badmaaxayaasha Aduunka ee magaceeda loo soo gaabiyo IMB ayaa warbixin ay soo saartay ku sheegtay in uu hoos udhac baahsan ku yimid weerarradii ay fulin jireen kooxaha burcad badeedda Soomaalida

10/22/2012 10:47 AM EST
Isniin, Oktoobar 22, 2012 (HOL) - Wafdi kasocda hay’adda Qaramada Midoobay ayaa maanta gaaray magaalada Kismaayo iyadoona wafdiga uu socdaal kusoo maray qeybo katirsan magaalada Kismaayo.

10/22/2012 10:31 AM EST
Isniin, October, 22, 2012 (HOL)-Wasiirka Dib u dejinta Somaliland, Mr. Seleebaan Ciise (Xaglo toosiye), ayaa maanta si rasmi ah xilkii kala wareegay wasiirkii hore ee wasaaradaasi Mr;C/risaaq Cali Cismaan.

10/22/2012 7:31 AM EST
Isniin, Oktoobar 22, 2012 (HOL) - Dhibaatooyin dhinaca nolosha ah ayaa laga soo sheegayaa degmada Luuq ee gobolka Gedo halkaasoo ay ku noolyihiin kumannaan qoys oo kasoo barakacay Abaaraha iyo dagaallada ka jira gobollada Gedo, Bay, Bakool iyo Jubada dhexe.

10/22/2012 3:34 AM EST
Isniin, Oktoobar 22, 2012 (HOL) — Hay’adaha nabad-sugidda Qaranka ayaa sheegtay in ammaanka magaalada Muqdisho la xaqiijiyay, iyadoo ay weli ka dhacayaan dilal iyo qaraxyo ay geysanayaan xoogag taabacsan Xarakada Al-shabaab oo sannadkii hore isaga baxay magaalada Muqdisho.

10/22/2012 3:24 AM EST
Isniin, Oktoobar 22, 2012 (HOL) — Ugu yaraan shan qof oo shacab ah ayaa ku dhaawacmay hoobiyeyaal xalay lagu garaacay degamada Afmadow ee gobolka Jubbada hoose, sidoo kale qaraxyo aan la ogeyn khasaaraha ay geysteen ayaa isla xalay ka dhacay saldhig ay ciidamada dowladdu ku leeyihiin magaalada Kismaayo.

10/22/2012 3:22 AM EST
Isniin, Oktoobar 22, 2012 (HOL) — Xaaladda wariye Maxamed Maxamuud Tuuryare oo ka mid ah wariyeyaasha idaacadda Shabeelle ee Muqdisho ayaa xaaladdiisu soo hagaagaysaa, kaddib markii kooxo hubeysan ay xalay fiidkii si xun ugu dhaawaceen degmada Wadajir ee gobolka Banaadir.