6/27/2022
Today from Hiiraan Online:  _
Wararka Maanta- Isniin, Oct 22, 2012
Xaalad Nolol Xumo oo laga Soo sheegayo Degmada Luuq ee Gobolka Gedo

Isniin, Oktoobar 22, 2012 (HOL) - Dhibaatooyin dhinaca nolosha ah ayaa laga soo sheegayaa degmada Luuq ee gobolka Gedo halkaasoo ay ku noolyihiin kumannaan qoys oo kasoo barakacay Abaaraha iyo dagaallada ka jira gobollada Gedo, Bay, Bakool iyo Jubada dhexe.

Ali Mohamed oo ah horjoogaha mid kamid ah xerooyinka ay ku noolyihiin dadka barakacayaasha ah ee degmada Luuq oo Wareysi siiyay Wakaaladda Wararka ee IRIN ayaa sheegay in degmada Luuq ay ku noolyihiin ku dhowaad ilaa 3,000 oo qoys kuwaasoo ku jira xaalado aad u adag oo dhanka nolosha ah, wuxuuna ugu baaqay hay’adaha samafalka in si deg deg ah ay u gargaaraan dadkaasi.

“Bulshada ugu badan ee ku nool xerooyinkani waa haween, carruur iyo dad da’ ah kuwaasoo kasoo barakacay dagaalladii u danbeeyay iyo abaarihii ku dhuftay gobollada Bay, Bakool iyo jubada dhexe, mana jiraan wax gargaar biniaadanimo oo ay dadkani heleen bilihii lasoo dhaafay, xaaladda kaamamkana way sii xumaaneysaa, dadkuna ma heystaa meel ay ka galaan roobabka, cunto iyo caafimaad midna,” sidaa waxa yiri Ali Mohamed oo u waramay wakaaladda IRIN.

Degmada Luuq ee gobolka Gedo oo ay gacanta ku hayaan ciidamada dowladda iyo kuwa Ahlusunna ayaa waxa mudooyinkii u danbeeyay kusoo qulqulayay boqollaal qoys oo kasoo barakacay goobaha ay dagaallada ka jiraan ee gobolka Gedo iyo weliba gobollada kale ee xuduudda la leh, sida Jubooyinka, Bay iy Bakool.

Gobolka Gedo oo kamid ah gobollada ay saameeyeen abaarihii ku dhuftay dalka Soomaaliya ayaa waxa ka aloosan colaado u dhexeeya ciidamada dowladda, kuwa Ahlusunna iyo Militariga Kenya oo isgarabsanaya iyo xoogagga Al-shabaab, waxayna dagaalladaasi uga sii dareen xaaladihii biniaadanimo ee ka jiray gobolkaasi.

Xasan Nuur
Hiiraan Online
Kismayo, Somalia
[email protected]













Click here
10/22/2012 4:22 PM EST
Isniin, October 22, 2012(HOL): Xerada 54-aad oo ah saldhigga ugu weyn ee ciidamada daraawiishta Puntland, kuna taal duleedka magaalada Garoowe, ayaa waxaa maanta tababar loogu soo xiray ciidamo dhowrkii bilood ee ugu danbeeyey uu halkaas tababar uga socdey.

10/22/2012 4:17 PM EST
Isniin, October 22, 2012(HOL): Xarunta wasaaradda xanaanada xoolaha Puntland ee Garoowe waxaa maanta ka dhacday munaasabad balaaran oo lagu sagootinayey dhakhaatiir loo kala diray gobolada, si ay xoolaha uga soo talaalaan cudurka sanbabka.

10/22/2012 11:20 AM EST
Isniin, Oktoobar 22, 2012 (HOL) -Hay’adda badmaaxayaasha Aduunka ee magaceeda loo soo gaabiyo IMB ayaa warbixin ay soo saartay ku sheegtay in uu hoos udhac baahsan ku yimid weerarradii ay fulin jireen kooxaha burcad badeedda Soomaalida

10/22/2012 10:47 AM EST
Isniin, Oktoobar 22, 2012 (HOL) - Wafdi kasocda hay’adda Qaramada Midoobay ayaa maanta gaaray magaalada Kismaayo iyadoona wafdiga uu socdaal kusoo maray qeybo katirsan magaalada Kismaayo.

10/22/2012 10:31 AM EST
Isniin, October, 22, 2012 (HOL)-Wasiirka Dib u dejinta Somaliland, Mr. Seleebaan Ciise (Xaglo toosiye), ayaa maanta si rasmi ah xilkii kala wareegay wasiirkii hore ee wasaaradaasi Mr;C/risaaq Cali Cismaan.

10/22/2012 10:30 AM EST
Isniin, Oktoobar, 22, 2012 (HOL) – Shirkada Xawaallada Ammaana oo maalmihii ugu danbeeyay ku howlaneyd sidii loo caawin lahaa dadka ku dhibaateysan xeryaha barkacayaasha magaalada Baladweyne ayaa maanta deeq lacageed gaarsiisay qoysas isugu jiray kuwii ku barakacay fatahaadii dhawaan ku dhuftay magaalada iyo qaar kale oo ay la soo darseen xaalado dhinaca nolasha ah.

10/22/2012 3:34 AM EST
Isniin, Oktoobar 22, 2012 (HOL) — Hay’adaha nabad-sugidda Qaranka ayaa sheegtay in ammaanka magaalada Muqdisho la xaqiijiyay, iyadoo ay weli ka dhacayaan dilal iyo qaraxyo ay geysanayaan xoogag taabacsan Xarakada Al-shabaab oo sannadkii hore isaga baxay magaalada Muqdisho.

10/22/2012 3:24 AM EST
Isniin, Oktoobar 22, 2012 (HOL) — Ugu yaraan shan qof oo shacab ah ayaa ku dhaawacmay hoobiyeyaal xalay lagu garaacay degamada Afmadow ee gobolka Jubbada hoose, sidoo kale qaraxyo aan la ogeyn khasaaraha ay geysteen ayaa isla xalay ka dhacay saldhig ay ciidamada dowladdu ku leeyihiin magaalada Kismaayo.

10/22/2012 3:22 AM EST
Isniin, Oktoobar 22, 2012 (HOL) — Xaaladda wariye Maxamed Maxamuud Tuuryare oo ka mid ah wariyeyaasha idaacadda Shabeelle ee Muqdisho ayaa xaaladdiisu soo hagaagaysaa, kaddib markii kooxo hubeysan ay xalay fiidkii si xun ugu dhaawaceen degmada Wadajir ee gobolka Banaadir.