6/29/2022
Today from Hiiraan Online:  _
Wararka Maanta- Axad, Oct 21, 2012
Aqoon isweydaarsi lagaga arrin sanayey horumar gaarsiinta Mandera oo ka dhacey Magaalada Nairobi

Axad, Oktoobar 21, 2012 (HOL) - Magaalada Nairobi waxaa ka qabsoomay shir ay soo qaban qaabiyeen Youth Forum Mandera, kaasoo looga hadlayey sida dhalin yarada ay qeyb uga noqon karaan horumarka ka socda Deegaanka Mandera ee Gobolka Waqooyi Bari ee dalkan Kenya.

Shirkan ayaa waxaa isugu yimid ardeyda jaamacadaha iyo siyaasiyiin kasocotey county-ga Mandera, halkaasoo ay isku weydaarsadeen su'aalo fara badan oo la xiriira maamulkaasi.

Waxaa shirka qeyb ka ahaa musharax u tartamaya governer-ka Mandera County Abdulkadir Aden Abdulle "Chito", isagoo u balan qaadey haddii uu guuleysto sida caadada ah in dhibaatooyin fara badan oo jira uu wax ka qaban doono.

Ardeydii ka qeyb gashey aqoon isweydaarsiga ayaa waxey weeydiiyeen siyaasiyiintii kasocotey Mandera County-ga su'aalo ad adddag, waxey si weyn ugga careysnaayeen balan qaadyada madaxta, oo inta badan aan wax laga qaban.

Waxaa lagu balamay in la isugu yimaado aqoon is weydaarsiyo midkan lamid ah, si arrimo badanoo kale la iskula lafa guro.
Hanaanka maamul hoos u daadajinta ayaa dhawaan lagu wadaa in dalkan Kenya laga hirgaliyo, kuwaasoo gaaraya 47 county.

Gobolka Waqooyi bari oo dhanka horumarka dalka uggu liita waxaa uu ku leeyahay county-yadan saddex , taasi oo dadka u saamixi doonta u dhowaanshaha maamulka, iyo gaaridda horumar baaxad weyn leh oo ayan waagii hore heysan.

Ololaha u tartamidda jagooyinka kala duwan ee Kenya ayaa haatan waxa uu ku socdaa si dardar leh, siyaasiyiintuna midba taagtiisa inta ay la'eg tahay ayuu xusul duub uggu jiraa.

Dalkan Kenya ayaa lagu wadaa inay doorashada madaxtinimo qeybaheeda kala duwan ka dhacdo bisha March ee sanadka foodda inagu soo haya, taasoo dad badan niyad sami ay ka muujinayaan in doorashada ay ku dhici doonto si xaq iyo xalaal ah, amnina uu ku dheehan yahay.

Said Hassan Anteno
Nairobi, Kenya.
E-Mail: - [email protected]













Click here
10/21/2012 3:20 PM EST
Axad, October, 21, 2012 (HOL)- Madaxweynaha Somaliland Mudane Axmed Maxamed Maxamud (Siilaanyo) ayaa maanta Xadhiga ka jaray mashaariic kala duwan oo laga hirgaliyey magaaladda Berbera ee gobolka Saaxiil.

10/21/2012 3:00 PM EST
Axad, Oktoobar, 21, 2012 (HOL) – Mas’uuliyiinta maamulka gobollka Hiiraan ayaa ka warbixiyay qarax culus oo maanta ka dhacay mid ka mid ah xaafaddaha magaalada Baladweyne, xili ay howlgal miino baaris ah ku guda jireen ciidamada dowladda Itoobiya.

10/21/2012 9:10 AM EST
Axad, October,21, 2012 (HOL)- Xarunta maamulka Puntland ee Garoowe, waxaa maanta soo gaarey wefdi heer sare ah oo ka socda ururka midowga Yurub, uuna horkacayey safiirka cusub ee midowga Yurub u qaabilsan arimaha Soomaaliya, Michele Cervone.

10/21/2012 9:05 AM EST
Axad, October,21, 2012 (HOL)- Qiimaha Adhiga la kala siisanayo, ayaa maalmihii u dambeeyey sare u kacay ka dib markii baahidda xoolaha ee laga rabo mawsimka xajka ay sare u kacday,iyadoo dhaq-dhaqaaqa salayduhu ay aad u kordheen.

10/21/2012 9:04 AM EST
Axad, October 21, 2012(HOL): Safiirka Soomaaliya ee Rwanda Ambassador C/llaahi Shiikh Maxamed ayaa warqadaha aqoonsiga danjirenimo u gudbiyay Madaxweynaha dalkaas Mr. Paul Kagame, iyadoo maamuus aad u heer sarreeyana loogu sameeyay madaxtooyada Kigali ee Rwanda.

10/21/2012 7:13 AM EST
Axad, October, 21, 2012 (HOL)-Abaanbuulaha Ciidamada Dowladda Soomaaliya Jen. Cabdikariin Yuusuf Dhego-badan ayaa shaaciyay howlgallo baaxad leh oo ay qorsheynayaan in ay dhawaan sameeyaan, kuwaasi oo ay ku doonayaan in ay Magaalada Muqdisho iyo gobollada dalka isku xiraan.

10/21/2012 7:06 AM EST
Axad, October, 21, 2012 (HOL)-Ciidamada Booliska Dowladda Soomaaliya ayaa howlgallo ayaa saaka ka sameeyeen magaalada xaafado ka tirsan Degmooyinka Magaaalada Muqdisho ayaa waxay ku soo qabqabteen rag hubeysan oo dil iyo dhac ka geystay.

10/21/2012 6:29 AM EST
Axad, October, 21, 2012 (HOL)-Golaha Wakiiladda, ayaa guddagalay ka doodista xeerka mihnadleyaasha caafimaadka, kaas oo loo samayn doono bahda caafimaadka xeer dabri doona oo ay ku shaqayn doonaan.

10/21/2012 6:23 AM EST
Axad, October 21, 2012(HOL): Ciidamada dowladda Soomaaliya iyo kuwa Raaskaambooni ayaa xalay kusoo rogay magaalada Kismaayo Bandow, iyadoona dadka lagu wargeliyay dadka in ay guryahooda ku sugnaadaan saacadaha uu bandowga jiro.

10/21/2012 6:17 AM EST
Axad, October 21, 2012(HOL): Xildhibaan Yuusuf Xasan Cabdi oo ah xildhibaan Soomaaliyeed oo laga soo doortay xaafada Kama Kunji ee magaalada Nairobi ayaa waxaa uu maalmihii la soo dhaafay socdaal ku marayay gobollada Soomaalidu dagto ee dalka Maraykanka, waxa uuna xildhibaanku la hadlay jaaliyadaha Soomaalida oo uu ka codsanayay in ay ka garabsiiyaan dadaalka uu ugu jiro sidii uu markale u guulaysan lahaa.