6/28/2022
Today from Hiiraan Online:  _
Wararka Maanta- Talaado, Oct 16, 2012
Hay'adda Samafalka WAANO oo Munaasabad lagu xusayay Maalinta Cunada Adduunka ku qabtay Magaalada Muqdisho (SAWIRRO)

Talaado, Oktoobar 16, 2012 (HOL) — Hay'adda samafalka Waano oo ka mid ah hay'adaha ka howlgala Soomaaliya kana shaqeysa nafaqeynta caruurta iyo hooyooyinka ayaa waxay Muqdisho ku qabatay xuska maalinta cunnada adduunka oo ku beegan maanta oo ay bishu tahay 16-ka Oktoobar.

Xubnihii xuskan ka qaybgalay ayaa waxay isugu jireen kuwo ka socday ururrada bulshada rayidka ah, mas'uuliyiin ka socotay dowladda iyo barakacayaasha ku jira xeryaha qoxootiga, kuwaasoo dhibaato badan ku qaba inay helaan cunno ku filan oo ay ku noolaadaan.

"Waxaa wanaagsan in dadka beeraleyda iyo xoolaleyda ah ay dib ugu laabtaan deegaannadii ay markii hore kasoo barakaceen ayna ku dadaalaan sidii ay u hormarin lahaayeen wax soo saarka beeraha, intii ay gacan shisheeye wax ka sugi lahaayeen," ayuu yiri agaasimaha guud ee wasaaradda beeraha Soomaaliya Maxamuud Maxamed Maxamuud oo hadal ka jeediyay xuska.

Sidoo kale, xuska waxaa ka hadlay qaar ka mid ah barakacayaasha Muqdisho ku nool; kuwaasoo sheeagy inay dhibaato xooggan ku qabaan helidda cunno ay maalintii ku noolaadaan, iyagoo dalbaday in la caawiyo.

Maanta oo kale sannad walba waxaa dunida laga xusaa maalinta cunnada adduunka iyadoo la sheegay in 870-milyan oo qof ay dunida ku haysato cunno la'aan, kuwaas oo la sheegay inay intooda badan ku nool yihiin dalalka ku yaalla Qaaradaha Afrika iyo Aasiya.


Madaxa hay'adda samofalka Waano, Cudbi Cumar Abuukar oo iyaduna goobta ka hadashay ayaa sheegay inay wanaagsan tahay in shacabka Soomaaliyeed ay ka faa'iideystaan kheyraadka dalkooda ceegaaga ayna wax soo saarka beeraha kordhiyaan.

"Runtii aad ayaan ugu faraxsanahay inaan ku casuumo xuska maalinta cunnada adduunka ku asteysan dadka barakacayaasha ah ee ku jira kaamamka Muqdisho si loo dareensiiyo inay wanaagsan tahay inay ka faa'iideystaan khayraadka dalkooda," ayay tiri Marwo Cudbi Cumar.

Sidoo kale, Cudbi waxay sheegtay in hay'adda ay madaxda u tahay ay caawiso dad badan oo barakacayaal ah, kuwaasoo siiso waxbarasho ku aaddan sida looga hor-tegi karo nafaqo la'aanta, iyadoo maalamaha ay wax baranayaan siisa lacagihii ay soo shaqeysan lahaayeen.

"Waxaan cunno nafaqeysan siinnaa caruurta iyo haweenka nafaqo-darradu hayso, runtiina waan ku faraxsannahay inaan u shaqeyno shacabkeenna, sidoo kalena aan barno raashinka laga helo nafaqada iyo sida loo isticmaalo," ayay Cudbi hadalkeeda ku dartay.

Xuska ayaa waxaa sidoo kale ka hadashay haweeney ka mid ah kuwa qubo-joogta Soomaalida ah ee caawiya hay'addan, iyadoo sheegtay inay la socdaan xilli walba dhibaatooyinka haysta barakacayaasha ku nool Muqdisho, ayna dadaal u galayaan sidii ay u kordhin lahaayeen caawinaaddooda.


Dhanka kale, xafladda waxaa lagu soo bandhigay raashinka noocyadiisa kala duwan, gaar ahaan kuwa laga helo nafaqooyinka kala duwan ee jirka bani'aadamku u baahan yahay, iyadoo ay sharraxaad ka bixinayeen raashinkaas dhaqaatiir da'yar ah oo Soomaaliyeed, kuwaasoo barta habka nafaqeynta.



Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/16/2012 9:11 AM EST
Talaado, Oktoobar 16, 2012 (HOL) — Dacwadan oo noqonaysa tii ugu horreysay oo qof Soomaali ah lagu eedeeyo ayaa ka socota maxkamad ku taalla magaalada Buffalo ee dalka Mareykanka, iyadoo maxkamadda ay ka hor hadashay hooyadii dhashay wiilka la dilay oo 10-jir ahaa.

10/16/2012 8:28 AM EST
Talaado, Oktoobar 16, 2012 (HOL) — Roob bilaawday 11:00 habeenimo ee xalay soona garay saakay waabarigii hore ayaa xalay mar kale ka da’ay magaalada Baladweyne ee xarunta gobolka Hiiraan oo dhawaan ay ku dhufteen daaadad ka dhashay wabiga Shabeelle oo buux dhaafay iyo roob mudo dheer qaatay oo ka da’ay magaalada.

10/16/2012 7:27 AM EST
Talaado, Oktoobar 16, 2012 (HOL) — Ciidamadda Booliska magaaladda Boorame, ayaa shalay si hubsiimo la’aan ah u weeraray guri ay ku noolyihiin qoys shacab ahi, kuwaas oo dhibaato ka soo gaadhay Aabihii qoyskaasi iyo qaar ka mid ah qoyska deganaa gurigaasi.

10/16/2012 7:21 AM EST
Talaado, Oktoobar 16, 2012 (HOL) — Kulan ay ka qaybgaleen mas'uuliyiin ka tirsan dowladda Soomaaliya, maamulka gobolka Shabeellada Hoose, ururrada haweenka iyo qaybaha kala duwan ee bulshada ku dhaqan magaalada Marka ayaa lagu qabtay maanta degmada Marko ee xarunta gobolka Shabeellada Hoose.

10/16/2012 6:57 AM EST
Talaado, Oktoobar 16, 2012 (HOL) — Dagaal culus oo ay ku dhinteen 10-qof oo ka mid ah dhinacyadii uu dagaalku u dhexeeyay tiro intaas ka badana ay dhaawacyo kasoo gaareen ayaa maanta baqadii ka dhacay deegaanno u dhexeeyay deegaanka Yaaq-bari-weyne iyo garoonka diyaaradaha ee Balli-doogle ee gobolka Shabeellada hoose.

10/16/2012 6:32 AM EST
Talaado, Oktoobar 16, 2012 (HOL) — Golaha Wakiiladda Somaliland, ayaa cod aqlabiyad ah ku meel mariyey xeerka ay ku shaqeynayaan sirdoonka Qaranka oo maalmihii u dambeeyey laga doodayay.

10/16/2012 2:08 AM EST
Talaado, Oktoobar 16, 2012 (HOL) — Ra'iisul wasaaraha cusub ee Soomaaliya ayaa lagu wadaa inuu maalinta Arbacada Berri ah uu hortago baarlamaanka si codka kalsoonida ah loogu qaado, sida ay sheegeen mudane ka tirsan baarlamaanka Soomaaliya.

10/16/2012 1:57 AM EST
Talaado, Oktoobar 16, 2012 (HOL) — Dab geystay khasaare maaliyadeed oo xoog leh ayaa xalay ka kacay xerada Xagar-dheer oo ka mid ah xeryaha qoxootiga ee ku yaalla deegaanka Dhadhaab ee dalka Kenya, waxaana halkaas ku gubtay dukaanno fara badan.

10/16/2012 1:50 AM EST
Talaado, Oktoobar 16, 2012 (HOL) — Maxkamadda sare ee dalka ayaa amar kasoo saartay lacagaha la qaado ee aysan ka warhayn hay'adaha dhaqaalaha dalka, kaddib markii ay maxkamadda dacwad u gudbiyeen iskaashatada gadiidleyda gobolka Banaadir oo ka cabanaya lacago ay ka qaaddo wasaaradda gaadiidka.