6/28/2022
Today from Hiiraan Online:  _
Wararka Maanta- Talaado, Oct 16, 2012
Maxkamadda sare ee dalka oo soo saartay amar lagu mamnuucayo in la qaado lacago aysan ogeyn hay'adaha dhaqaalaha dalka
Talaado, Oktoobar 16, 2012 (HOL) — Maxkamadda sare ee dalka ayaa amar kasoo saartay lacagaha la qaado ee aysan ka warhayn hay'adaha dhaqaalaha dalka, kaddib markii ay maxkamadda dacwad u gudbiyeen iskaashatada gadiidleyda gobolka Banaadir oo ka cabanaya lacago ay ka qaaddo wasaaradda gaadiidka.

Dacwaddaas kaddib ayaa qoraal kasoo baxay Maxkamadda sare Isniintii shalay ayaa lagu sheegay inaan la qaadi karin lacago aan sharci ahayn, kuwaasoo aysan ogeyn hay'adaha dhaqaalaha dalka iyo wasaaradda maaliyadda.

"Amarkan waxaan u soo saarnay markii ay dacwad inoo soo gudbiyeen iskaashatada gaadiidka gobolka Banaadir, taasoo ay ku sheegeen in lacago aan sharci ahayn ay ka qaaddo wasaaradda gaadiidka. Amarkanna wuxuu saameynayan cid walba oo qaadda lacago aan sharci ahayn," ayuu yiri guddoomiyaha maxkamadda sare, Avv. Caydiid Cabdullaahi Ilko-xanaf.

Sidoo kale, guddoomiyaha maxkamadda sare wuxuu sheegay in sharciga lala tiigsan doono cid walba oo lagu helo inay qaaddo lacago aan sharci ahayn, wuxuuna xusay inaysan wax soconaya ahayn in qof walba uu soo saaro amar uu lacago ku qaadayo iyadoo aysan ka warhayn hay'adaha dhaqaalaha daka.

Tallaabadan ayaa waxay imaanaysaa iyadoo sannadihii ugu dambeeyay ay aad uga cabanayeen gaadiidleyda ka shaqeeya dekedda weyn ee Muqdisho iyo kuwa kale ee xamuulka qaada lacago aan sharci ahayn oo laga qaado.

Wasaaradda gaadiidka cirka iyo dhulka oo ay dacweeyeen iskaashatada gaadiidka ee gobolka Banaadir ayaan weli ka hadlin amarkan lasoo rogay, waxaana tani ay kusoo beegmaysaa iyadoo aan weli la dhisin xukuumad cusub oo bedesha tii hore.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/16/2012 9:11 AM EST
Talaado, Oktoobar 16, 2012 (HOL) — Dacwadan oo noqonaysa tii ugu horreysay oo qof Soomaali ah lagu eedeeyo ayaa ka socota maxkamad ku taalla magaalada Buffalo ee dalka Mareykanka, iyadoo maxkamadda ay ka hor hadashay hooyadii dhashay wiilka la dilay oo 10-jir ahaa.

10/16/2012 8:36 AM EST
Talaado, Oktoobar 16, 2012 (HOL) — Hay'adda samafalka Waano oo ka mid ah hay'adaha ka howlgala Soomaaliya kana shaqeysa nafaqeynta caruurta iyo hooyooyinka ayaa waxay Muqdisho ku qabatay xuska maalinta cunnada adduunka oo ku beegan maanta oo ay bishu tahay 16-ka Oktoobar.

10/16/2012 8:28 AM EST
Talaado, Oktoobar 16, 2012 (HOL) — Roob bilaawday 11:00 habeenimo ee xalay soona garay saakay waabarigii hore ayaa xalay mar kale ka da’ay magaalada Baladweyne ee xarunta gobolka Hiiraan oo dhawaan ay ku dhufteen daaadad ka dhashay wabiga Shabeelle oo buux dhaafay iyo roob mudo dheer qaatay oo ka da’ay magaalada.

10/16/2012 7:27 AM EST
Talaado, Oktoobar 16, 2012 (HOL) — Ciidamadda Booliska magaaladda Boorame, ayaa shalay si hubsiimo la’aan ah u weeraray guri ay ku noolyihiin qoys shacab ahi, kuwaas oo dhibaato ka soo gaadhay Aabihii qoyskaasi iyo qaar ka mid ah qoyska deganaa gurigaasi.

10/16/2012 7:21 AM EST
Talaado, Oktoobar 16, 2012 (HOL) — Kulan ay ka qaybgaleen mas'uuliyiin ka tirsan dowladda Soomaaliya, maamulka gobolka Shabeellada Hoose, ururrada haweenka iyo qaybaha kala duwan ee bulshada ku dhaqan magaalada Marka ayaa lagu qabtay maanta degmada Marko ee xarunta gobolka Shabeellada Hoose.

10/16/2012 6:57 AM EST
Talaado, Oktoobar 16, 2012 (HOL) — Dagaal culus oo ay ku dhinteen 10-qof oo ka mid ah dhinacyadii uu dagaalku u dhexeeyay tiro intaas ka badana ay dhaawacyo kasoo gaareen ayaa maanta baqadii ka dhacay deegaanno u dhexeeyay deegaanka Yaaq-bari-weyne iyo garoonka diyaaradaha ee Balli-doogle ee gobolka Shabeellada hoose.

10/16/2012 6:32 AM EST
Talaado, Oktoobar 16, 2012 (HOL) — Golaha Wakiiladda Somaliland, ayaa cod aqlabiyad ah ku meel mariyey xeerka ay ku shaqeynayaan sirdoonka Qaranka oo maalmihii u dambeeyey laga doodayay.

10/16/2012 2:08 AM EST
Talaado, Oktoobar 16, 2012 (HOL) — Ra'iisul wasaaraha cusub ee Soomaaliya ayaa lagu wadaa inuu maalinta Arbacada Berri ah uu hortago baarlamaanka si codka kalsoonida ah loogu qaado, sida ay sheegeen mudane ka tirsan baarlamaanka Soomaaliya.

10/16/2012 1:57 AM EST
Talaado, Oktoobar 16, 2012 (HOL) — Dab geystay khasaare maaliyadeed oo xoog leh ayaa xalay ka kacay xerada Xagar-dheer oo ka mid ah xeryaha qoxootiga ee ku yaalla deegaanka Dhadhaab ee dalka Kenya, waxaana halkaas ku gubtay dukaanno fara badan.