10/14/2019
Today from Hiiraan Online:  _
Wararka Maanta- Isniin, Oct 15, 2012
Shirkadda Isgaarsiinta Hormuud oo bixinaysa Lacagta ay ku noolaanayaan Laba sano Hooyo Afar Mataano ah oo ay ku dhashay Muqdisho



Isniin, Oktoobar 15, 2012 (HOL) — Shirkadda Isgaarsiinta Hormuud ayaa maanta ku dhawaaqday inay bixinayso biilka hooyo Soomaaliyeed oo afar mataano ah ku dhashay kaam ku yaalla magaalada Muqdisho ee xarunta Soomaaliya.

Hooyo Xaliimo Maxamed Cabdi oo ayaa umushay maalin ka hor afar caruur ah oo mataano ah, kuwaasoo kala ahaa saddex gabdhood iyo wiil, inkastoo wiilkii saqiiray; iyadoo shirkadda Hormuud ay maanta sheegtay inay bil walba hooyada iyo maatana ay dhashay siinayso 300 oo dollarka Mareykanka ah.

"Waxaa ii haray saddex gabdhood oo aan u kala bixiyay: Deeqo, Shukri iyo Nafiso, wiilkii waa iga laabtay, aad ayaana u caafimaad qabaa, inkastoo xanuunno badan aan daris lasoo noqday intaan caloosha ku waday afarta mataanaha ah," ayay tiri hooyo Xaliimo oo ku faraxsanayd in laba sano la siiyo biilka nolosheeda iyo kuwa maaatanaha ay dhashay.

Hooyadan dhashay afarta mataanaha ah ayaa ka mid ahayd dadkii sannadkii hore kasoo barakacay deegaanno ka tirsan gobolka Bay oo ay abaaro darani ku dhufteen, waxayna tan iyo xilligaas ku noolayd xero qoxooti oo ku taalla Tarabuunka oo ka tirsan degmada Hodan ee Muqdisho.


"Caruurtan waxaan ku umulay buush, balse maanta Alle mahaddii waxaa la ii dhisay guri jiingad ah," ayay tiri hooyo Xaliimo oo saxaafadda u warramasay, iyadoo intaa ku dartay in sidoo kale iyada iyo caruurteeda loo iibiyay sariiro ay ku seexdaan oo aysan horay u haysan.

Haweeneydan ayaa waxay noqonaysaa tii ugu horreysay oo afar mataano ah ku umusha kaam ay dad barakacayaal ah ku jiraan, waxayna durbadiiba soo jiidatay nidhaha shacabka Soomaaliyeed ee ku nool gudaha dalka iyo kuwa dibadda jooga.

Shirkadda Hormuud ayaa waxay inta badan dhaqaale ku bixisayaa caawinta dadka dhibaateysan ee Soomaaliyeed, iyadoo dhawaan lacag gaaraysa 100,000 oo doollar ugu deeqday dadkii ay saameynta ku yeelatay fatahaaddii uu webiga Shabeelle ka geystay magaalada Baladweyne.





Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/15/2012 10:05 AM EST
Isniin, October 15, 2012(HOL): Ururka Dhallinyarada, Cayaaraha iyo Dhaqanka Yurub ee SEUKI oo ah ururka soo qabanqaabiya cayaaraha kubadda cagta ee xagaaga ka dhaca magaalada Stockholm ee dalka Sweden ayaa wuxuu doortay maamul cusub oo ururka hoggaamin doona tan iyo xagaaga soo socda ee 2013.

10/15/2012 9:25 AM EST
Isniin, Oktoobar 15, 2012 (HOL) — Wararka ka imaanaya gobolka Jubbada hoose iyo xerada Qoxootiga IFO ayaa waxay sheegayaan in halkaas ay ka dhaceen dilal loo kala geystay laba qof oo shacab ah, iyadoo sidoo kale gaari iyo afar Kenyan ah maalin ka hor laga afduubay deegaan ku dhow degmada Mandheera ee dalka Kenya.

10/15/2012 9:01 AM EST
Isniin, Oktoobar 15, 2012 (HOL) — Hay'adda UNHCR oo Qarammada Midoobay u qaabilsan qaxootiga ayaa warbixin ay soo saartay ku sheegtay in qoxootiga Soomaalida ha ee dalkooda ka cararay ay kor u dhaafayeen hal milyan oo qof, kuwaasoo intooda badan ku nool dalalka dariska la ah Soomaaliya sida Kenya iyo Itoobiya.

10/15/2012 8:42 AM EST
Isniin, Oktoobar 15, 2012 (HOL) — Guddoomiye ku xigeenka gobolka Shabeellada hoose ee dhinaca ammaanka, Axmed Cumar Mudane ayaa sheegay in hal askari oo ka tirsan ciidamada dowladda Soomaaliya uu dhintay qarax ka dhacay deegaanka Shalaanbood ee gobolka Shabeellada hoose.

10/15/2012 7:59 AM EST
Isniin, Oktoobar 15, 2012 (HOL) — Saraakiisha booliiska AMISOM ayaa tababar ku saabsan baarista dambiyada uga furtay Muqdisho 40-askari oo booliiska Soomaaliya ka tirsan, kuwaasoo isugu jira rag iyo haween.

10/15/2012 7:43 AM EST
Isniin, Oktoobar 15, 2012 (HOL) — Ururka Midowga Yurub ayaa sheegay inay si dhow ula shaqeyn doonaan dowladda cusub ee Soomaaliya, si dowalddu ay ugu guuleysato howlaha horyaalla muddada ay shaqeynayso ee afarta sano ah.

10/15/2012 6:37 AM EST
Isniin, Oktoobar 15, 2012 (HOL) — Wafdi uu horkacayo madaxweynaha Puntland Cabdiraxmaan Maxamed Maxamuud (Faroole) oo shalay ka ambabaxay magaalada Garoowe, ayaa maalintii labaad ku sugan degmada Eyl ee gobolka Nugaal.

10/15/2012 6:35 AM EST
Isniin, Oktoobar 15, 2012 (HOL) — Iyadoo ay dhawaan roobabkii dayrtu ka curteen meelo badan oo kamid ah deegaanada Puntland ayaa haddana waxaa dhul ballaaran oo ka tirsan gobollada Bari iyo Karkaar ka taagan yihiin abaaro ba'an.

10/15/2012 4:11 AM EST
Isniin, Oktoobar 15, 2012 (HOL) — Ciidamada Kenya oo ka tirsan ciidmada Midowga Afrika ee AMISOM ayaa sheegay in xaaladda magaalada Kismaayo ay si tartiib-tartiib ah u soo hagaagayso, kaddib markii ay qabsadeen laba todobaad ka hor iyagoo kaashanaya ciidamada dowladda Soomaaliya iyo xoogagga Raaskambooni.

10/15/2012 3:54 AM EST
Isniin, Oktoobar 15, 2012 (HOL) — Cutubkii sadaxaad ciidammo ka socda dalka Jabuuti ee howlgalka midowgga Africa AMISOM ayaa gaaray magaalada Baladweyne ee xarunta gobolka Hiiraan.

10/15/2012 3:42 AM EST
Isniin, Oktoobar 15, 2012 (HOL) — Ugu yaraan afar qof oo ka tirsan dhinacyadii dagaalamay ayaa ku dhintay tiro kalena waxay ku dhaawacmeen dagaallo xalay ku dhexmaray xaafado ka tirsan degmooyinka Dharkeynley iyo Yaaqshiid ciidamada dowladda Soomaaliya iyo xoogagga Al-shabaab.