9/15/2019
Today from Hiiraan Online:  _
Wararka Maanta- Sabti, Oct 13, 2012
Ururka SYL II oo Magaalada Marko ku qabtay Siminaar looga hadlayay sidii dib loogu soo celin lahaa doorka Odayaasha Soomaaliyeed



Sabti, Oktoobar 13, 2012 (HOL) — Ururka dhalinyarada SYL II ayaa dagmada Marka ee gobalka Shabeellada hoose kusoo gabgabeeyay Jimcihii shalay kulan laba maalin socday oo ka koobnaa dood-cilmiyeed iyo aqoon-is-weydaarsi looga hadlayay sidii lagu soo celin lahaa doorka odayaasha dhaqanka Soomaaliyeed ee ku aaddan xal u raadinta dhibaatooyinka bulshada dhexdeeda ka dhaca.

Aqoon-is-weydaarsigan ayaa looga hadlay sidii loosoo celin lahaa doorkii odayaasha Soomaaliyeed ay ku lahaayeen bulshada dhexdeeda iyo sidii ay ugu qayb-qaadan lahaayeen nabad kusoo dabaalidda dalka iyo  xalinta dhibaatoyinka ka dhex dhaca bulshada.

Guddoomiyaha degmada Marka, Axmed Macalin Cabdi (Cukaash) ayaa isagana ka mid ahaa xubnihii ka qaybgalay siminnaarka, wuxuu sheegay in odayaasha ay door muhiim ah ku dhex leeyihiin bulshada, isagoo si gaar ah mahad-celiyay ururka SYL II oo ah ururkii ugu horreeyay oo degmada Marka ku qabta siminnaar noocaan oo kale ah, kaddib markii laga saaray Al-shabaab.


"Odayaasha ku nool degmada Marko iyo deegaannada kale ee gobolka Shabeellada dhexe muddo sanooyin ah iskuma arkin fadhi noocan oo kale ah, taasna waxaa keenay xaalado kala duwan oo ay ka mid tahay ammaanka," ayuu yiri Cukaash oo la hadlayay odayaashii kulanka goob-joogga ka ahaa.

Odayaashii ka qaybgalya tababarkan isugu jiray aqoon-is-weeydaarsiga iyo dood-waddaagga ayaa sheegay inuu ahaa kii ugu horreeyay oo ay isugu yimaadaan xilli aad u fog, iyagoo ka dalbaday dowladda dhexe ee Soomaaliya inay gobolka wax u qabato maadaama KMG-nimadii laga baxay.

Ugu dambeyn, odayaashu waxay hoosta ka xariiqeen inay kaalin mug leh ka qaadan doonto inay dib u soo noqoto kaalintii ay bulshada dhexdeeda ku lahaayeen, gaar ahaan marka ay bushada dhexdeeda ka dhacaan dhibaatooyinka.







Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/13/2012 8:29 AM EST
Sabti, Oktoobar 13, 2012 (HOL) — Afhayeenka ciidamada ee Al-shabaab, Sheekh Cabdulcasiis Abuu-Muscab ayaa beeniyay in ciidamada Kenya ay ku dileen 3,000 oo dagaalyahannadooda ka tirsan lagu dilay dagaalladii muddada halka sano ah ka socday gobollada Jubbooyinka.

10/13/2012 7:47 AM EST
Sabti, Oktoobar 13, 2012 (HOL) — Ciidamada dowladda Soomaaliya iyo xoogagga Al-shabaab ayaa wuxuu dagaal khasaare nafeed dhaliyay ku dhexmaray maanta agagaarka garoonka diyaaradaha lambar konton ee gobolka Shabeellada hoose.

10/13/2012 7:18 AM EST
Sabti, Oktoobar 13, 2012 (HOL) — Tan iyo wixii ka danbeeyay dhawaan markii fatahaadu ku dhuftay magaalada Baladweyne ee xarunta gobollka Hiiraan waxaa jiray gurmad kala duwan oo loo sameeynayay dadkii ay dhawaan ku dhufteen daadadkii ku fatahay xaafadaha magaalada.

10/13/2012 6:52 AM EST
Sabti, Oktoobar 13, 2012 (HOL) — Ururka Midowga Afrika ayaa ka dalbaday golaha ammaanka ee Qaramada Midoobay in cunno-qabteynta hubka ee saaran Soomaaliya muddada dheer si loo qalabeeyo ciidamada qalabka sida ee Soomaaliya oo howlgallo lagula dagaalamayo Al-shabaab ka wada gudaha Soomaaliya.

10/13/2012 6:33 AM EST
Sabti, Oktoobar 13, 2012 (HOL) — Burcabdadeedda Soomaaliya ayaa madaxfurasho lacageed kusii daayay markab laga leeyahay dalka Giriigga balse siday calanka dalka Libeeriya iyo 21 shaqaalihisii ah oo u dhashay dalka Filibiin, kaddib afduub ahaan u qabsadeen bishii Feberaayo ee sannadkan.

10/13/2012 4:05 AM EST
Sabti, Oktoobar 13, 2012 (HOL) — Taliye ku xigeenka ciidamada milateriga Somalia, Jen. Cabdikariin Yuusuf Aadan (Dhego-badan) ayaa sheegay in howlgalka ciidamadu ay socon doonaansocon doonaan inta Al-shabaab laga saarayo meel walba oo ay dalka kaga sugan yihiin.

10/13/2012 4:00 AM EST
Sabti, Oktoobar 13, 2012 (HOL) — Maxkamadda sharciyada ee dalka Kenya oo ku taalla magaalada Mombasa ayaa lagu wadaa inay 25-ka bisha Jannaayo ee 2013 go'aan ka gaarto dacwad ku saabsan nin Hindi ah oo si sharci darro ah u sameeyay baasaboorka Soomaaliya.