9/24/2019
Today from Hiiraan Online:  _
Wararka Maanta- Jimco, Oct 12, 2012
Madaxweynaha Somaliland oo si kadis ah loogu arkay isagoo ku tukanaya masaajid ku yaalla magaaladda Gabiley


 
Jimco, October,12, 2012 (HOL)- Madaxweynaha Somaliland Axmed Maxamed Maxamuud Siillaanyo, ayaa maanta saaladii jimcaha si kadis ah loogu arkay isagoo ku takanaya masaajid ku yaala magaaladda Gabiley ee gobolka Gabiley, kaas oo aan hore loo sii sheegin inuu madaxweynuhu imanayo magaaladda, balse lagu arkay uun markii uu masaajidka weyn ee magaaladda ku yaalla soo galay.

 

Madaxweynaha ayaa la sheegay in aanu wadan wax tikniko iyo baabuurtiisa lagu yaqaanay ah, balse waxa la socday dhawr masuul oo watay baabuur shicib ah, kaas oo markii salaaddda laga soo baxay shacabkii ku soo urureen iyagoo doonaya inay gacan qaadaan, isla markaaana ku soo dhoweeyaan magaaladoodda.

 

Madaxweynaha ayaa mudooyinkii u dambeeyey si kadis ah kolba loogu arkayo masaajidada xaafadaha ku yaal, isagoo marka uu muddo joogaba talaabo dadku iyo isaga isku soo dhoweynayo ku talaabsado, waxaana safarkan kadiska ah ee uu ku tagay Gabiley loo arkaa mid uu doonayo inuu ku kasbado dadweynaha reer Gabiley oo baryihii u dambeeyey laga sheegayey inay mucaarad ku yihiin madaxweynaha, isla markaana ay taageeraan xisbiyada mucaaradka ah, iyagoo xukuumadda madaxweyne Siillaanyo dhaliilo usoo gudbiyey, sidoo kale waxa billo ka hor xabsiga Gabiley laga siidaayey Abwaan Haybe Faarax oo gabayo uu madaxweynaha ku dhaliilayo loo xidhay, muddana ku xidhnaa xabsiyadda magaaladda Hargeysa iyo Gabiley,ka dibna maxkamadda gobolka Gabiley ku xukuntay lix bilood oo xadhig ah, kaas oo dadweyne badan ka cadhaysiiyey.

 


Haseyeeshee, safarkan kadiska ah ee dadweynaha reer Gabiley kula tukaday salaadda jimcaha ayaa u muuqday mid uu ku doonayey inuu bulshadda iskugu soo dhoweeyo, maadaama oo aanu wadan ciidankii  badnaa ee looga bartay iyo tikniko oo inta badan marka uu safarada u baxayo isku xeeri jiray, taas oo ay adkayd in si dhib yar shacabka isku arkaan ama isku salaamaan, sidaa darteed, talaabadan ayaa lagu tilmaamay inay tahay mid ay badi dadweynaha reer Gabiley soo dhoweeyeen.





 

Barkhad-Ladiif  M. Cumar, Hiiraan Online

[email protected]

Hargeysa, Somaliland










Click here
10/12/2012 6:02 PM EST
Jimco,, October 12, 2012(HOL): Magaalada Boosaaso oo leh mid kamid ah xeebaha ugu quruxda badan dalka, waxaa maalin walba u damaashaad taga boqolaal dhalinyaro ah iyo dad waaweyn oo intooda badani ay qurbe-joog yihiin.

10/12/2012 2:45 PM EST
Qaraxyo daqiiqado ka hor gilgilay xaafada Islii (Eastleigh) ee Soomaalidu ka dagantahay magaalada Nairobi ayaa lagu soo warramayaa inay halkaas ka dhaceen.

10/12/2012 11:06 AM EST
Jimco, Oktoobar, 12, 2012 (HOL) – Waxaa soconaya wali gurmadka loo fidinayo dadkii dhawaan ku barakacay fatahaadii ku dhuftay magaalada Baladweyne, kuwaasoo waqtigan daruufo kala duwan oo dhinaca nolasha ah ay ku heystaan deegaannadii ay maciin bideen.

10/12/2012 11:01 AM EST
Jimco, October, 12, 2012 (HOL)- Ardayda jaamacadda Hargeysa iyo guddi samaysay urur lagu ururiyo dhaqanka iyo af soomaaliga oo loogu magacdaray Gaariye, ayaa xalay si wada jir ah u sameeyey xus loogu baroor diiqayo geeriddii ku timid abwaankii weynaa Maxamed Xaashi Dhamac Gaariye.

10/12/2012 10:37 AM EST
Jimco, Oktoobar, 12, 2012 (HOL) -- Kadib markii xalay qof doonayay in uu weerar Ismiidaamin ah ka geysto magaalada Baladweyne ay ku qarxeen waxyaabihii uu sitay ayeey sheegeen mas’uuliyiinta maamulka gobollka in ay xoojin doonaan amniga magaalada.

10/12/2012 3:56 AM EST
Jimco, Oktoobar 12, 2012 (HOL) — Madaxweynaha dowladda Soomaaliya, Xasan Sheekh Maxmauud ayaa sheegay in caalamku uu doonayo inuu wax ka qabto arrimaha dalka Soomaaliya, isagoo shacabka Soomaaliyeed ugu baaqay inay ka faa'iideystaan qorshayaasha caalamka uu wax uga qabanayo Soomaaliya.

10/12/2012 3:45 AM EST
Jimco, Oktoobar 12, 2012 (HOL) — Qaraxyo aan khasaare geysan ayaa xalay ka kala dhacay degmooyinka Baydhabo iyo Baladweyne ee gobollada Bay iyo Hiiraan, kuwaasoo la doonayay in lala bartilmaameedsado mas'uuliyiin ka tirsan maamullada gobolladaas ka jira.

10/12/2012 3:34 AM EST
Jimco, Oktoobar 12, 2012 (HOL) — Maamulka Gobolka Banaadir ayaa degmooyin ka tirsan Muqdisho ka billaabay howlo lagu tira-koobayo shacabka ku nool iyo guryaha, taasoo uu maamulku sheegay inay qayb ka yihiin howlo lagu sugay ammaanka guud ee caasimadda Soomaaliya.

10/12/2012 3:32 AM EST
Jimco, Oktoobar 12, 2012 (HOL) — Guddoomiyaha degmada Huriwaa ee gobolka Banaadir, Cumar Cabdulle Jacfaan ayaa sheegay inuu ka badbaadya weerarro la doonayay in lagu dilo, isagoo sheegay in gaarigiisa lagu weeraray laba bambaano oo kuwa gacanta ah xilli uu shalay gallinkii dambe marayay xaafadda Suuqa Xoolaha oo ka tirsan degmada Huriwaa.

10/12/2012 3:27 AM EST
Jimco, Oktoobar 12, 2012 (HOL) — Dowladda Federaalka Soomaaliya ayaa safiirro u magacowday dalalka Iiraan iyo Yemen, kuwaasoo warqadahoodii aqoonsigooda u gudbiyay madaxweynayaaasha labadaas dal, Maxamuud Axmedinajad iyo Cabdi-rabbu Mansuur Haaddi.