3/28/2024
Today from Hiiraan Online:  _
Wararka Maanta- Arbaco, Oct 10, 2012
Madaxweynaha Soomaaliya oo kulammo la kala yeeshay Jaaliyadda Soomaaliyeed ee dalka Uganda iyo Madaxweynaha dalkaas

Arbaco, Oktoobar 10, 2012 (HOL) — Madaxweynaha Soomaaliya, Xasan Sheekh Maxamuud oo xalay kulan kula yeeshay magaalada Kambaala ee xarunta Uganda oo uu safar ku joogo jaaliyadda Soomaaliyeed ee dalkaas ku nool ayaa ka dalbaday inay kaalin muhiim ah ka qaataan dib u dhiska dalka.

Xasan Sheekh wuxuu ka dalbaday guud ahaan Soomaalida caalamka dacalladiisa ku nool inay maalgashi ku sameystaan dalkooda, ayna qaybtooda ka qaataan sidii uu dalku u noqon lahaa mid nabadi ka jirto oo xasiloon.

"Ogaada dalkiinnu idinka ayuu idiin baahan yahay waxaana tihiin laf-dhabarkii dalka. Sidaa daraadeed waa inaad taageertaan dowladda, waayo waa laga soo gudbay xilligii KMG ahaa," ayuu Xasan Sheekh ka sheegay kulankii uu la qaatay jaaliyadda Soomaaliyeed ee Uganda.


Madaxweynuhu wuxuu uga digay Soomaalida dibadaha dalka ku nool qabyaaladda, isagoo sheegay in qabyaaladdu aysan waxba kusoo kordhinayn inay wax u dhinto mooyaane, isagoo ku boorriyay inay qabyaaladda ka fogaadaan.

Sidoo kale, madaxweynuhu wuxuu ku ammaanay jaaliyadda Soomaaliyeed ee dalka Uganda sidii diiranayd ee ay u soo dhaweeyeen, isagoo sheegay in taasi ay isaga u tahay dhiirrigelin weyn. Wuxuu sheegay in dowladdiisu ay ku dadaalayso sidii ay u sugi lahayd ammaanka si ay dalka maalgeshi ugu sameystaan hay'adaha caalmiga ah.


Jaaliyadda Soomaaliyeed ee Uganda ayaa waxay madaxweynaha ka dalbadeen inuu ka hortago musuqmaasuqa, uuna noqdo hoggaamiye daacad ah, iyagoo sidoo kale ka dalbaday in xukuumaddiisu fuliso lixdii qodob ee uu sheegay in xukuumaddiisa ay saldhig u noqon doonaan, kuwaasoo ay ka mid ahaayeen sugidda ammaanka iyo dib u heshiisiinta.

Dhanka kale, madaxweynaha Soomaaliya wuxuu maanta la kulmay dhiggiisa dalka Uganda, Yoweri Museveni, iyagoo kawada hadlay xaaladda dalka Soomaaliya iyo sidii ay labada dal isaga kaashan lahaayeen la dagaalanka Al-shabaab.

Uganda ayaa waxaa Soomaaliya ka jooga ciidamada ugu fara badan ee AMISOM, kuwaasoo muddo shan sano ah ka caawinayay dowladda Soomaaliya dagaalka ay kula jiro Xarakada Al-shabaab oo isku dayday inay xukunka ka tuurto dowladihii ka horeeyay dowladdan.








Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/10/2012 10:46 AM EST
Talaado, Oktoobar 08, 2012 (HOL) — Sanduuqa Samafalka ee Ugaas Khaliif waxaa dhawaan lagu aasaasay magaalada Nairobi ee wadanka Kenya.

10/10/2012 8:59 AM EST
Arbaco, Oktoobar 10, 2012 (HOL) — Booliiska dalka Kenya ayaa sheegay in xilliga howgalkooda Soomaaliya uu ku xiran yahay midka AMISOM oo ay qayb ka yihiin, waxayna sheegeen in haddii howgalka ciidamada Midowga Afrika la kordhiyo ay sii joogi doonaan Soomaaliya.

10/10/2012 8:22 AM EST
Arbaco, Oktoobar 10, 2012 (HOL) — Maxkamadda Racfaanka ee gobolka Hargeysa, ayaa maanta xoriyadoodii dib ugu soo celisay laba masuul oo muddo billo ah ugu xidhnaa arrimo musuqmaasuq.

10/10/2012 8:09 AM EST
Arbaco, Oktoobar 10, 2012 (HOL) — Afartan qof ayaa la sheegay inay doonayeen inay dhac geystaan u geysteen goob shidaalka lagu iibiyo iyo bankiga dhexe ee dalka Kenya, iyadoo booliisku ay ka warheleen dabadeedna toogteen, iyadoo dhowr kale oo burcad ahna ay baxsadeen.

10/10/2012 7:51 AM EST
Arbaco, Oktoobar 10, 2012 (HOL) — Iyadoo wali ay jirto gurmadka loo fidinayo dadkii dhawaan ku barakacay fatahaadii ku dhuftay magaalada Baladweyne, ayaa markii ugu horeysay waxaa gurmad caafimaad u sameeyay ardeyda Jaamacada Hiiraan University gaar ahaan qeybta kuliyada caafimaadka.

10/10/2012 7:50 AM EST
Arbaco, Oktoobar 10, 2012 (HOL) — shirkii saddexda cisho u socday golaha Wasiiradda Somaliland ee lagu qiimaynayey waxqabadkii mudadii labadda sanno ee uu taladda dalka hogaaminayey madaxweynaha Somaliland, Axmed Maxamed Maxamuud Siilaanyo ayaa la soo gabogabeeyey, lagana soo saaray 12 qodob oo loo baahan yahay in wax laga qabto.

10/10/2012 6:58 AM EST
Arbaco, Oktoobar 10, 2012 (HOL) — Ciidamada booliiska iyo kuwa nabad-sugidda dowladda Soomaaliya ayaa howlgallo ay maanta ka sameeyeen xaafado ka tirsan degmada Hodan ee gobolka Banaadir waxay kusoo qabqabteen boqolaal qof iyo hub u badan bambooyinka gacanta laga tuuro.

10/10/2012 3:31 AM EST
Arbaco, Oktoobar 10, 2012 (HOL) — Shil gaari oo saacado kahor ka dhacay deegaanka Meer-meerka oo qiyaastii 50km magaalada Boosaaso koonfurta kaga beegan, ayaa waxaa ku dhaawacmay gudoomiyihii gobolka Bari Cabdisamed Maxamed Galan.

10/10/2012 3:25 AM EST
Arbaco, Oktoobar 10, 2012 (HOL) — Ciidamada la dagaalanka Arrgagixisadda (RRU&SPU) ayaa habeenkii salaasada saqdii dhexe gudaha u galay guri ku yaalla xaafadda Goljano ee magaaladda Hargeysa.

10/10/2012 3:24 AM EST
Arbaco, Oktoobar 10, 2012 (HOL) — Kulan uu ra'iisul wasaaraha cusub ee Somalia, Cabdi Faarax Shir-doon (Saacid) ugu soo bandhigi lahaa xildhibaannada baarlamaanka wax-qabadkiisa inta la ansixin ka hor oo maanta dhici lahaa ayaa dib u dhacay, iyadoo dib u dhacan lagu sheegay mid farsamo.

10/10/2012 3:23 AM EST
Arbaco, Oktoobar 10, 2012 (HOL) — Qarax la aaminsanyahay in uu yahay nooca yahay miinooyinka remoteka laga hago ayaa shalay ka dhacay xaafadda Calanleey ee bartamaha magaalada Kismaayo, iyadoona uu qaraxaasi sababay khasaarooyin soo gaaray dad rayid ah.