6/27/2022
Today from Hiiraan Online:  _
Wararka Maanta- Isniin, Oct 1 , 2012
Madaxweynaha Somalia iyo Wafdi uu Hoggaaminayo oo Booqasho ku tagay Magaalada Baydhabo ee Xarunta Gobolka Bay
Isniin, Oktoobar 01, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo xildhibaanno iyo wasiirro isugu jira ayaa u dhoofay magaalada Baydhabo ee gobolka  Bay halkaasoo ay maanta kulammo kula yeelanayana maamulka gobolka, kan degmada iyo saraakiisha ciidamada dowladda Soomaaliya, kuwa Itoobiya iyo AMISOM ee ka socda dalalka Uganda iyo Burundi.

Booqashadan ayaa waxay noqonaysaa tii ugu horreysay oo madxweynaha Soomaaliya uu ku tago deegaan ka mid ah Soomaaliya, waxaana isaga iyo wafdigiisa ayaa waxaa garoonka diyaaradaha ee Muqdisho ka qaadday diyaarad qaas ah taasoo geystay Baydhabo, isagoo isla maanta kusoo laabanaya Muqdisho.

Guddoomiyaha baarlamaanka, Maxamed Sheekh Cismaan Jawaari oo lagu waday inuu madaxweynaha u raaco Baydhabo ayaa ka baaqday, iyadoo aan la ogeyn sababta keentay inuu baaqdo, waxaana socdaalkan uu kusoo beegmayaa xilli madaxweyanha laga sugayay maanta inuu magacaabo ra'iisul wasaare soo dhisa xukuumad.

Madaxweynuhu kama uu san hadlin sababaha keenay in xilligan uu booqasho ku tago magaalada Baydhabo ee xarunta gobolka Bay, iyadoo aysan jirin wax hadda ka jira degmada Baydhabo oo sababi kara in madaxweynaha Somaaliya uuu buuqasho ku tago. 

Magaalada Baydhabo oo ay ciidamada dowladda Soomaaliya iyo kuwa Itoobiya ay kala wareegeen bishii Feberaayo ee sannadkan Xarakada Al-shabaab ayaa waxay noqonaysaa markii ugu horreysay oo uu booqdo madaxweyne Soomaaliyeed.

Dhanka kale, wararka laga helayo magaalada Baydhabo ayaa waxay sheegayaan in halkaas uu ka socdo diyaargarow lagu soo dhaweynayo madaxweynaha iyo wafdigiisa, iyadoo heegan la geliyay ciidamada dowladda Soomaaliya, kuwa AMISOM iyo kuwa Itoobiya ee ku sugan Baydhabo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/1/2012 10:31 AM EST
Isniin, October, 01, 2012 (HOL)- Alla ha u naxariistee waxa xalay dalka Norway ku geeriyooday abwaankii caanka ahaa Maxamed Xaashi Dhaamac Gaariye oo billihii u dambeeyey ku xanuunsanayey dalkaasi.

10/1/2012 9:51 AM EST
Isniin, Oktoobar 01, 2012 (HOL) — Taliyaha hay'adda nabadsugidda gobolka Banaadir, Col. Axmed Ereg ayaa sheegay in ammaanka Muqdisho ay adkeeyeen kadidb markii ay howlgallo isdaba-joog ah ka sameeyeen degmooyinka gobolka Banaadir.

10/1/2012 8:31 AM EST
Isniin, Oktoobar 01, 2012 (HOL) — Ciidamada dowladda Federaalka Soomaaliya, kuwa Raaskaambooni iyo Militariga Kenya oo isgarabsanaya ayaa goordhawayd gudaha u galay magaalada Kismaayo iyadoona ay ciidamadu magaalada kasoo galeen dhowr jiho.

10/1/2012 8:21 AM EST
Isniin, Oktoobar 01, 2012 (HOL) — Kooxo bastoolado ku hubeysan ayaa goor-dhaw ku toogtay magaalada Baladweyne ee xarunta gobolka Hiiraan nabadoon caan ka ahaa Baladweyne.

10/1/2012 6:53 AM EST
Isniin, Oktoobar 01, 2012 (HOL) — Ciidamada dowladda KMG iyo kuwa Kenya ayaa maalintii sedexaad ku sugan daafaha magaalada Kismaayo, iyadoona ay arintaasi keentay in dhaqdhaqaaqii ganacsi ee magaalada Kismaayo iyo deegaanada ku xeeran uu hakad galo.

10/1/2012 6:49 AM EST
Isniin, Oktoobar 01, 2012 (HOL) — Kaddib markii ay ciidamada dowladda Itoobiya iyo AMISOM ee ka socda dalka Jabuuti ka baxeen saldhigyadii ay ka daganaayeen magaalada Baladweyne, waxaa arintaa ka hadllay mas’uuliyiinta maamulka gobolka Hiiraan.

10/1/2012 4:17 AM EST
Isniin, Oktoobar 01, 2012 (HOL) — Afhayeenka baarlamaanka Soomaaliya, Maxamed Sheekh Cismaan Jawaari ayaa sheegay in ajnadaha ugu horreeya ee baarlamaanku uu ka doodi doono uu yahay dastuurka cusub ee Soomaaliya, isagoo sheegay inay dib u eegis ay ku sameyn doonaan qodobbada dastuurka oo dhan.

10/1/2012 3:36 AM EST
Isniin, Oktoobar 01, 2012 (HOL) — Kooxo hubeysan ayaa xalay ku dilay magaalada Gaarisa oo ah xarunta gobolka Waqooyi-bari ee dalka Kenya laba askari oo ka tirsan ciidamada ammaanka Kenya, iyagoo ay u suurogashay inay ka baxsadaan goobta markii ay dilka askarta fuliyeen.