3/29/2024
Today from Hiiraan Online:  _
Wararka Maanta- Jimco, Nov 9 , 2012
Kooxo Hubeysan oo Magaalada Muqdisho ku Dilay Oday Dhaqameed
Jimco, November 09, 2012 (HOL) —Kooxo Baastoolado ku hubeysan oo aan heybtooda la aqoon ayaa toogasho ku dilay mid kamid ah odoyaal dhaqameedyadii soo xulay xubnaha cusub ee baarlamaanka Soomaaliya.

Marxuunkan oo lagu magacaabi Jiray Malaaq Isaaq Ibraahim ayaa wuxuu kamid ahaa odoyaal dhaqameedyadii ka qeybqaatay soo xulidda baarlamaanka cusub, waxayna kooxo hubeysan ku toogteen degmada Waaberi ee magaalada Muqdisho.

Goobjoogayaal ku sugan xaafadda Waaberi ee magaalada Muqdisho ayaa warbaahinta u sheegay in marxuumka dhowr xabadood ay ku dhufteen kooxihii hubeysnaa kadibna ay goobta isaga baxsadeen.

Marxuumka ayaa isagoo dhaawac ah loola cararay isbitalka Daaru-Shifaa halkaasoo markii danbe uu ku geeriyooday.

Ilaa imika lama garanayo cidda ka danbeeysay dilka marxuumkani, mana jiraan masuuliyiin katirsan dowladda Soomaaliya oo faahfaahin ka bixiyay.



Xasan Nuur, Hiiraan Online
[email protected]
Kismaayo, Soomaaliya













Click here
11/9/2012 9:09 AM EST
Jimco, November 09, 2012 (HOL) —Dibadbaxyo waaweyn ayaa maanta ka dhacay magaalooyinka Afmadow, Dhoobley, Badhaadhe iyo deegaano kale oo ku yaal galbeedka gobolka jubada Hoose.

11/9/2012 3:51 AM EST
Jimco, November 09, 2012 (HOL) —Golaha Ammaanka Qaramada Midoobay ayaa ku gacan seeyray codsi uga yimid ururka Midowga Afrika kaa oo ahaa in UN-ta ay maalgeliso ciidamada badda Kenya ee ku sugan xeebaha dalka Soomaaliya.

11/9/2012 3:02 AM EST
Jimco, November 09, 2012 (HOL) — Maamulka jamaacadda Kenya ee loo yaqaan MKU ayaa sheegay inay qorsheyanayaan inay farac ka sameystaan dalka Soomaaliya, taasoo ay sheegeen inay uga qayb-qaadanayaan dib u dhiska dalka Soomaaliya, kaddib labaatan sano oo burbur ah, sidaa waxaa sheegtay madaxa jaamacadda, Prof. Victoria Wulsin.

11/9/2012 2:54 AM EST
Jimco, November 09, 2012 (HOL) — Madaxweynaha Somaliland Mudane Axmed Maxamed Maxamuud Siilaanyo ayaa maanta xadhiga ka jaray wejigga koowaad ee wadada isku xidha Magaalada Salaxley iyo magaaladda Hargaysa.

11/9/2012 2:44 AM EST
Jimco, November 09, 2012 (HOL) — Wariyeyaal tiradoodu gaarayso 12 oo muddo 36-saacadood ah ku xayirnaa garoonka diyaaradaha ee magaalada Kismaayo ayaa shalay gallinkii dambe dib loogu soo celiyay magaalada Muqdisho ee xarunta Soomaaliya.

11/9/2012 2:36 AM EST
Jimco, November 09, 2012 (HOL) — Ugu yaraan toban ka mid ah dhinacyadii dagaalku u dhexeeyay ayaa ku dhintay tiro intaas ka badanna way ku dhaawacmeen dagaal culus oo ciidamada dowladda Soomaaliya iyo xoogagga Al-shabaab ku dhexmaray deegaanka Leego ee gobolka Shabeellada hoose, sida ay xaqiijiyeen saraakiil ka tirsan dowladda Soomaaliya.

11/9/2012 2:28 AM EST
Jimco, November 09, 2012 (HOL) — Kooxo hubeysan ayaa xalay laba qof oo uu ku jiray Askari ka tirsan ciidamada dowladda Soomaaliya ku dilay degmooyinka Huriwaa iyo Howlwadaag ee magaalada Muqdisho, iyadoo kooxahan ay u suurogashay inay baxsadaan.