3/28/2024
Today from Hiiraan Online:  _
Wararka Maanta- Jimco, Nov 9 , 2012
Kooxo hubeysan oo Xalay Muqdisho ku dilay laba qof oo uu ku jiray Askari ka tirsanaa ciidamada Dowladda Soomaaliya

Jimco, November 09, 2012 (HOL) — Kooxo hubeysan ayaa xalay laba qof oo uu ku jiray Askari ka tirsan ciidamada dowladda Soomaaliya ku dilay degmooyinka Huriwaa iyo Howlwadaag ee magaalada Muqdisho, iyadoo kooxahan ay u suurogashay inay baxsadaan.

Askariga ka tirsan ciidamada dowladda ayaa lagu dilay isgoyska Howlwadaag, iyadoo sidoo kale ay kooxaha askariga dilay bam-gacmeed ku weerareen saldhiga ay ciidamada dowladdu ku sugnaayeen, iyagoo markiiba goobta ka baxsaday.

Goobjoogayaal ayaa sheegay in maydka askariga la dilay ay goobta ka qaadeen ciidammo kale, iyadoo ay ciidamadu billaabeen howgallo ay ku baadi-goobayaan kooxihii weerarka geystay. Inkastoo aysan u suuro-gelin inay qabtaan.

Dhanka kale, kooxo bastoolado ku hubeysan ayaa iyaguna laba qof oo shacab ah ku toogtay xaafadda Suuqa Xoolaha ee degmada Huriwaa, iyadoo kooxaha dilka geystay ay goobta ka baxsadeen, lama oga sababta keentay in ruuxan rayidka ah la dilo.

Saraakiisha dowladda Soomaaliya ayaa inta badan u eedeeyay falalka ammaan-darro ee ka dhaca Muqdisho inay ka dambeeyaan xoogag taabacsan Al-shabaab, waxaana falalkan ay imaanayaan iyadoo dhawaanahan ay ciidamadu dowladdu ka sameynayeen Muqdisho howgallo lagu sugayo ammaanka.

Inkastoo Xarakada Al-shabaab aysan sheegan inay ka dambeysay dilalkii xalay ka dhacay Muqdisho ayaa haddan waxay horay u sheegeen inay weli ay ka howlgalayaan magaalada Muqdisho, waxaana toddobadkan ay qaraxyo khasaare geystay ay ku weerareen baar ku yaalla Muqdisho iyo bannaanka hore ee xarunta baarlamaanka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/9/2012 12:40 PM EST
Jimco, November 09, 2012 (HOL) —Kooxo Baastoolado ku hubeysan oo aan heybtooda la aqoon ayaa toogasho ku dilay mid kamid ah odoyaal dhaqameedyadii soo xulay xubnaha cusub ee baarlamaanka Soomaaliya.

11/9/2012 9:09 AM EST
Jimco, November 09, 2012 (HOL) —Dibadbaxyo waaweyn ayaa maanta ka dhacay magaalooyinka Afmadow, Dhoobley, Badhaadhe iyo deegaano kale oo ku yaal galbeedka gobolka jubada Hoose.

11/9/2012 3:51 AM EST
Jimco, November 09, 2012 (HOL) —Golaha Ammaanka Qaramada Midoobay ayaa ku gacan seeyray codsi uga yimid ururka Midowga Afrika kaa oo ahaa in UN-ta ay maalgeliso ciidamada badda Kenya ee ku sugan xeebaha dalka Soomaaliya.

11/9/2012 3:02 AM EST
Jimco, November 09, 2012 (HOL) — Maamulka jamaacadda Kenya ee loo yaqaan MKU ayaa sheegay inay qorsheyanayaan inay farac ka sameystaan dalka Soomaaliya, taasoo ay sheegeen inay uga qayb-qaadanayaan dib u dhiska dalka Soomaaliya, kaddib labaatan sano oo burbur ah, sidaa waxaa sheegtay madaxa jaamacadda, Prof. Victoria Wulsin.

11/9/2012 2:54 AM EST
Jimco, November 09, 2012 (HOL) — Madaxweynaha Somaliland Mudane Axmed Maxamed Maxamuud Siilaanyo ayaa maanta xadhiga ka jaray wejigga koowaad ee wadada isku xidha Magaalada Salaxley iyo magaaladda Hargaysa.

11/9/2012 2:44 AM EST
Jimco, November 09, 2012 (HOL) — Wariyeyaal tiradoodu gaarayso 12 oo muddo 36-saacadood ah ku xayirnaa garoonka diyaaradaha ee magaalada Kismaayo ayaa shalay gallinkii dambe dib loogu soo celiyay magaalada Muqdisho ee xarunta Soomaaliya.

11/9/2012 2:36 AM EST
Jimco, November 09, 2012 (HOL) — Ugu yaraan toban ka mid ah dhinacyadii dagaalku u dhexeeyay ayaa ku dhintay tiro intaas ka badanna way ku dhaawacmeen dagaal culus oo ciidamada dowladda Soomaaliya iyo xoogagga Al-shabaab ku dhexmaray deegaanka Leego ee gobolka Shabeellada hoose, sida ay xaqiijiyeen saraakiil ka tirsan dowladda Soomaaliya.