3/29/2024
Today from Hiiraan Online:  _
Wararka Maanta- Jimco, Nov 23, 2012
Maxkamadda Ciidamada Dowladda oo xukunno kala duwan ku riday Ciidamo dhac ka geystay Gobolka Shabeellad Hoose

Jimco, November 23, 2012 (HOL) — Maxkamadda ciidamada dowladda Soomaaliya ayaa afar askari oo ka tirsan ciidamada dowladda Soomaaliya ku ridday xukunno kala duwan oo xabsi ah, kaddib markii lasoo qabtay iyagoo dhac ka geysanaya deegaanno gobolka Shabeellada hoose ka tirsan.

Mid ka mid ah guddoomiye ku xigeennada gobolka Shabeellada hoose ayaa sheegay in askartan oo ahaa shan afar ka mid ah lagu helay dambiga, midkii kalena lagu waayay lana sii dayay, isagoo sheegay in askartan laba mid ah lagu xukumay xabsi daa'in.

"Askarta markii lasoo qabanayay waxay ku jireen falal dhac ah, waxayna ahaayeen shan, balse mid ka mid ah dambi waa lagu waayay laba ka mid ah askartan waxaa lagu lagu xukumay xabsi daa'in, labada kalena waxaa lagu xukumay min shan sano oo xarig ah," ayuu yiri Cabdifataax Cabdulle Yuusuf oo ka mid ah mas'uuliyiinta gobolka Shabeellada Hoose.

Ciidamada dowladda Soomaaliya oo kaashanaya AMISOM ayaa waxay gacanta ku hayaan degmooyinka Afgooye, Marko, Wanlaweyn iyo degmada Afgooye iyadoo la sheego in ciidamada dowladda Soomaaliya ay deegaannadaas dhac joogto ah u geystaan shacabka ku nool.

Dhanka kale, guddoomiye ku xigeenka gobolka Shabeellada hoose ayaa sheegay in isku dhac uu dhexmaray ciidammo ka tirsan kuwa dowladda iyo kooxo doonayay inay isbaarooyin dhigtaan deegaanka Shalaanbood, isagoo xusay in kooxahaas ay ka adkaadeen.

Gobolka Shabeellada hoose ayaa dhowr jeer waxaa ka dhacay iskahorimaadyo u dhexeeya ciidamada dowladda Soomaaliya kuwaasoo khasaare ay kasoo gaartay dadka shacabka ah ee ku nool deegaannada ay ku dagaalamaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/23/2012 5:08 PM EST
Jimce, November 23, 2012 (HOL)- Magaalada Qardho ee xarunta gobolka Karkaar waxaa maanta socdaal shaqo kusoo gaarey wefdi uu horkacayo madaxweynaha Puntland Cabdiraxmaan Maxamed Maxamuud (Faroole) iyo xubno ka tirsan golihiisa wasiirrada. Safarkan ayaa ahaa mid horay loo qorsheeyey, haseyeeshee dhowr maalmood dib u dhacay.

11/23/2012 3:14 AM EST
Jimco, November 23, 2012 (HOL) — Iyadoo 20-kii bishan safaaradda Soomaaliya ee dalka Biljamka ku guuleysatay inay ka saarto dad sharci-darro ku deggenaa xarunta safaaradda ayaa waxaa munaasabad lagu soo dhoweynayay arrintaasi lagu qabtay dhismaha safaaradda taasoo ay ka qaybagleen xubnaha jaaliyadda Soomaaliyeed ee Belgium, safiirka Soomaaliya ee Midowga Yurub iyo Talyaaniga, danjire Nuur Xasan Xuseen (Nuur Cadde).

11/23/2012 2:59 AM EST
Jimco, November 23, 2012 (HOL) — Xildhibaanno ka socda dalalka Carabta oo ay ku jiraan kuwo Soomaali ah ayaa gaaray marinka Gaza ee dhulka Falastiin oo duqeymo ay ku haysay Israa'iil tan iyo toddobaadkii hore, waxaana ay booqdeen goobihii ay duqeeyeen diyaaradaha dagaalka Yuhuudda.

11/23/2012 2:48 AM EST
Jimco, November 23, 2012 (HOL) — Ururka dhalinyarada Soomaaliyeed ee SYL II ayaa Khamiistii shalay xaruntiisa Muqdisho ugu soo gabgabeeyay tababar urrurada bulshada rayidka ee ka dhisan gobolka Shabeelada Hoose, tababarkan oo socday muddo laba maalmood ah ayaa looga hadlayay xalinta khilaafaadka iyo dib u dhiska nabadda, iyadoo sidoo kale urrurada lagu baray sidii xiriir ula sameyn lahaayeen bulshadooda si ay ugu qayb-qaatan isku-xirka bulshada iyo wacyi-galinta dhallinyarada

11/23/2012 2:47 AM EST
Jimco, November 23, 2012 (HOL) — Ololihii doorashooyinka golaha deegaanka Somaliland ayaa maraysa wareegii u dambeeyey, kaas oo kor u qaaday xaraarada ololaha si weynna looga dareemayo miyi iyo magaalaba.

11/23/2012 2:46 AM EST
Jimco, November 23, 2012 (HOL) — Weerarro siyaabo kala duwan uga dhacay xalay degmada Baydhabo iyo magaalada Muqdisho ayaa sababay khasaare nafeed oo kala duwan, iyadoo weerarradan ay ahaayeen kuwo ay fuliyeen xoogag taageersan Al-shabaab.

11/23/2012 2:44 AM EST
Jimco, November 23, 2012 (HOL) — Madaxweynaha Somaliland, Axmed Maxamed Maxamuud (Siillaanyo) ayaa shalay xafiiskiisa ku qaabilay xubno ka socda urrurada bulshadda rayidka ah ee Somaliland, kuwaasoo ay ka wadahadleen sidii looga wada-shaqayn lahaa doorashooyinka golaha deegaanka oo bishan 28-keeda la filayo inay dalka ka qabsoonto iyo inay si cadaaladda oo xor iyo xalaal ah u dhacdo doorashadaasi.

11/23/2012 2:12 AM EST
Jimco, November 23, 2012 (HOL) —Ciidamada Booliska Kenya ayaa sheegay in ay gacanta ku hayaan sedex qof oo looga shakisanyahay in ay ka danbeeyeen qaraxii lala eegtay gaariga rakaabka ah ee sababay dhimashada ku dhowaad 10 qof iyo dhaawaca tobaneeyo qof oo kale.