3/29/2024
Today from Hiiraan Online:  _
Wararka Maanta- Arbaco, Nov 14, 2012
Wafdiyo ka kala socday Wadamada Turkiga iyo Iiraan oo Muqdisho Booqasho ku tagay lana kulmay Madaxda Soomaaliya
Arbaco, November 14, 2012 (HOL) — Magaalada Muqdisho ayaa waxaa maanta soo booqday wafdiyo heer caalami ah oo ka socday dalalka Turkiga iyo Iiraan oo saaxiib dhow la ah Soomaaliya, waxaana wafdiyadan ay kulammo la qaateen madaxda dowladda iyo xildhibaannada baarlamaanka Soomaaliya.

Wadiyadan oo ay kala hoggaaminayeen wasiirka arrimaha dibadda ee Turkiga, Axmed Da'ud Oogle iyo wasiirka arrimaha dibadda ee dalka Iiraan, Cali Akbar Saalixi ayaa waxay labaduba sheegeen inay u yimaadeen sidii ay gacan u siin lahaayeen shacabka iyo dowladda Soomaaliya.

"Farxad weyn ayay ii tahay inaan kusoo laabto Soomaaliya, waxaan halkan u imid inaan garab-istaagno walaalaheenna Soomaaliyeed, waayo isbedel weyn ayaa dalka ka dhacay," ayuu yiri wasiirka arrimaha dibadda ee Turkiga oo sheegay inay sidoo kale u kuur-galayaan mashaariicda uu Turkigu ka wado Soomaaliya.

"Turkigu waxay doonayaan inay baarlamaanka Soomaaliya dib u dhis ku sameeyaan, Injineerradeena ayaa soo booqday xartuntan waxayna arkeen inuusan dhismahan ahayn mid wanaagsan, sidaa daraadeed waan burburinaynaa waxaana ka dhigaynaa xarun casri ah," ayuu yiri wasiir dibadbadeedka Turkiga oo sheegay inuu dhismaha qaadanayo muddo hal sano ah. Isagoo xildhibaannada ku yiri: "Marka dambe ee aan soo noqdo waxaan doonayaa inaan halkan idin kula hadlo."

Wasiirka arrimaha dibadda ee Iiraan, Cali Akbar Saalixi ayaa sheegay isaguna in socdaalka uu ku yimid Muqdisho ay qayb ka tahay sidii ay u furi lahaayeen safaaraddii Iiraan ay Soomaaliya ku lahayd, sidoo kalena ay u hirgelin lahaayeen xarun caafimaad oo ay dowladda Iiraan maal-gelinayso.

"Soomaaliya waxay kasoo gudubtay caqabado badan, xilligana waxaa ka jira iftiin hormar oo wanaagsan, annaguna waxaan halkaan u nimid furista safaaradii Iiraan iyo xarun caafimaad oo ay maal-gelinayso dowladda Iiraan," ayuu yiri Saalixi.

Wafdiyadan ka kala socday dalalka Iiraan iyo Turkiga ayaa waxay kulammo kala duwan la yeesheen madaxweynaha Soomaaliya, iyagoo kala hadlay isbedelka ka dhacay Soomaaliya, waxayna labadan wasiir ee wafdiyadan hoggaaminayay ay u sheegeen madaxweynaha inay sii wadi doonaan caawinta shacabka Soomaaliyeed.

Ammaanka magaalada ayaa aad loo adkeeyay intii ay wafdiyadan ku sugnaayeen Muqdisho, waxaana wafdiyadan garoonka diyaaradaha Muqdisho kusoo dhaweeyay wasiirro ka tirsan xukuumadda cusube ee Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/14/2012 8:16 AM EST
Arbaco, November 14, 2012 (HOL) — Magaala madaxda Puntland ee Garoowe waxaa maanta looga dhawaaqay urur siyaasadeedkii ugu horeeyey ee la dhiso tan iyo markii la shaaciyey in hanaanka doorashooyinka Puntland uu noqonayo mid ku salaysan nidaamka axsaabta badan.

11/14/2012 7:57 AM EST
Arbaco, November 14, 2012 (HOL) — Ardayda jaamacada Gabiley ee Tima-cadde University, ayaa maanta mar labaad mudaharaad balaadhan ka dhigay magaaladda Gabiley, kaas oo ay kaga cabanayaan guddida doorashooyinka Somaliland oo ay sheegeen in aanay wax jawaab ah ka helin codsi ay u direen in sida jaamcadaha kale loola dhaqmo oo laga hawlgaliyo goobaha doorashooyinka ka dhici doonaan.

11/14/2012 7:44 AM EST
Arbaco, November 14, 2012 (HOL) — Madaxweynaha Soomaaliya, Xasan Sheekh Maxamuud ayaa wafdi ka socday dowladda Shiinaha kula kulmay maanta oo Arbaco ah wafdi ka socday dalka Shiinaha oo uu hoggaaminayay madaxa shiradaha dalka Shiinaha ee dhinaca dhismaha Afrika.

11/14/2012 7:24 AM EST
Arbaco, November 14, 2012 (HOL) — Madaxweynaha Somaliland Md: Axmed Maxamed Maxamuud (Siilaanyo) iyo wefti balaadhan oo uu hogaaminayo, ayaa maanta safar shaqo ku tagay magaaladda Boorame ee xarunta gobolka Awdal.

11/14/2012 6:50 AM EST
Arbaco, November 14, 2012 (HOL) — Hay'adda wadahadalka bulshada ee CCD ayaa waxay magaalada Muqdisho ugu qabatay 200 oo ka tirsan culummada Ahlu-sunna kulan looga hadlayay haweenka sida khasabka ah laug guursado, kuwaasoo eedeyn u jeediyay Xarakada Al-shabaab.

11/14/2012 4:30 AM EST
Arbaco, November 14, 2012 (HOL) —Xildhibaan C/raxmaan Xoosh Jibriil oo kamid ah mudanayaasha Baarlamanka Soomaaliya ayaa sheegay in ansixintii golaha wasiirada ay u dhacday si aan waafaqsanayn sharciga.

11/14/2012 4:25 AM EST
Arbaco, November 14, 2012 (HOL) — Wasiirka gaashaandhigga Soomaaliya, C/xakiin Xaaji Maxamuud Fiqi ayaa sheegay in wasaaraddiisu ay dib u habeyn ku sameyn doonto ciidamada xoogga dalka, isagoo sheegay in la xoojin doono dagaalka laugla jiro Xarakada Al-shabaab inta laga saarayo dalka oo dhan.

11/14/2012 4:25 AM EST
Arbaco, November 14, 2012 (HOL) — Waxaa garoonka kubadda cagta ee Nambole Stadium ee ku yaalla magaalada Kampala ee xarunta Uganda ka socda tababar aad u adag oo ciyaartooyda xulka Qaranka Soomaaliya ay ugu diyaar-garoobayaan ka qaybgalka ciyaaraha Bariga iyo Bartamaha Afrika ee CECAFA oo 24-ka bishan ka furmaya magaalada Kampala.

11/14/2012 3:44 AM EST
Arbaco, November 14, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) ayaa sheegay in xukuumaddiisa ay ka shaqeyn doonto sidii ay dib ugu soo celin lahayd karaamadii ay Soomaaliya ku lahayd caalamka, isagoo ku daray hadalkiisa inay dib u habeyn ku sameyn doonaan hay'adaha ammaanka ee dowladda Soomaaliya.

11/14/2012 3:42 AM EST
Arbaco, November 14, 2012 (HOL) — Xisbiyadda iyo ururadda siyaasadda ayaa si weyn uga qayliyey xeer ay dhowaan soo ansixiyeen labadda gole Baarlamaan, isla markaana madaxweynaha hor yaallo si uu u dhaqangaliyo, kaas oo ay sheegeen inay dhibaato ku tahay xoriyatul qawlka iyo madax banaanidda warbaahinta.

11/14/2012 3:40 AM EST
Arbaco, November 14, 2012 (HOL) — Magaalada Garoowe oo ay dhawrkii maalmood ee ugu dambeeyay ay ka socdeen howlgallo lagu banneynayo xarumihii ay lahaan jirtey dowladdii hore ee kacaanka, ayaa shalay waxaa ka dhacday shaqaaqo uu ku dhintay askari ka tirsan ciidamada Puntland ayna ku dhaawacmeen saddex askari oo kale.

11/14/2012 3:09 AM EST
Arbaco, November 43, 2012 (HOL) —Dagaalyahanno katirsan Al-shabaab ayaa xalay markale weerar madaafiic ah ku qaaday garoonka diyaaradaha magaalada Kismaayo, halkaasoo ay ku suganyihiin ciidamo katirsan kuwa Kenye ee AMISOM.

11/14/2012 2:40 AM EST
Arbaco, November 43, 2012 (HOL) —Dowladda Ingiriiska ayaa soo dhaweeysay tallaabada ay mudanayaasha baarlamanka Soomaaliya ku ansixiyeen golaha wasiirada cusub ee dowladda federaalka Soomaaliya.