3/28/2024
Today from Hiiraan Online:  _
Wararka Maanta- Isniin, Nov 12, 2012
Iskahorimaad khasaare geystay oo ciidamada Itoobiya iyo Xarakada Al-Shabaab ku dhexmaray duleedka Degmada Baydhabo

Isniin, November 12, 2012 (HOL) — Iskahorimaad ay ku dhinteen laba qof oo rayid ah ayna ku dhaawacmeen saddex kale ayaa ciidamada Itoobiya iyo xoogagga Al-shabaab ku dhexmaray maanta deegaanka Awdiinle ee gobolka Bay, iyadoo aanay jirin khasaare soo kala gaartay labadii dhinac ee dagaalamay.

Dagaalkan ayaa qarxay markii xoogag taabacsan Al-shabaab ay weeraro isugu jira qaraxyo, duqeymo iyo iskahorimaad kooban la beegsadeen ciidammo Itoobiyaan ah oo ka tagay degmada Baydhabo kuna socday degmada Bardaale ee isla gobolka Bay.

"Rasaas ay fureen ciidamada Itoobiya ayaa waxaa ku dhintay laba qof oo shacab ah, saddex kalena way ku dhaawacmeen, ma jirto khasaare kala gaaray labadii dhinac ee dagaalku u dhexeeyay," ayuu yiri goobjooge ku sugan deegaanka Aw-dhiigle oo magaciisa qariyay.

Wararka ayaa waxay sheegayaan in xoogaggii Al-shabaab ee weerarka ku qaaday ciidamada Itoobiya ay isaga carareen goobta, taasna ay keentay in ciidamada Itoobiya ay rasaas ku furaan dad ku sugnaa deegaanka Aw-dhiigle oo ahayd halkii uu iskahorimaadka koobani ka dhacay.

Taliyaha ciidamada booliiska gobolka Bay, Col. Mahad C/raxmaan Aadan ayaa xaqiijiyay in iskahoimaadku uu dhacay; isagoo xusay in ciidamada Itoobiya ay si bareer ah rasaas ugu fureen dad shacab ah oo ku nool deegaanka Awdhiigle rasaastaas oo sababtay dhimasho iyo dhaawac.

Ciidamadii Itoobiya ayaa la sheegay inay safarkoosa iska sii wateen, iyadoo dagaalkan uu qayb ka noqnayo dagaallo dhowr ah oo maalmahan gobolka Bay ku dhexmarayay ciidamada dowladda, kuwa Itoobiya iyo xoogagga Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/12/2012 8:59 AM EST
Isniin, November 12, 2012 (HOL) — Xildhibaannada baarlamaanka Soomaaliya ayaa ku kala aragti duwan ansixinta xukuumadda cusub ee Soomaaliya, iyadoo qaar ka mid ah xidhibaannada ay ku doodayaan in xukuumadda la ansixiyo, halka kuwo kale ay ku doonayaan in xukuumadda la ansixiyo haddii lagu qanco barnaamijkeeda siyaasadeed.

11/12/2012 8:35 AM EST
Isniin, November 12, 2012 (HOL) — Dood looga hadlayay sidii haweenka Soomaaliyeed ay kaalin weyn ugu yeelan lahaayeen siyaasadda iyo hoggaaminta dalka ayaa maanta oo Isniin ah lagu qabtay xarunta ciidamada Midowga Afrika [AMISOM] ee magaalada Muqdisho.

11/12/2012 7:10 AM EST
Isniin, November 12, 2012 (HOL) — Bannaanbax looga soo horjeeday hadalkii kasoo yeeray hoggaamiyaha shabakadda Al-Qaacida, Ayman Al-Zawaahiri ayaa maanta ka dhacay magaalada Muqdisho, iyadoo dadweyne u badnaa ay kusoo urureen xarunta degmada Wardhiigley halkaasoo uu dibadbaxu ka dhacay, waxaana goobtaaas ka hadlay mas'uuliyiin ka tirsan dowladda Soomaaliya.

11/12/2012 5:51 AM EST
Isniin, November 12, 2012 (HOL) —Xaflad lagu taageerayay dhamaystirka Dawlada Fedraalka ee Somaaliya ayaa lagu qabtay magalada Boston ee USA, taarikhdu marka ay eheed axad 11/11/2012.

11/12/2012 5:08 AM EST
Isniin, November 12, 2012 (HOL) —Xulka qaranka K/cagta Soomaaliya ee ka qeyb galaya ciyaaraha bariga iyo bartamaha Africa ee CECAFA ayaa ku qeyb noqday xulalka adag ee Sudan, Tanzania iyo Burundi ee qebta B, kaddib markii goor dhaweyd ee maanta la sameeyay isku aadka ciyaarahan.

11/12/2012 5:00 AM EST
Isniin, November 12, 2012 (HOL) —INAA LILLAAHI WA INAA ILEYHI RAAJICUUN: Waxaa Shalay duhurkii magaaladda Kampala ee dalka Uganda ku geeriyooday Allaha u naxariistee Sheekh C/weli C/llaahi oo ahaa iimaankii Soomaalida ku nool dalka Uganda, kaddib markii uu wadnuhu istaagay.

11/12/2012 4:40 AM EST
Isniin, November 12, 2012 (HOL) —Saraakiisha hogaamineysa ciidamada dowladda Soomaaliya ee ka dagaalama gobolka Gedo ayaa sheegay in ay isu soo dhiibeen dagaalyahnno kasoo goostay xoogagga Al-shabaab.

11/12/2012 2:39 AM EST
Isniin, November 12, 2012 (HOL) —Dagaalyahanno katirsan xoogagga Al-shabaab ayaa xalay weerar madaafiic ah ku qaadeen garoonka diyaaradaha ee magaalada Kismaayo halkaasoo ay saldhig ku leeyihiin ciidamada Kenya eek u sugan magaalada Kismaayo.

11/12/2012 1:57 AM EST
Isniin, November 12, 2012 (HOL) —Waxaa maanta la filayaa in ra’isul wasaaraha dowladda Federaalka Soomaaliya uu xukuumaddiisa cusub horgeeyo baarlamanka Soomaaliya si ay ugu qaadaan codka kalsoonida.