3/29/2024
Today from Hiiraan Online:  _
Wararka Maanta- Khamiis, Nov 1 , 2012
Howlogallo ballaaran oo ka socnaya Magaalada Kismaayo ee Gobolka Jubbada Hoose iyo Isgaarsiinta oo Hawada ka Maqan

Khamiis, November 01, 2012 (HOL) — Howlgallo ballaaran ayaa saaka ka bilowday xaafadaha kala duwan ee magaalada Kismaayo, iyadoona ay maanta hawada ka maqantahay guud ahaan isgaarsiinta degmada Kismaayo.

Cidamada dowladda iyo kuwa Raaskaambooni oo aad u tiro badan ayaa saaka waxa ay halmar howlgallo saf ballaaran ah ka bilaabeen Xaafadaha Farjanno, Faanoole, Siinaay, Calanleey, Shaqaalaha iyo Guulwade.

Howlgalladan oo ah kuwo guri-guri ay ciidamadu u galayaan ayaa waxa ay ka socdaan gabi ahaan magaalada Kismaayo, waxaana howlgalladani ay saameyn ku yeesheen dhaqdhaqaaqii caadiga ah ee bulshada reer Kismaayo.

Shirkadaha isgaarsiinta ee magaalada Kismaayo ayaa maanta gabi ahaanba hawada ka maqan, waxaana mid kamid ah shaqaalaha Shirkadda Isgaarsiinta Hormuud uu HOL u sheegay in saraakiil katirsan ciidamada dowladda ay saaka ku amreen in ay jaraan isgaarsiinta ilaa amar danbe.

Howlgalladani ka bilowday Kismaayo ayaa ah kuwo lagu xaqiijinayo ammaanka, waxaana saraakiisha dowladda ay  sheegeen in gacan bir ah ay ku qaban doonaan ammaanka guud ee magaalada Kismaayo.

Howlgalladani ay sida wadajirka ah u fulinayaa ciidamada dowladda iyo kuwa Raaskaambooni ayaa kusoo beegmaya xilli maalmihii ugu danbeeyay ay magaalada Kismaayo ka dhacayeen qaraxyo loo adeegsanayo bambaanooyinka gacanta laga tuuro kuwaasoo sababay khasaarooyin dhimasho iyo dhaawacba leh.

Xasan Nuur, Hiiraan Online
[email protected]
Kismayo, Soomaaliya













Click here
11/1/2012 6:16 PM EST
Magaalada London ayaa waxaa lagu qabtay xaflad lagu maamuusayo sannad guuradii ka soo wareegtay qorista afka Soomaalia. Waxaa warbixintaan noo soo diray Baafo

11/1/2012 2:48 PM EST
Khamiis, November 01, 2012(HOL): War aynu ka helnay ilo diblumaasiyadeed oo aad loogu kalsoon yahay ayaa noo xaqiijiyay in Golaha Ammaanka ee Qaramada Midoobay uu muddada u kordhinayo ciidammada nabad-ilaalinta ah ee Midowga Africa ka jooga Soomaaliya.

11/1/2012 1:52 PM EST
Khamiis, November 01, 2012 (HOL) —Howlgallo ballaaran oo ay maanta gudaha magaalada Kismaayo ka fuliyeen ciidamada dowladda iyo kuwa Raaskaambooni ayay kusoo qabqabteen boqollaal qof oo lagu eedeeyay in ay xiriir la leeyihiin Al-shabaab.

11/1/2012 9:08 AM EST
Khamiis, November 01, 2012 (HOL) — Maxkamada ciidammada Dowladda Soomaaliya ayaa maanta xukunno xabsi ah ku ridday sagaal ruux oo la sheegay inay ka tirsan yihiin Xarakada Al-shabaab oo ay soo qabqabteen ciidamada dowladda Soomaaliya.

11/1/2012 7:29 AM EST
Khamiis, November 01, 2012 (HOL) — Iyadoo muran weyn uu ka taagnaa maamul u sameynta gobollada Jubbooyinka ayaa dowladda Kenya waxay markii ugu horreysay ku dhawaaqday inaysan lug ku lahayn maamul u sameynta gobolladan Koonfurta Soomaaliya ku yaalla.

11/1/2012 7:04 AM EST
Khamiis, November 01, 2012 (HOL) — Golaha ammaanka ee Qaramada Midoobay ayaa kulan ay xalay ku yeesheen meel ka baxsan xaruntooda New York waxay muddo hal todobaad ah ku kordhiyeen howl-galka ciidamada AMISOM ee ka howgalaya Soomaaliya, iyadoo uu jiro muran ku saabsan xilli kordhinta AMISOM oo u dhexeeya 15-ka dal ee golaha ammaanka.

11/1/2012 6:16 AM EST
Khamiis, November 01, 2012 (HOL) — Maamulka dowladda Soomaaliya ee gobolka Bakool ayaa sheegay in xoogagga Al-shabaab ay kala wareegeen deegaano dhowr ah oo ay hore uga arimin jireen kadib dagaal xooggan oo ay la galeen.

11/1/2012 3:34 AM EST
Khamiis, November 01, 2012 (HOL) — Ururka Midowga Afrika ayaa ka dalbaday golaha ammaanka ee Qaramada Midoobay inay xoojiyaan taageerada ay siiyaan ciidamadooda ku sugan Soomaaliya, sidoo kalena Soomaaliya laga qaado cunno-qabateynta hubka ee saaraan Soomaaliya, lana adkeeyo xayiraadda lagu soo rogay dhoofka dhuxusha Soomaaliya.

11/1/2012 3:05 AM EST
Khamiis, November 01, 2012 (HOL) — Wasiir ku xigeenka wasaaradda arrimaha dibadda ee dalka Kenya, Richard Onyonka ayaa Arbacadii shalay sheegay in 2,700 oo askari oo ka tirsan cidamada Uganda ee qaybta ka ah howgalka Midoga Afrika lagu dilay Soomaaliya tan iyo markii uu howgalkan billowday sannadkii 2007.