11/20/2018
Today from Hiiraan Online:  _
Wararka Maanta- Talaado, May 29, 2012
Gabar Soomaaliyeed oo Tababare ah oo Kooxdeeda ay ka dhex muuqato Koobka NSC Cup oo ka socda City of Blaine Mn (SAWIRRO)


Gabdho2.jpg

Talaado, May 29, 2012 (HOL) - Waxaa May 26 - 28, 2012  ka furmey magaalada Blaine ee Gobolka Minnesota USA koobka lagu magacaabo National Sports Center Cup ( NSC Cup) . Koobkan oo ah kii 20-aad ee Midwest's premier Memorial Day tournament gaar ahaan kubadda Cagta ( NSC Cup Soccer Tournament ) ayaa inta badan waxaa Tartan ku dhexmaraa Iskuuladda isugu soo hara ama soo gaara Cayaaraha kama danbeysta ah (Semi-Finals) .

Gabdho3.jpg
Tababare Fartuun Cismaan (Ali-dheere)

Tababare Fartuun Cismaan (Ali-dheere) oo ah gabar Soomaaliyeed ayaa macallin ama tababare u ah kooxda Kubadda Cagta ee Iskuulka Higher Ground Academy Red Fox ( HGA Red Fox), kooxdaas oo ah Gabdho Somali-American da´dooduna tahay 14 Sanno(Girls & Age = 14). Ciyaarihii  Kooxda HGA Red Fox ayaa  waxay ahaayeen kuwo aad u xiiso badan soona jiitey dadweynihii ka qayb galay, ayagoo muujiyey kooxdaasi cayaar- wanaag iyo karti labadaba. Waxayna ku guulaysteen laba ciyaarood oo ka mid ah kuwii ay dheeleen waxaana u harey weli ciyaaro kale.

Tababare Fartuun Cismaan oo tababarta Gabdhaha da´doou u dhaxeyso  8 ilaa 16 Sanno Ciyaaro kala gedisan (Soccer, Basketball & Athletics) ayaa Masuuliyiinta iyo Qoomiyadaha kala duwan ee ku nool Gobolka Minnesota ay aad indhahooda u soo jiidatay Gabdho yaryar oo Somali-American ah oo Ciyaaro kala duwan Ciyaaraya sida Kubadda Cagta, Kubadda Gacanta iyo Ciyaaraha Fudud ( Soccer,basketball & Athletics) kuwaas oo xidhan khimaarka ay gabdhaha maslimiintu madaxa ku duubtaan.

Gabdho5.jpg

Tababare Fartuun Cismaan ayaa Sidoo kale waxaa ay muddo dheer la shaqaynaysay Urban Youth Leadership connection/MN Thunder Plus iyo Higher Ground Academy,   2006-diina waxay ku  guulaysatay shahaadada E license oo ah aqoonsi tababaranimo ee kubadda Cagta. Waxay kaloo marar badan ku heshay abaal marino caalami ah sida Abaal marinta Virginia Mcknight Binger Human services Award

Fartuun Cismaan (Ali-dheere)  oo ka mid ahayd Ciyaartoogii heerka kowaad Kubadda Basketball ee Naadiga Muqdisho, kuwii Xiddigaha iyo Xulka Qaranka ee Soomaaliyeed ayaa Sidoo kale waxay ahaan jirtey Ciyaartoogii Ciyaaraha fudud( Athletics) sida Oradada 1500m, 400m oo ay kaalimo fiican ka soo gashay oo heer Caalami ah.

Gabdho4.jpg
Gabdho.jpg
 
City of Blaine, Minnesota. USA







Click here
5/29/2012 6:34 PM EST
Istanbul, May 29, 2012-----Ra’iisul Wasaaraha Soomaaliya Dr. Cabdiweli Maxamed Cali Gaas iyo wefdi ballaaran oo uu hogaaminayo ayaa maanta gelinkii dambe soo gaaray magaalada Istanbul ee caasimadda labaad ee dalka Turkiga halkaasoo si diiran loogu soo dhoweeyey.

5/29/2012 3:46 PM EST
Talaado, May 29, 2012(HOL):Maraakiibtii dagaal ee ku sugnayd xeebta magaalada Kismaayo ayaa caawa markale duqeymo ka bilowday magaalada, iyadoona gantaalada ay maraakiibta tuurayaan ay ku dhacayaan xaafadaha kala duwan ee degmada Kismaayo.

5/29/2012 9:21 AM EST
Talaado, May 29, 2012 (HOL) — Waxaa lagu wadaa in maalinta bari ah soo gaaraan magaalada Beledweyne ciidamo ka socda dowladda dalka Jabuuti, kuwaasoo qeyb ka ah howlgalka AMISOM ee dalka Soomaaliya.

5/29/2012 9:02 AM EST
Talaado, May 29, 2012 (HOL) — Maxkamadda sare ee somaliland, ayaa maanta go’aan ka gaadhay khilaafkii u dhexeeyey labadda garab ee xisbiga mucaaradka ah ee UDUB u kala jabay,waxaanay ayideen go’aankii guddidda diiwaangelinta ururadda Siyaasaddu ka soo saareen laba liis oo labadda garab u soo kala gudbiyeen, iyagoo qaatay liiska garabka uu hogaaminayo gudoomiyaha xisbiga UDUB Mr:Daahir Rayaale Kaahin.

5/29/2012 8:11 AM EST
Talaado, May 29, 2012 (HOL) — Labadan ruux oo midkood uu mayd ahaa ayaa lagu soo bandhigay gudaha suuqa Bakaaraha ee magaalada Muqdisho iyadoo saraakiisha dowladda ee halkaas ka hadlay ay sheegeen in midka maydka ah uu isku dayay inuu baxsado ciidamaduna ay toogteen.

5/29/2012 7:13 AM EST
Talaado, May 29, 2012 (HOL) — Faahfaahin dheerad ah ayaa kasoo baxeyso khasaaraha ka dhashay duqeyntii saaka ay maraakiibta dagaal ka geysteen magaalada Kismaayo ee xarunta Gobolka Jubada Hoose.

5/29/2012 7:02 AM EST
Talaado, May 29, 2012 (HOL) — Maxkamadda gobolka Banaadir ayaa maanta ku ridday xukunno isugu jira dil toogasho ah iyo xabsi u dhexeeya hal sano illaa shan sano, eedeysanayaan dambiyo kala duwan loo haystay.

5/29/2012 6:49 AM EST
Talaado, May 29, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hoggaaminayo ayaa maanta booqasho ku tagay degmada Afgooye ee gobolka Shabeellada hoose oo ciidamada DKMG ah iyo kuwa AMISOM ay kala wareegeen Jimcihii Al-shabaab, inkastoo markii ay Afgooye kasoo laabteen ay kula kulmeen inta u dhexeysa Ceelasha iyo Calamada weerar ay kusoo qaadeen xoogag taabacsan Al-shabaab.

5/29/2012 6:24 AM EST
Talaado, May 29, 2012(HOL): Shirkii odayaasha dhaqanka iyo ururada Bulshada Rayidka ah ayaa si habsami leh uga soconaya magaalada Istanbuul ee dalka Turkiga halkaasoo ay ku shirsan yihiin ku dhowaad 400 oo ergooyin kala matalaya qeybaha Bulshada Rayidka, Qurba joogta, Odayaasha dhaqanka, Culimaa’udiinka, waxgaradka iyo dowladda KMG ah ee Soomaaliya.

5/29/2012 3:18 AM EST
Talaado, May 29, 2012 (HOL) — Dowladda Soomaaliya iyo Xarakada Al-shabaab ayaa guulo ka kala sheegtay weerarro ka dhacay inta u dhexeysa Muqdisho iyo Afgooye, halkaasoo ay maalmo ka hor ciidamada dowladdu iyo kuwa AMISOM kula wareegeen dagaal saddex maalmood socday.

5/29/2012 3:00 AM EST
Talaado, May 29, 2012 (HOL) — Booliiska Denmark ayaa sheegay inay xireen laba qof oo Soomaali ah, kuwaasoo haysata dhalashada dalkooda, kuwaasoo ay ku eedeeyeen inay qorsheynayeen qaraxyo argagaxiso oo ay dalkaas ka geystaan.

5/29/2012 2:35 AM EST
Talaado, May 29, 2012 (HOL) — Maraakiib nooca dagaalka oo aan ilaa imika la garaneyn cida iska leh ayaa saaka duqeymo ba'an ku wada Magaalada Kismaayo ee xarunta gobolka Jubada Hoose, iyadoona duqeymahaasi ay sababeen qasaarooyin lixaad leh.

5/29/2012 2:26 AM EST
Talaado, May 29, 2012 (HOL) — Ra'iisul wasaaraha dalka Kenya, Raila Odinga oo ka hadlay qaraxii shalay ka dhacay magaalada Nairobi ee dhaawacay 35-ka qof ayaa sheegay inuu ahaa mid ka dhashay weerar bambaano oo Kenya lagu soo qaaday.