9/20/2018
Today from Hiiraan Online:  _
Wararka Maanta- Talaado, May 29, 2012
Maxkamadda Sare ee Somaliland oo go’aamo ka soo saartay khilaafkii labadda garab ee xisbiga UDUB U dhexeeyey


Talaado, May 29, 2012 (HOL) — Maxkamadda sare ee somaliland, ayaa maanta go’aan ka gaadhay khilaafkii u dhexeeyey labadda garab ee xisbiga mucaaradka ah ee UDUB u kala jabay,waxaanay ayideen go’aankii guddidda diiwaangelinta ururadda Siyaasaddu ka soo saareen laba liis oo labadda garab u soo kala gudbiyeen, iyagoo qaatay liiska garabka uu hogaaminayo gudoomiyaha xisbiga UDUB Mr:Daahir Rayaale Kaahin.

Maxkamaddu waxa kale oo ay sheegtay in sidoo kale hawlihii uu qabtay gudoomiye ku xigeenka xisbiga UDUB Axmed Yaasiin Yuusuf mudadii uu gudoomiyaha xisbigaasi maqnaa ay yihiiin mid sharciyan lagu dhaqmayo, isla markaana awoodiisa leh, balse gudbinta liiska xubnaha golaha dhexe uu gudoomiyaha xisbiga UDUB Daahir Rayaale Kaahin gudbiyey iyana ay tahay mid uu sharcigu awood u siinayo, isla markaaana liiskaasi yahay mid sharciyan sax ah.

Garsoorayaashan maxkamadda sare ee laga war sugayey go’aan ka gaadhida khilaafka labadda garab ee xisbiga UDUB oo ay muddo daraasadaynayeen ayaa maanta si rasmi ah usoo saaray go’aamo lagu furdaaminayo khilaafkaasi xisbiga soo wajahay.

"Waxay maxkamadda sare ayiday go’aanka guddidda Diiwaangelinta ururadda iyo Asxaabta Qaranka ee ay sumadiisu tahay GDUAAS/110/2012, kuna taariikhaySan 17, April, 2012, maxkamaddu waxay ku dhaqan sharci u aragtay warqada gudoomiyaha UDUB Daahir Rayaale Kaahin ka soo diray dalka dibadiisa, ujeedadiisuna ay ahayd soo xulidda liiska Xubnaha golaha dhexe ee xisbiga UDUB, warqadaas oo ku taariikhaysnayd 3, Oct.2011, guddidaasi oo ka kooban 35 xubnood oo uu gudoominayey gudomiye ku xigeenka UDUB Axmed Yuusuf Yaasiin"ayuu yidhi Yuusuf Ismaaciil Cali , gudoomiyaha maxkamadda sare oo go’aanka ku dhawaaqayey.

"Waxaanay maxkamad go’aamisay waxqabadyadii lagu sameeyey warqadaasi (warqaddii gudoomiyuhu usoo diray ku xigeenkiisa) ee loo igmaday ku xigeenkiisa ay yeelanayaan ku dhaqan sharci, hadii la raacay nuxurka iyo ujeedada warqadaasi ku qornaa, wax ka bedelka iyo soo jeedinta xeerka xisbiga UDUB waxa loo raacayaa sida uu dhigayo xeerka xisbiga udub qodobka 23aad xubintiisa 1aad, 2aad, sidoo kale wax ka bedelku waxa uu ku ansaxmayaa shirweynaha xisbigaasi UDUB"ayuu raaciyey hadalkiisa gudoomiyaha maxkamadda sare.

Khilaafkan ayaa ka dhashay laba liis oo xubnaha gole dhexe UDUB oo ay kala qoreen gudoomiyaha UDUB Daahir Rayaale Kaahin iyo Gudoomiye ku xigeenkiisa Axmed Yuusuf Yaasiin, kuwaas oo mid waliba gaarkiisa liis gole dhexe ah u gudbiyey guddidda Diiwaangelinta, haseyeeshee, waxa guddidda Diiwaangelinta Ururadda siyaasadda ay qaateen liiskii uu gudbiyey gudoomiyaha xisbiga UDUB Daahir Rayaale Kaahin, arrintaasna waxay ka cadhaysiisay gudoomiye ku xigeenka liiskiisa la diiday, taasina waxay keentay in uu gudoomiye ku xigeenku dacwad arrintaasi ka dhan ah ka furto maxkamadda sare, waxaanay maxkamadda sare ayiday go’aankii Guddida Diiwaangelintu ka soo saareen murankaasi, iyadoo muddii gudoomiyuhu maqnaa hawlihii uu sii qabtay ku xigeenku la sheegay inay yihiin mid dhaqan gal ah oo sharcigu ogol yahay.

Maxkamadda sare ayaaa laba arrimood u kala qaaday khilaafkan, iyadoo liiska uu gudoomiyuhu gudbiyey u siisay awood gudoomiyaha UDUB, maadaama oo uu dalka ku sugan yahay Guddoomiyuhu, waxaase ku ladheen in intii uu gudoomiyuhu maqnaa go’aamadii iyo hawlihii uu qabtay gudoomiye ku xigeenka UDUB uu isna ansax yahay, maadaama oo uu gudoomiyuhu u wakiishay in wixii hawlo ah ee qabyo ah uu qabto ku xigeenkiisu.

Haseyeeshee, gudoomiye ku xigeenka xisbiga UDUB Axmed Yuusuf ayaa go’aankaasi qayb ka mid ah saluugay, isagoo tilmaamay awooda loo siisay soo xulidda xubnaha goleha dhexe ee xisbiga gudoomiyaha mid aan sharciga wafaqsanayn.

Barkhad-Ladiif M. Cumar
[email protected]
Hargeysa, Somaliland







Click here
5/29/2012 6:34 PM EST
Istanbul, May 29, 2012-----Ra’iisul Wasaaraha Soomaaliya Dr. Cabdiweli Maxamed Cali Gaas iyo wefdi ballaaran oo uu hogaaminayo ayaa maanta gelinkii dambe soo gaaray magaalada Istanbul ee caasimadda labaad ee dalka Turkiga halkaasoo si diiran loogu soo dhoweeyey.

5/29/2012 3:46 PM EST
Talaado, May 29, 2012(HOL):Maraakiibtii dagaal ee ku sugnayd xeebta magaalada Kismaayo ayaa caawa markale duqeymo ka bilowday magaalada, iyadoona gantaalada ay maraakiibta tuurayaan ay ku dhacayaan xaafadaha kala duwan ee degmada Kismaayo.

5/29/2012 9:21 AM EST
Talaado, May 29, 2012 (HOL) — Waxaa lagu wadaa in maalinta bari ah soo gaaraan magaalada Beledweyne ciidamo ka socda dowladda dalka Jabuuti, kuwaasoo qeyb ka ah howlgalka AMISOM ee dalka Soomaaliya.

5/29/2012 9:13 AM EST
Waxaa May 26 - 28, 2012 ka furmey magaalada Blaine ee Gobolka Minnesota USA koobka lagu magacaabo National Sports Center Cup ( NSC Cup) . Koobkan oo ah kii 20-aad ee Midwest's premier Memorial Day tournament gaar ahaan kubadda Cagta ( NSC Cup Soccer Tournament ) ayaa inta badan waxaa Tartan ku dhexmaraa Iskuuladda isugu soo hara ama soo gaara Cayaaraha kama danbeysta ah (Semi-Finals) .

5/29/2012 8:11 AM EST
Talaado, May 29, 2012 (HOL) — Labadan ruux oo midkood uu mayd ahaa ayaa lagu soo bandhigay gudaha suuqa Bakaaraha ee magaalada Muqdisho iyadoo saraakiisha dowladda ee halkaas ka hadlay ay sheegeen in midka maydka ah uu isku dayay inuu baxsado ciidamaduna ay toogteen.

5/29/2012 7:13 AM EST
Talaado, May 29, 2012 (HOL) — Faahfaahin dheerad ah ayaa kasoo baxeyso khasaaraha ka dhashay duqeyntii saaka ay maraakiibta dagaal ka geysteen magaalada Kismaayo ee xarunta Gobolka Jubada Hoose.

5/29/2012 7:02 AM EST
Talaado, May 29, 2012 (HOL) — Maxkamadda gobolka Banaadir ayaa maanta ku ridday xukunno isugu jira dil toogasho ah iyo xabsi u dhexeeya hal sano illaa shan sano, eedeysanayaan dambiyo kala duwan loo haystay.

5/29/2012 6:49 AM EST
Talaado, May 29, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hoggaaminayo ayaa maanta booqasho ku tagay degmada Afgooye ee gobolka Shabeellada hoose oo ciidamada DKMG ah iyo kuwa AMISOM ay kala wareegeen Jimcihii Al-shabaab, inkastoo markii ay Afgooye kasoo laabteen ay kula kulmeen inta u dhexeysa Ceelasha iyo Calamada weerar ay kusoo qaadeen xoogag taabacsan Al-shabaab.

5/29/2012 6:24 AM EST
Talaado, May 29, 2012(HOL): Shirkii odayaasha dhaqanka iyo ururada Bulshada Rayidka ah ayaa si habsami leh uga soconaya magaalada Istanbuul ee dalka Turkiga halkaasoo ay ku shirsan yihiin ku dhowaad 400 oo ergooyin kala matalaya qeybaha Bulshada Rayidka, Qurba joogta, Odayaasha dhaqanka, Culimaa’udiinka, waxgaradka iyo dowladda KMG ah ee Soomaaliya.

5/29/2012 3:18 AM EST
Talaado, May 29, 2012 (HOL) — Dowladda Soomaaliya iyo Xarakada Al-shabaab ayaa guulo ka kala sheegtay weerarro ka dhacay inta u dhexeysa Muqdisho iyo Afgooye, halkaasoo ay maalmo ka hor ciidamada dowladdu iyo kuwa AMISOM kula wareegeen dagaal saddex maalmood socday.

5/29/2012 3:00 AM EST
Talaado, May 29, 2012 (HOL) — Booliiska Denmark ayaa sheegay inay xireen laba qof oo Soomaali ah, kuwaasoo haysata dhalashada dalkooda, kuwaasoo ay ku eedeeyeen inay qorsheynayeen qaraxyo argagaxiso oo ay dalkaas ka geystaan.

5/29/2012 2:35 AM EST
Talaado, May 29, 2012 (HOL) — Maraakiib nooca dagaalka oo aan ilaa imika la garaneyn cida iska leh ayaa saaka duqeymo ba'an ku wada Magaalada Kismaayo ee xarunta gobolka Jubada Hoose, iyadoona duqeymahaasi ay sababeen qasaarooyin lixaad leh.

5/29/2012 2:26 AM EST
Talaado, May 29, 2012 (HOL) — Ra'iisul wasaaraha dalka Kenya, Raila Odinga oo ka hadlay qaraxii shalay ka dhacay magaalada Nairobi ee dhaawacay 35-ka qof ayaa sheegay inuu ahaa mid ka dhashay weerar bambaano oo Kenya lagu soo qaaday.