9/24/2018
Today from Hiiraan Online:  _
Wararka Maanta- Axad, May 27, 2012
La-taliyaha Madaxweynaha Somaliland oo Culumadda ugu baaqay inay dadweynaha ka wacdiyaan dhaqanka xun ee Takoorka


Axad, May 27, 2012 (HOL) — Taliyaha madaxweynaha Somaliland ee Arrimaha Bulshada, Mr: Barkhad Jaamac Xirsi, ayaa Culimadda ugu baaqay inay dadweynaha ka wacyigeliyaan dhaqanka xun ee tageerka ku salaysan, maadaama oo dad waxa kaliya ay dhagaystaan tahay culimadda iyo abwaanada, balse ay abwaanaddu iyagu waajibaadkii arirntaasi ka saarnaa ay fuliyeen oo ay gabayo badan ka sameeyeen.

La taliyaha madaxweynaha ee Arimaha bulshada Barkhad Jaamac waxa kale oo uu ka hadlay dhacdo laba qof oo isku guursaday Magaaladda Gabiley oo muran ka dhashay guurkooddii ka mid markii inantii la guursaday reerkoodii u diideen ninkii guursaday inay siiyeen, haseyeeshee, maxkamadda Gabiley ayaa kiiskaasi go’aan ka soo saartay, iyadoo labaddii qof ee is guursaday maxkamaddu isku fasaxday ka dib markii labadda qof la waraysatay, isla markana sheegeen inay is ogol yihiin, gabadhuna raali ka tahay ninkaasi guursaday, cidii go’aankaasi ka hor timaadda maxkamaddu sheegtay in sharciga lala tiigsan doono cidkasta oo carqaladaysa guurka labadaas qof ee is ogol.

"Bulshaduna waxa ay aad u tixgalisaa diinta waana shayga kaliyaata ee lagula dagaalami karo heyb-sooco, waayo dhibta hadda taalaa waxa weeyi dhib dhaqan oo la soo kala dhaxlay waxaana tijaabo lagu ogaaday inaaney jirin wax umadu ku kala duwan tahay."ayuu yidhi Barkhad Jaamac la taliyaha madaxweynaha.

"Waxaan aad iyo aad uga xumahay halganka Shacabka iyo Xukumadooduba ugu jiraan tir-tirida takoorka iyo is dhexgalka bulshada, iyadoo sidaasi jirto haddana Magaalada gabiley ayaa waxaa 23 may 2012 ka dhacay dhacdo xanuunkeeda leh, dhacdadan ayaa waxa ay u dhaxaysay laba beelood kuwaas oo isku maandhaafsanaa gabadh iyo wiil ka soo kala jeeda laba daraf, muddo kadib ayaa waxaa uu kiiskoodi galay Maxkamada degmada ee gobolka Gabiley, halkaas oo garsoorihii ka garnaqayey dacwadaas Garsoore Faysal Cabdilaahi uu go’aan ku gaadhay in la israaciyo gabadha iyo wiilka, kadib markii uu gabadha su’aalay iney ku ganacsan tahay wiilkan gabadhuna u sheegtay iney jeceshahay ninkeediina yahay sabab loogu diidaana aaney jirin"ayuu yidhi Barkhad la taliyaha oo ka hadlayey laba qof oo guurkoodda la isku diiday.

Wiilkan iyo gabadhan maxkamadda Gabiley Amartay in lamaanahaasi aan la isku diidi Karin, isla markaana ciddii qoyskaasi soo dhexgashay ee dhibaato u gaysata sharcigaga lala tiigsan doono, amnigoodana si fiican loo sugi doono, haseyeeshee lamaahan la isku haystay ayaa markii dambe usoo wareegay magaaladda Hargeysa oo si wanaagsan ugu nool sida uu noo sheegay la taliyaha madaxweynaha.

"Waxaa jira ku dhawaad sideed abwaan oo reer Somaliland ah oo sugaan aad u miisaaman kaga hadlay takoorka kuwaas oo uu hormuud u yahay Abwaan Hadraawi, Abwaan Shaacir, Abwaan Axmed Dheerad, Abwaan Dhanaaneeye, Abwaan Cabdirisaq iyo qaar kaloo badan sida qoraayadaa waaweyn ee reer somaliland oo qalinkooda ugu hiilaya ummadan"ayuu yidhi mar uu ka hadlayey hiilka ay abwaanadu u muujiyeen takoorka bulshadda soomaaliyeed isku hayaan.

Waxa kale, oo uu sheegay in xukuumadan somaliland ay kaalin weyn ugu jirto sidii loo horumarin lahaa beelaha la haybsooco, isla markaana kooto kuraas ah loo qorsheeyey goleyaasha qaranka, shaqaale badan iyo waxbarasho bilaash ah ay siisay dhalinyaradad beelahan la hayb sooco.

Barkhad Jaamac waxa uu culimadda ku guubaabiyey inay muxaadarooyin badan ka jeediyeen arrintan bulshaddana ka dhaadhiciyaan in arirntani tahay mid xaaraan ah, isla markaana in bulsho dhan la takooraa aanu ilaahayn ogolayn.

Sidoo kale, waxa isna arrintan labadda qof la isku diiday cambaareeyey suldaan Daakir Xasan Khaliif, isagoo sheegay in dhacdan oo kalena ay dhowaan ka dhacday magaaladda Borame, taas oo uu sheegay arrimahan noocan oo kale ay tahay mid aan loo dulqaadan Karin.

"Waxaan ugu Baaqaynaa Beelaha Soomaaliyeed ee ku abtirsada somalinimada inay joojiyaan dacadiga ay kula kacayaan beelaha Gabooye, haddii aan arinkan wax laga qabana Beelaha Gabooye waxay isugu iman dooonan shirar iyo kulamo gaara oo lagaga arinsanayo sidii looga gudbi lahaa mid ka mid ah caqabadahani"ayuu yidhi Suldaan Daakir oo ka mid ah beelaha la hayb sooco.

Barkhad-Ladiif M. Cumar
[email protected]
Hargeysa, Somaliland







Click here
5/27/2012 2:21 PM EST
Axad, May 27, 2012 (HOL)- Wasiirka Warfaafinta iyo Wacyigelinta Somaliland, ahna afhayeenka xukuumadda Somaliland, Mr: Boobe Yuusuf Ducaale, ayaa sheegay in shirka 31 May ka dhici doona Istaanbuul ee dalka Turkiga qaybtiisa hore ee lagaga hadlayo horumarinta iyo dhaqaalaha ay ka qaybgali doonaan balse qaybtiisa dambe ee siyaasadda lagaga hadlayo aanay ka qaybgali doonin.

5/27/2012 1:55 PM EST
Axad, May 27, 2012(HOL): Waxaa bishan 20 keedii ka dhacay magaalada Oslo ee dalka Norway koob lagu xususayay sanadguuradii 21aad eek a soo wareegtay gooni isu taagga Somaliland.

5/27/2012 1:30 PM EST
Axad, May 27, 2012-Shir looga hadlayey “Mustaqbalka Bangiyada Islaamka” oo eey soo agaasintey Jaamacada caalamiga ah ee Al-Madinah (Al-Madinah International University), ayaa waxaa lagu qabtey Library-ga Ummada ee Selangor (Public Library of Selongor), kuna taala magaalada Shah Alam ee Boqorka Selongor uu dagan yahay, ee wadanka Malaysia.

5/27/2012 12:40 PM EST
Axad, May 27, 2012(HOL): Madaxweynaha Maamulka Puntland C/raxmaan Maxamed Faroole iyo Madaxweynaha Maamulka Galmudug Maxamed Axmed Caalin ayaa maanta ku dhawaaqay in ay qaadaceen ka qeybgalka shirka Soomaalida ee Istanbul II.

5/27/2012 6:26 AM EST
Axad, May 27, 2012 (HOL) — Afhayeenka ciidmada Midowga Afrika ee AMISOM, Col. Paddy Ankunda ayaa sheegay in qabsashada degmada Afgooye ee gobolka Shabeellada hoose ay u tahay muhiim, ayna yareynayso weerarradiii ay Al-shabaab kusoo qaadi jireen Muqdisho.

5/27/2012 5:34 AM EST
Axad, May 27, 2012 (HOL) — Waxaa maanta ilaa shalay kusoo qulqulaya magaalada Kismaayo ee xarunta gobolka Jubada Hoose dagaalyahanno fara badan oo katirsan Al-shabaab, kuwaasoo la sheegay in ay ka yimaadeen dhanka gobolka Shabeelaha Hoose oo ay mudooyinkii u danbeeyay ka socdeen dagaallo, waxaana ciidamani ay qeyb ka yihiin ciidamadii dhawaan lagala wareegay deegaanada loo barakacay ee duleedka Muqdisho.

5/27/2012 5:30 AM EST
Axad, May 27, 2012 (HOL) — Hay'adda Qarammada Midoobay u qaabilsan qoxootiga ee UNHCR ayaa sheegtay in 9,000 oo qof ay ku barakaceen dagaalladii ka dhacay duleedyada Muqdisho oo ay dowladda KMG ah iyo AMISOM ku qabsadeen degmada Afgooye.

5/27/2012 5:14 AM EST
Axad, May 27, 2012 (HOL) — Abaanduulaha ciidamada xoogga dalka, Jen. C/kariin Yuusuf Aadan Dhego-badan ayaa uga digay askarta dowladda inay dhibaateeyaan dadka shacab ah iyo hantidooda, isagoo sheegay in askarigii lagu helo falkaas laga qaadi doono tallaabo sharciga waafaqsan.

5/27/2012 2:52 AM EST
Axad, May 27, 2012 (HOL) — Ugu yaraan shan qof ayaa ku dhaawacmay qaraxyo xalay ka kala dhacay hoteel ku yaalla degmada Wajeer ee gobolka Waqooyi-bari ee dalka Kenya iyo xerada qoxootiga IFO oo ka mid ah xeryaha ku yaalla Dhadhaab.

5/27/2012 2:32 AM EST
Axad, May 27, 2012 (HOL) — Guddoomiyihii Ahlusunna Waljamaaca, Sheekh Cumar Sheekh Maxamed Faarax ayaa xalay ugu geeriyooday isbitaal ku yaalla magaalada Gaalkacyo ee xarunta gobolka Mudug dhaawac halis ah oo kasoo gaaray shil gaari oo ka dhacay deegaanka dagaal oo Gaalkcyo ku dhow.

5/27/2012 2:25 AM EST
Axad, May 27, 2012 (HOL) — Ciidamada dowladda KMG ah iyo kuwa AMISOM oo isgarabsanaya ayaa la wareegay deegaannada loo barakacay ee duleedka Muqdisho halkaasoo ay maalmihii ugu dambeeyay ku sugnaayeen xoogagga Al-shabaab.

5/27/2012 2:23 AM EST
Axad, May 27, 2012 (HOL) — Ciidamada dowladda KMG ah oo kaashanaya kuwa Kenya ayaa si nabadgelyo ah kula wareegeen deegaan lagu magacaabo Tarato oo hoostada degmada Baardheere ee gobolka Gedo.