9/22/2018
Today from Hiiraan Online:  _
Wararka Maanta- Isniin, Jun 4 , 2012
Booliiska Uganda oo sheegtay inay qabteen dagaalayahanno Shisheeye ah oo xiriir la leh Xarakada Al-shabaab


Isniin, June 04, 2012 (HOL) — Booliiska dalka Uganda ayaa sheegay inay gacanta ku dhigeen laba dagaalyahan oo ajnabi ah; kuwaasoo magcayadooda lagu sheegay, Axmed Khaalid oo loo yaqaaan Martin Muller iyo Emrah Erdogan oo 24-jir ah loona yaqaan Alias Imraan Al-Kurdi.

Afhayeennada booliiska Uganda, Judith Nabakooba ayaa warfidiyeenka Kampala ugu sheegtay shalay maqribnimadii qabashada labadan qof, iyadoo xustay inay ku raad-joogaan ruux kale oo magaciisa ay kusoo gaabisay Xuseen.

"Waxaan xaqiijinayaa in laba ruux oo argagaxiso ah una dhashay dalka Jarmal mid ka mid ahna uu asal ahaan kasoo jeedo dalka Turkiga aan la qabtay, haddana aan baadi-goobayno nin saddexaad oo lagu magacaabo Xuseen," ayay tiri Nabakooba.

Ciidamada booliiska Uganda ayaa soo bandhigay sawirrada labadan ruux, iyadoo aan la ogeyn halka laga soo qabtay iyo halka lagu hayo, waxaase saraakiisha booliiska Uganda ay intaas ku dareen inay illaa toddobaadkii hore raadinayeen saddexdan qof oo qaab dhuumaaleysi ah ku galay Uganda.

"Dadweynuhu waa inay nasoo ogeysiiyaan haddii ay arkaan ruuxa la raadinayo, waayo innagu waxba ma qaban karno haddaanu shacabku na caawin," ayuu yiri taliyaha ciidamada la dagaalanka argagaxisada ee dalka Uganda, John Ndugutse.

Booliisku waxay sheegeen in Muller uu qabo gabar Soomaaliyeed oo 33-jir ah oo ku dhalatay dalka Eritrea laguna magacaabo, Xafso Maxamed Aadan, taasoo u dhashay gabar lix sano jir ah oo lagu magacaabo Nusibra Hadiyah Muller.

Labadan ruux ee la qabtay ayaa la sheegay inay dalka Uganda si dhuumaaleysi ah ku galeen iyagoo ka tallaabay dalka Kenya oo ay kasooo galeen dalka Soomaaliya oo ay muddo joogeen.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/4/2012 7:19 AM EST
Isniin, June 04, 2012 (HOL) — Ururka Raaskaambooni ee ka barbar dagaalama ciidamada dowladda KMG ee Jubooyinka ayaa maanta maamul cusub kaga dhawaaqay degmada Afmadow ee gobolka Jubada Hoose, iyadoona la sheegay in maamulkani uu noqon doono mid KMG ah.

6/4/2012 6:26 AM EST
Isniin, June 04, 2012 (HOL) — Iyadoo dhawaan ciidamada DKMG, kuwa Kenya iyo xoogagga Raaskambooni oo is-garabsanaya ay la wareegeen degmada Afmadow ee gobolka Jubada Hoose ayaa waxa dhaqdhaqaaqyo ciidan iyo abaabullo dagaal laga dareemayaa magaalada Kismaayo ee xarunta gobolka Jubada Hoose.

6/4/2012 3:36 AM EST
Isniin, June 04, 2012 (HOL) — Ra'iisul wasaaraha Soomaaliya, C/weli Maxamed Cali oo u warramayay wakaaladda wararka Turkiga ee Anatolia isagoo dalkaas ku sugan ayaa sheegay in Turkiga iyo Soomaaliya ay yihiin laba dal oo shirko ah oo ay ka dhexeeyaan dano muhiim ah.

6/4/2012 3:15 AM EST
Isniin, June 04, 2012 (HOL) — Maxkamadda ciidamada xoogga DKMG Soomaaliya ayaa Axaddii shalay xafiis ka furatay deegaanka Ceelasha-biyaha ee duleedka Muqdisho, iyadoo ciidamada dowladda looga digay inay dadka shacab ah ee ku nool inta u dhexeysa Muqdisho iyo Afgooye ay dhibaateeyaan.

6/4/2012 3:05 AM EST
Isniin, June 04, 2012 (HOL) — Xarakada Al-shabaab oo dagaal kula jirta DKMG ah ayaa kasoo horjeesatay qodobbadii kasoo baxay shirkii magaalada Istanbuul lagu qabtay ee looga hadlayay arrimaha Soomaaliya, iyagoo ku tilmaamay qodobbadaas shir-qool loo maleegayo Soomaalida.

6/4/2012 3:02 AM EST
Isniin, June 04, 2012 (HOL) — Ugu yaraan afar qof ayaa ku dhintay tiro intaas ka badanna way ku dhaawacmeen kaddib weerar ay kooxo hubeysan ku qaadeen gaari ka amababaxay Gaalkacyo oo ku socday deegaanno kale oo gobolka Mudug ka tirsan.

6/4/2012 2:43 AM EST
Isniin, June 04, 2012 (HOL) — Saraakiisha hay’adaha Turkiga ee Muqdisho ka howl-gala ayaa sheegay inay kaalinta hore kaga jiraan dadaallada ay dowladda Turkigu ku doonayso inay ku samatabixiso magaalada Muqdisho oo muddo dheer dagaallo sokeeye kusoo jirtay, xilli ay hay’adaha UN-ku fariisimo ka sameysteen dalka Kenya oo ay daris yihiin Soomaaliya.

6/4/2012 2:39 AM EST
Isniin, June 04, 2012 (HOL) — Maxkamadda magaaladda Hargeysa ayaa xukuno kala duwan ku ridday shalay oo Axad ahayd masuuliyiin lagu eedeeyey inay lunsadeen deeq mucaawimo oo ku socotay dad masaakiin ah.

6/4/2012 2:38 AM EST
Isniin, June 04, 2012 (HOL) — Dagaallo culus oo dagaalyahannada Ahlusunna iyo kuwa Xarakada Al-shabaab ku dhexmaray deegaanno hoos taga degmada Ceelbuur ee gobolka Galgaduud ayaa waxaa guulo ka sheegatay Ahlusunna.