11/16/2018
Today from Hiiraan Online:  _
Wararka Maanta- Isniin, Jun 4 , 2012
Maxkamad Ciidamada oo xarun ka furatay deegaanka Ceelasha Biyaha iyo Ciidamada DKMG ah oo looga digay inay dadka dhibaateeyaan


Isniin, June 04, 2012 (HOL) — Maxkamadda ciidamada xoogga DKMG Soomaaliya ayaa Axaddii shalay xafiis ka furatay deegaanka Ceelasha-biyaha ee duleedka Muqdisho, iyadoo ciidamada dowladda looga digay inay dadka shacab ah ee ku nool inta u dhexeysa Muqdisho iyo Afgooye ay dhibaateeyaan.

Guddoomiyaha maxkamadda ciidamada, G/sare Xasan Maxamed Xuseen (Muun-gaab) oo saxaafadda la hadlay ayaa sheegay in askarigii dhibaato u geysta dadka rayidka ah ee deegaannadaas ku nool la horkeeni doono sharciga xukunkiisa sida ugu dhaqsiyaha badan loogu qaadi doono.

"Ciidamada dowladda waa inay ka digtoonaadaan inay dadka shacabka ah dhibaato u geystaan, askarigii lagu soo qabto isagoo dad dhibaateeyay halkan ayaa lagu xukumi doonaa," ayuu yiri Col. Muun-gaab.

Maxkamadda la furay ayaa waxaa isla markiiba la geeyay ciidammo loo haystay inay dad shacab ah dhibaatooyin u geysteen, kuwaasoo dacwooyinkooda goobta lagu dhageystay inkastoo aan lagu xukumin.

Sidoo kale, guddoomiyaha maxkamadda ciidamada ayaa wuxuu ugu baaqay dhallinta ka tirsan Al-shabaab inay kasoo laabtaan, isagoo sheegay in dhaqan-celin loo sameyn doono, markaas kaddib ay dowladdu u abuurayso shaqooyin ay noloshooda ku dabbartaan.

"Dhallinyarada Al-shabaab weli ka tirsan waxaan ugu baaqayaa inay kasoo baxaan oo ay ka tanaasulaan ficillada ay muddada ku soo jireen. Ma jirto dhibaato la idiin geysanayo, waxaa jiri doona in muddo yar dhaqan-celin la idinku sameeyo, intaas kaddibna waxaa la idiin abuurayaan shaqooyin," ayuu yiri Xasan Muun-gaab.

Guddoomiyaha maxkamadda ciidamada dowladda KMG ah ayaa wuxuu ka mid ahaa wafdi ka socday dowladda Soomaaliya oo ay ka mid ahaayeen wasiir u dowlaha wasaaradda gaashaandhigga iyo afhayeenka booliiska Soomaaliya kuwaasoo socod kusoo maray deegaannada loo barakacay.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/4/2012 7:19 AM EST
Isniin, June 04, 2012 (HOL) — Ururka Raaskaambooni ee ka barbar dagaalama ciidamada dowladda KMG ee Jubooyinka ayaa maanta maamul cusub kaga dhawaaqay degmada Afmadow ee gobolka Jubada Hoose, iyadoona la sheegay in maamulkani uu noqon doono mid KMG ah.

6/4/2012 7:12 AM EST
Isniin, June 04, 2012 (HOL) — Booliiska dalka Uganda ayaa sheegay inay gacanta ku dhigeen laba dagaalyahan oo ajnabi ah; kuwaasoo magcayadooda lagu sheegay, Axmed Khaalid oo 33-jir ah loona yaqaaan Martin Muller iyo Emrah Erdogan oo 24-jir ah loona yaqaan Alias Imraan Al-Kurdi.

6/4/2012 6:26 AM EST
Isniin, June 04, 2012 (HOL) — Iyadoo dhawaan ciidamada DKMG, kuwa Kenya iyo xoogagga Raaskambooni oo is-garabsanaya ay la wareegeen degmada Afmadow ee gobolka Jubada Hoose ayaa waxa dhaqdhaqaaqyo ciidan iyo abaabullo dagaal laga dareemayaa magaalada Kismaayo ee xarunta gobolka Jubada Hoose.

6/4/2012 3:36 AM EST
Isniin, June 04, 2012 (HOL) — Ra'iisul wasaaraha Soomaaliya, C/weli Maxamed Cali oo u warramayay wakaaladda wararka Turkiga ee Anatolia isagoo dalkaas ku sugan ayaa sheegay in Turkiga iyo Soomaaliya ay yihiin laba dal oo shirko ah oo ay ka dhexeeyaan dano muhiim ah.

6/4/2012 3:05 AM EST
Isniin, June 04, 2012 (HOL) — Xarakada Al-shabaab oo dagaal kula jirta DKMG ah ayaa kasoo horjeesatay qodobbadii kasoo baxay shirkii magaalada Istanbuul lagu qabtay ee looga hadlayay arrimaha Soomaaliya, iyagoo ku tilmaamay qodobbadaas shir-qool loo maleegayo Soomaalida.

6/4/2012 3:02 AM EST
Isniin, June 04, 2012 (HOL) — Ugu yaraan afar qof ayaa ku dhintay tiro intaas ka badanna way ku dhaawacmeen kaddib weerar ay kooxo hubeysan ku qaadeen gaari ka amababaxay Gaalkacyo oo ku socday deegaanno kale oo gobolka Mudug ka tirsan.

6/4/2012 2:43 AM EST
Isniin, June 04, 2012 (HOL) — Saraakiisha hay’adaha Turkiga ee Muqdisho ka howl-gala ayaa sheegay inay kaalinta hore kaga jiraan dadaallada ay dowladda Turkigu ku doonayso inay ku samatabixiso magaalada Muqdisho oo muddo dheer dagaallo sokeeye kusoo jirtay, xilli ay hay’adaha UN-ku fariisimo ka sameysteen dalka Kenya oo ay daris yihiin Soomaaliya.

6/4/2012 2:39 AM EST
Isniin, June 04, 2012 (HOL) — Maxkamadda magaaladda Hargeysa ayaa xukuno kala duwan ku ridday shalay oo Axad ahayd masuuliyiin lagu eedeeyey inay lunsadeen deeq mucaawimo oo ku socotay dad masaakiin ah.

6/4/2012 2:38 AM EST
Isniin, June 04, 2012 (HOL) — Dagaallo culus oo dagaalyahannada Ahlusunna iyo kuwa Xarakada Al-shabaab ku dhexmaray deegaanno hoos taga degmada Ceelbuur ee gobolka Galgaduud ayaa waxaa guulo ka sheegatay Ahlusunna.