9/22/2018
Today from Hiiraan Online:  _
Wararka Maanta- Axad, Jun 3 , 2012
Saraakiisha Dowladda Soomaaliya ee Gobolka Gedo oo soo Bandhigay Rag ka tirsan Al-shabaab iyo Hubkooda


Axad, June 03, 2012 (HOL) — Saraakiisha dowladda KMG ee Gobolka Gedo ayaa sheegay in ay isu soo dhiibeen rag katirsan Al-shabaab oo sitay hubka noocyada fudud iyo gaari uu saarnaa qori nooca loo yaqaan Dhishiikaha, waxaana ay sheegeen in ragaasi ay iska soo dhiibeen degmada Beledxaawo ee gobolka Gedo.


Ragan oo ay tiradoodu gaareeyso 20 askari, islamarkaasina ku hubeysnaa hubka fudfudud iyo gaadiid nooca tiknikada ah, ayaa waxa lagu so bandhigay fagaare ku yaal magaalada Beledxaawo, iyadoona ay halkaasi hadallo ka jeediyeen madax katirsan masuuliyiinta dowladda ee gobolka Gedo.

 

Xildhibaan Xasan Deer oo kamid ahaa masuuliyiintii goobta ka hadashay ayaa sheegay in ragani isa soo dhiibay ay tiradoodu gaareeyso ilaa 20 askari oo ku hubeysnaa hub fudfudud iyo gaadiid nooca dagaalka, wuxuuna xusay in mudo uu wadahadal u socday raga isa soo dhiibay iyo saraakiisha dowladda ee gobolka Gedo.

 

Xildhibaanka ayaa ugu baaqay dagaalyahannada kale ee ka barbar dagaalama xoogagga Al-shabaab in ay isa soo dhiibaan, isagoona xusay in ay damaanad qaadi doonaan ammaankooda, islamarkaasina ay u abuuri doonaan shaqooyin ay ku maareeyaan noloshooda, waa siduu hadalka u yiriye.

 

Sidoo kale waxa goobta ka hadlay masuuliyiin kale oo katirsan maamullada dowladda KMG ee Degmooyinka Beledxaawo iyo Doolow, waxayna sheegeen in askarigii kasoo goosta Al-shabaab ay u sameyn doonaan soo dhaweyn aad u qiimo badan, iyagoona ugu baaqay shacabka ku dhaqan degmada Beledxaawo in ay la shaqeeyaan maamulka dowladda KMG ee gobolka Gedo.

 

Arintan ayaa kusoo beegmeysa xilli gobolka Gedo ay ka jiraan xiisado dagaal oo aad u xooggan oo u dhexeeya xoogagga Al-shabaab iyo ciidamada dowladda KMG, kuwa Ahlusunna oo garab ka helaya Militariga Kenya.


Xasan Nuur, Hiiraan Online
[email protected]
Kismaayo, Soomaaliya





Click here
6/3/2012 8:17 PM EST
Axad, June 03, 2012 (HOL) - Ra’iisul Wasaaraha Soomaaliya Cabdiweli Maxamed Cali ayaa kulan ballaaran la qaatay Jaaliyadda Soomaaliyeed ee ku nool dalka Turkiga, gaar ahaana Ardayda wax ka barata Dugsiyada iyo Jaamacaddaha dalkan, waxa uuna xalay Jaaliyadda baray safiirka cusub ee dhowaantan dowladdu u magacowday dalkan Turkiga.

6/3/2012 6:24 AM EST
Axad, June 03, 2012 (HOL) — Odayaashii dhaqanka iyo ergooyinkii kale ee ururrada bulshada rayidka ah ka socday ee ka qaybgalay shirkii Istanbuul oo looga hadlay arrimaha Soomaaliya ayaa maanta dib ugu soo laabtay Muqdisho.

6/3/2012 5:57 AM EST
Axad, June 03, 2012 (HOL) — Hoggaamiyaha kooxda Raaskambooni, Sheekh Axmed Maxamed Islaan (Sheekh Axmed Madoobe) oo wareysi siiyay BBC-da ayaa sheegay inay ka go'an tahay inay qabsadana guud ahaan gobollada Jubbooyinka.

6/3/2012 5:48 AM EST
Axad, June 03, 2012 (HOL) — Madaxweynihii hore ee Soomaaliya, C/qaasim Salaad Xasan oo ku sugan dalka Masar ayaa soo dhaweeyay ka bixitaanka xilliga KMG ah iyo u gudbidda dowlad dhameystiran isagoo sheegay in taasi ay horseedaysay inay Soomaaliya u gudubto xaalad ka wanaagsan midda hadda ay ku jirto.

6/3/2012 5:33 AM EST
Axad, June 03, 2012 (HOL) — Wasiirka arrimaha gudaha DKMG ah ee Soomaaliya, Cabdisamad Macallin Maxamuud iyo saraakiil ka tirsan dowladda KMG ayaa maanta kormeer ku tagay suuqa Bakaaraha iyo suuq Bacaad oo ah labada suuq ee ugu weyn Muqdisho, xilli ay suuqa Bakaaraha ka socotay burburinta dhismayaasha sharci-darrada ee suuqaas laga sameystay.

6/3/2012 3:00 AM EST
Axad, June 03, 2012 (HOL) — Ciidamada dowladda KMG Soomaaliya ee ku sugan degmada Baydhabo ee xarunta gobolka Bay ayaa shalay gallinki dambe toogasho ku dilay nin ay sheegeen inuu ka tirnsaa Al-shabaab oo weeraray iyagoo dhaawacay mid kale oo la socday.

6/3/2012 2:42 AM EST
Axad, June 03, 2012 (HOL) — Ciidamada Kenya ee ku sugan Koonfurta Soomaaliya ayaa si rasmi ah ugu biiray ciidamada AMISOM ee Soomaaliya (AMISOM), kaddib heshiis Sabtidii shalay lagu kala saxiixday xarunta Midowga Afrika ee Addis Ababa.