9/19/2018
Today from Hiiraan Online:  _
Wararka Maanta- Axad, Jun 3 , 2012
Ciidamada Dowladda KMG ee ku sugan Degmada Baydhabo oo toogasho ku dilay nin ay sheegeen inuu Weeraray mid kalena dhaawacay


Axad, June 03, 2012 (HOL) — Ciidamada dowladda KMG Soomaaliya ee ku sugan degmada Baydhabo ee xarunta gobolka Bay ayaa shalay gallinki dambe toogasho ku dilay nin ay sheegeen inuu ka tirnsaa Al-shabaab oo weeraray iyagoo dhaawacay mid kale oo la socday.

Saraakiil ka tirsan ciidamada dowladda ayaa sheegay in raggan ay wateen bambooyin iyo bastoolado ay ku weerarayeen ciidamada dowladda, taasina ay keentay in la dilo midkood midka kalena dhaawaco, iyadoo uusan jirin hadal kasoo baxay dhinaca Al-shabaab oo arrintan ku saabsan.

"Ninka ay ciidamadu toogteen wuxuu ahaa dhallinyaro waxaana laga helay bastoolado, bambooyin iyo weliba lacag," ayuu yiri goobjooge ku sugan Baydhabo, kaasoo magaciisa aan sheegin, isagoo intaa ku daray in maydka ruuxaas uu xalay oo dhan yaallay halkii lagu toogtay kii dhaawaca ahaana la dhigay isbitaalka.

Xaafadda uu dilka ka dhacay oo lagu magacaabo Isha Baydhabo, ayaa waxaa ka dhacay dhowr jeer oo hore qaraxyo ay geysteen xubno Al-shabaab ka tisran, balse dilka xalay ayaa noqoaya kii ugu horreeyay oo ciidamada xaafaddaas ku sugan ay u geystaan ruux ay sheegeen inuu Al-shabaab ka tirsan yahay.

Lama sheegin khasaare ciidamada dowladda kasoo gaaray weerarkii ay raggan hubeysan ku qaadeen, iyadoo ciidamada dowladdu ay saakay ka billaabeen degmadaas howlgallo ku raadinayaan xubno ka tirsan Al-shabaab oo ku sugan degmadaas.

Degmada Baydhabo ee gobolka Bay ayaa bishii Feberaayo ee sannadkan waxaa gacan ku haynteeda la wareegay ciidamada dowladda KMG ah ee Soomaaliya oo kaashanaya kuwa AMISOM, iyadoo tan xilligaas ay ka dhacayeen falal kala duwan oo isugu jira dilal qorsheysan iyo qaraxyo.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/3/2012 8:17 PM EST
Axad, June 03, 2012 (HOL) - Ra’iisul Wasaaraha Soomaaliya Cabdiweli Maxamed Cali ayaa kulan ballaaran la qaatay Jaaliyadda Soomaaliyeed ee ku nool dalka Turkiga, gaar ahaana Ardayda wax ka barata Dugsiyada iyo Jaamacaddaha dalkan, waxa uuna xalay Jaaliyadda baray safiirka cusub ee dhowaantan dowladdu u magacowday dalkan Turkiga.

6/3/2012 6:24 AM EST
Axad, June 03, 2012 (HOL) — Odayaashii dhaqanka iyo ergooyinkii kale ee ururrada bulshada rayidka ah ka socday ee ka qaybgalay shirkii Istanbuul oo looga hadlay arrimaha Soomaaliya ayaa maanta dib ugu soo laabtay Muqdisho.

6/3/2012 5:57 AM EST
Axad, June 03, 2012 (HOL) — Hoggaamiyaha kooxda Raaskambooni, Sheekh Axmed Maxamed Islaan (Sheekh Axmed Madoobe) oo wareysi siiyay BBC-da ayaa sheegay inay ka go'an tahay inay qabsadana guud ahaan gobollada Jubbooyinka.

6/3/2012 5:48 AM EST
Axad, June 03, 2012 (HOL) — Madaxweynihii hore ee Soomaaliya, C/qaasim Salaad Xasan oo ku sugan dalka Masar ayaa soo dhaweeyay ka bixitaanka xilliga KMG ah iyo u gudbidda dowlad dhameystiran isagoo sheegay in taasi ay horseedaysay inay Soomaaliya u gudubto xaalad ka wanaagsan midda hadda ay ku jirto.

6/3/2012 5:33 AM EST
Axad, June 03, 2012 (HOL) — Wasiirka arrimaha gudaha DKMG ah ee Soomaaliya, Cabdisamad Macallin Maxamuud iyo saraakiil ka tirsan dowladda KMG ayaa maanta kormeer ku tagay suuqa Bakaaraha iyo suuq Bacaad oo ah labada suuq ee ugu weyn Muqdisho, xilli ay suuqa Bakaaraha ka socotay burburinta dhismayaasha sharci-darrada ee suuqaas laga sameystay.

6/3/2012 5:13 AM EST
Axad, June 03, 2012 (HOL) — Saraakiisha dowladda KMG ee Gobolka Gedo ayaa sheegay in ay isu soo dhiibeen rag katirsan Al-shabaab oo sitay hubka noocyada fudud iyo gaari uu saarnaa qori nooca loo yaqaan Dhishiikaha, waxaana ay sheegeen in ragaasi ay iska soo dhiibeen degmada Beledxaawo ee gobolka Gedo.

6/3/2012 2:42 AM EST
Axad, June 03, 2012 (HOL) — Ciidamada Kenya ee ku sugan Koonfurta Soomaaliya ayaa si rasmi ah ugu biiray ciidamada AMISOM ee Soomaaliya (AMISOM), kaddib heshiis Sabtidii shalay lagu kala saxiixday xarunta Midowga Afrika ee Addis Ababa.