6/24/2021
Today from Hiiraan Online:  _
Wararka Maanta- Sabti, Jun 27, 2012
Munaasibad loogu Dabaaldegayo maalintii ugu horeysay ee calan soomaali leedahay la taago oo xalay xarunta madaxtooyadda Somaliland laga xusay


XAFLADSOM7.jpg
Arbaco, June 27, 2012 (HOL) — Xaflad si weyn loo soo agaasimay oo lagu xusayey maalintii calankii ugu horeeyey ee soomaali yeelato laga taagay magaaladda Hargeysa ee 26 june, 1960, ayaa xalay si weyn dabaaldeg loogu sameeyey xarunta madaxtooyadda Somaliland ee magaaladda Hargeysa.

Madaxweynaha Somaliland Md: Axmed Maxamed Maxamed (Siillaanyo), ayaa xalay munaasibad iskugu jirta Casho sharaf iyo madadaalo ku casuumay in ka badan laba boqol oo qof oo iskugu jira waxgaradka, madax dhaqameedka, siyaasiyiin iyo bulshadda qaybaheedda kala duwan xarunta madaxtooyadda, halkaas oo khudbad kooban oo uu kaga hadlayo mustaqbalka Somaliland iyo sida ay uga go’antahay madax banaanida Somaliland ka jeediyey, isla markaana dadkii madasha iskugu yimid ku hambalyeeyey qiimaha ay maalintani leedahay.

Madaxweynaha waxa garab fadhiyey madaxweyne ku xigeenka Md: Cabdiraxmaan Cabdilaahi Ismaaciil Saylici, madaxweynihii hore ee Somalilnad Daahir Rayaale Kaahin, madaxweyne ku xigeenkii hore Axmed Yuusuf Yaasiin, guddoomiyaha goloha Wakiiladda, Md:Cabdiraxmaan Cirro, xoghayaha guud ee golaha Guurtidda, Taliyeyaasha ciimadda Milatariga, Booliska, Aslaabtu iyo Badda iyo dadweyne kale.

XAFLADSOM6.jpg
Xaga marwooyinka madaxweyneyaasha waxa is ag fadhiyey, marwadda kowaad ee dalka Marwo: Aamino Waris, marwadda labaad ee madaxweyne ku xigeenka Marwo: Raxma X. Maxamuud Suldaan,  marwaddii madaxweynihii hore  Marwo: Hudda Barkhad, marwaddii hore ee madaxweynihii geeriyooday Maxamed X. Ibraahim Cigaal, Khaltuun X. Daahir iyo wasiirka Waxbarashadda Somaliland Marwo:Samsam Cabdi Aadan.
Madaxweynaha Somaliland Axmed Siillaanyo, ayaa dadka uga sheekeeyey taariikhdii ay Somaliland soo martay iyo wakhtigii gumaysiga ingiriisku dalkan ka talin jiray, waxaanu xusay in midowgii labadda dalka uu keenay hami wakhtigaasi socday oo ahaa in shanta soomaali la isku keeno, taasina markii dambe socon wayday.

“Dabaal-degani wuxuu mar walba inoo noqon doonaa wax mar walba ina xasuusinaya taariikhdii aynu soo marnay.Waxaanu halkan ka cadaynaynaa Somaliland oo maanta dumuqraadiyad iyo xasilooni haysata oo dad isku xidhan oo masiirkooda iyo mustaqbalkooda u midaysan inaanu nahay ayaanu u cadaynaynaa dunidda. ILAAHAY-na waxaanu ka baryaynaa inuu inagu guuleeyo,”ayuu yidhi Madaxweyne Axmed Siilaanyo.

Madaxweynuhu waxa kale oo uu ka hadlay wada hadalada u socda Somaliland iyo Somalia, waxanu yidhi “Waxaynu u caddaynaynaa caalamka iyo cid kasta oo ina dhageysanaysa wada hadal ha la galo ama yaan la geline’e danno faro badan ayaa iskaga xidhan Mandaqadda.

Dano badan ayaa inagaga xidhan walaalaheena Soomaaliya. laakiin waxaanu mar walba ku adag nahay oo aanaan gorgortan ka galaynin madax-banaanida Somaliland iyo gooni isu taageedda”

XAFLADSOM2.jpg
XAFLADSOM.jpg
XAFLADSOM3.jpg
XAFLADSOM5.jpg
XAFLADSOM8.jpg
XAFLADSOM4.jpg

Barkhad-Ladiif M. Cumar, Hiiraan Online  
[email protected]
Hargeysa, Somaliland











Click here
6/27/2012 8:40 AM EST
Arbaco, June 27, 2012 (HOL) — Wararka ka imaanaya degmada Baydhabo ayaa waxay sheegayaan in ciidamada Itoobiya iyo kuwa DKMG ee ku sugan degmadaas ay toogasho ku dileen saddex dagaalyahan oo ka tirsan Xarakada Al-shabaab.


6/27/2012 7:43 AM EST
Arbaco, June 27, 2012 (HOL) — Madaxweynaha Jabuuti, Ismaaciil Cumar Geelle oo ka hadlayay munaasabad maanta loo qabtay 35-sano guuradii kasoo wareegtay markii Jabuuti ay xorriyadeeda ka qaadatay gumeystihii Faransiiska ayaa sheegay inay wax walba ku garab-istaagayaan shacabka Soomaaliyeed iyo dowladdooda.

6/27/2012 7:42 AM EST
Arbaco, June 27, 2012 (HOL) — Guddoomiyaha jaaliyadda Soomaalida ee dalka Holland ahna guddoomiyaha xisbiga mideynta dhallinyarada Soomaaliyeed, Maxamed Abuukar Sheekh Xasan (M. Deeq) oo dhawaan soo gaaray Muqdisho ayaa degmada Dharkeynley ee Muqisho kula kulmay boqolaal dhallinyaro Soomaaliyeed ah.

6/27/2012 6:34 AM EST
Arbaco, June 27, 2012 (HOL) — Ugu yaraan 43-qof oo la rumeysan yahay inay kala ahaayeen Soomaaliya iyo Itoobiya ayaa laga helay maydadkooda gaari booyad ah oo ay doonayeen inay kaga tallaabaan xuduudda dalka Tanzania.

6/27/2012 6:04 AM EST
Arbaco, June 27, 2012 (HOL) — Kulan magaalada Beledweyne ku dhaxmaray mas’uuliyiinta maamulka gobolka Hiiraan iyo saraakiisha ciidamada dowlada Itoobiya ee gacanta militari siinaya maamulka gobollka, ayaa si gaar ah diirada loogu saaray xaalada nabad-galyo ee magaalada Beledweyne.

6/27/2012 4:36 AM EST
Arbaco, June 27, 2012 (HOL) — Warsaxaafadeed kasoo baxay Al-shabaab ayaa lagu sheegay in weerar gaadmo ah oo ka dhacay deegaanka Haluqa oo ku dhow xadka ay wadaagaan Soomaaliya iyo Kenya ay ku dileen askar badan oo Kenya ah kuwo kalena ay ku dhaawacmeen.

6/27/2012 4:17 AM EST
Arbaco, June 27, 2012 (HOL) — Madaxweynaha dalka Burundi, Pierre Nkurunziza ayaa sheegay in ciidamada dalkiisa ee ku sugan Soomaaliya ay halkaas isaga soo bixi doonaan markii ay dhameeyaan howsha nabadda lagu raadinayo, sidoo kalena ay fasaxdo dowladda Soomaaliya oo ay caawinayaan.

6/27/2012 4:02 AM EST
Arbaco, June 27, 2012 (HOL) — Taliyaha Booliska Somaliland Jen. Cabdilaahi Fadal Iimaan ayaa sheegay inay gacanta kusoo dhigeen ninkii ka dambeeyey toogashadii guddoomiyaha maxkamadda gobolka Hargeysa ee dhowaanta lagu toogtay bariga magaaladda Hargeysa.

6/27/2012 3:59 AM EST
Arbaco, June 27, 2012 (HOL) — Madaxweynayaasha Soomaaliya, Sheekh Shariif Sheekh Axmed iyo Somaliland, Axmed Maxamed Maxamuud (Siilaanyo) ayaa lagu wadaa inay maalmaha soo socda ku kulmaan magaalada Dubai ee isu-tagga Imaaraadka Carabta.

6/27/2012 3:56 AM EST
Arbaco, June 27, 2012 (HOL) — Guddoomiyaha jaaliyadda Soomaaliyeed ee dalka Talyaaniga, Cusman Maxamed Gacal ayaa ku dhawaaqay inuu yahay murashax u taagan ka qaybgala doorshooyinka madaxweyne ee Soomaaliya ee dhacaya bisha Ogoosto sannadkan.