6/13/2021
Today from Hiiraan Online:  _
Wararka Maanta- Arbaco, Jun 27, 2012
Mas’uuliyiinta Gobolka Hiiraan iyo Saraakiisha Itoobiya oo ka shiray Ammaanka guud ee Degmada Baladweyne


Arbaco, June 27, 2012 (HOL) — Kulan magaalada Beledweyne ku dhaxmaray mas’uuliyiinta maamulka gobolka Hiiraan iyo saraakiisha ciidamada dowlada Itoobiya ee gacanta militari siinaya maamulka gobollka, ayaa si gaar ah diirada loogu saaray xaalada nabad-galyo ee magaalada Beledweyne.

Guddoomiye ku-xigeenka arrimaha nabad-galyada maamulka gobollka Hiiraan Axmed Cismaan C/dalla ‘’Inji’’ oo warbaahinta la hadllay kadib kulanka labada dhinac ayaa sheegay in saraakiisha Itoobiya iyo mas’uuliyiinta maamulka gobollka uu ka dhaxeeyo iskaashi dhinaca amaanka ah, sidaa daraadeed kulanku ahaa oo kaliya mid leysku xog wareysanayay.

"Kulanka dhaxmaray labada dhinac waxaa uu ahaa is xog wareysi iyo sidii wadajir looga wada shaqeyn lahaa amaanka magaalada Beledweyne, waxaana leysku afgartay in laga hortago wax kasta oo wax u dhimi kara nabad-galyada dad shacabka ah ee  ku dhaqan magaalada," ayuu yiri guddoomiye ku-xigeenka arrimaha nabad-galyada maamulka gobollka Hiiraan.

Mar la weydiiyay su’aal aheyd in kulanku uu ahaa mid ay dalbadeen saraakiisha Itoobiya, islamarkaana lagu dhaliilay maamulka wax ka qabasho la’aan la xiriirta dhinaca nabad-galyada waxaa uu sheegay in Axmed Inji in xitaa haddii ay dalbadaan kulanka saraakiisha Itoobiya waxba ku jabneyn.

"Anniga iyo saraakiisha Itoobiya waan wada shaqeynaa, hal cadow ayaan leenahay, sidaa daraadeed haddii uu dhinacooda naga dalbadaan in aynu ka wada hadallno xaalada nabad-galyada iyo haddii aan anaga dalbano waa isku mid, muhiimadu waxaa ay tahay in aan nabad-galyada ka wada shaqeyno,’’ ayuu yiri Axmed Inji.

Guddoomiye ku-xigeenka ayaa dhinaca kale meesha ka saaray in ay jiraan dilal marar badan ka dhax dhacay ciidamada maamulka gobollka Hiiraan iyo kuwa Itoobiya, isaga oo sheegay in uusan ka warqabin arintaa iyada ah.

Kulanka dhaxmaray saraakiisha dowladda Itoobiya iyo mas’uuliyiinta maamulka gobollka Hiiraan ayaa noqonaya kii ugu horeeyay ee noociisa ah oo si gaar ah diirada loogu saarno nabad-galyada magaalada Beledweyne oo hadda u muuqata mid soo hagaageysa.

C/raxmaan Diini, Hiiraan Online
[email protected]
Beledweyne, Soomaaliya











Click here
6/27/2012 8:40 AM EST
Arbaco, June 27, 2012 (HOL) — Wararka ka imaanaya degmada Baydhabo ayaa waxay sheegayaan in ciidamada Itoobiya iyo kuwa DKMG ee ku sugan degmadaas ay toogasho ku dileen saddex dagaalyahan oo ka tirsan Xarakada Al-shabaab.


6/27/2012 7:46 AM EST
Arbaco, June 27, 2012 (HOL) — Xaflad si weyn loo soo agaasimay oo lagu xusayey maalintii calankii ugu horeeyey ee soomaali yeelato laga taagay magaaladda Hargeysa ee 26 june, 1960, ayaa xalay si weyn dabaaldeg loogu sameeyey xarunta madaxtooyadda Somaliland ee magaaladda Hargeysa.

6/27/2012 7:43 AM EST
Arbaco, June 27, 2012 (HOL) — Madaxweynaha Jabuuti, Ismaaciil Cumar Geelle oo ka hadlayay munaasabad maanta loo qabtay 35-sano guuradii kasoo wareegtay markii Jabuuti ay xorriyadeeda ka qaadatay gumeystihii Faransiiska ayaa sheegay inay wax walba ku garab-istaagayaan shacabka Soomaaliyeed iyo dowladdooda.

6/27/2012 7:42 AM EST
Arbaco, June 27, 2012 (HOL) — Guddoomiyaha jaaliyadda Soomaalida ee dalka Holland ahna guddoomiyaha xisbiga mideynta dhallinyarada Soomaaliyeed, Maxamed Abuukar Sheekh Xasan (M. Deeq) oo dhawaan soo gaaray Muqdisho ayaa degmada Dharkeynley ee Muqisho kula kulmay boqolaal dhallinyaro Soomaaliyeed ah.

6/27/2012 6:34 AM EST
Arbaco, June 27, 2012 (HOL) — Ugu yaraan 43-qof oo la rumeysan yahay inay kala ahaayeen Soomaaliya iyo Itoobiya ayaa laga helay maydadkooda gaari booyad ah oo ay doonayeen inay kaga tallaabaan xuduudda dalka Tanzania.

6/27/2012 4:36 AM EST
Arbaco, June 27, 2012 (HOL) — Warsaxaafadeed kasoo baxay Al-shabaab ayaa lagu sheegay in weerar gaadmo ah oo ka dhacay deegaanka Haluqa oo ku dhow xadka ay wadaagaan Soomaaliya iyo Kenya ay ku dileen askar badan oo Kenya ah kuwo kalena ay ku dhaawacmeen.

6/27/2012 4:17 AM EST
Arbaco, June 27, 2012 (HOL) — Madaxweynaha dalka Burundi, Pierre Nkurunziza ayaa sheegay in ciidamada dalkiisa ee ku sugan Soomaaliya ay halkaas isaga soo bixi doonaan markii ay dhameeyaan howsha nabadda lagu raadinayo, sidoo kalena ay fasaxdo dowladda Soomaaliya oo ay caawinayaan.

6/27/2012 4:02 AM EST
Arbaco, June 27, 2012 (HOL) — Taliyaha Booliska Somaliland Jen. Cabdilaahi Fadal Iimaan ayaa sheegay inay gacanta kusoo dhigeen ninkii ka dambeeyey toogashadii guddoomiyaha maxkamadda gobolka Hargeysa ee dhowaanta lagu toogtay bariga magaaladda Hargeysa.

6/27/2012 3:59 AM EST
Arbaco, June 27, 2012 (HOL) — Madaxweynayaasha Soomaaliya, Sheekh Shariif Sheekh Axmed iyo Somaliland, Axmed Maxamed Maxamuud (Siilaanyo) ayaa lagu wadaa inay maalmaha soo socda ku kulmaan magaalada Dubai ee isu-tagga Imaaraadka Carabta.

6/27/2012 3:56 AM EST
Arbaco, June 27, 2012 (HOL) — Guddoomiyaha jaaliyadda Soomaaliyeed ee dalka Talyaaniga, Cusman Maxamed Gacal ayaa ku dhawaaqay inuu yahay murashax u taagan ka qaybgala doorshooyinka madaxweyne ee Soomaaliya ee dhacaya bisha Ogoosto sannadkan.