6/24/2021
Today from Hiiraan Online:  _
Wararka Maanta- Arbaco, Jun 27, 2012
Guddoomiyaha Jaaliyadda Soomaaliyeed ee dalka Talyaaniga oo isku soo taagay xilka Madaxnimo ee dalka


ITALY 1.jpg

Arbaco, June 27, 2012 (HOL) — Guddoomiyaha jaaliyadda Soomaaliyeed ee dalka Talyaaniga, Cusman Maxamed Gacal ayaa ku dhawaaqay inuu yahay murashax u taagan ka qaybgala doorshooyinka madaxweyne ee Soomaaliya ee dhacaya bisha Ogoosto sannadkan.

Munaasabad ka dhacday magaalada Firene ee dalka Talyaaniga Sabtidii lasoo dhaafay ayuu kaga hadlay wax-qabadkiisa iyo wuxuu haatan damacsanyahay inuu u qabto ummadda Soomaaliyeed haddii la doorto.

Qudbad uu ka jeediyay goobta oo ay ku sugnaayeen boqolaal Soomaali ah oo isugu jirtay siyaasiyiin, aqoonyahano, culumaa'uddiin, dhallinyaro iyo haween iyo sidoo kale dad ajnabi ah ayuu ku sheegay inuu dalka gaarsiin doono hurmar dhaqaale oo baaxad leh.

Murashaxu wuxuu sheegay inuu wax weyn ka qaban-doono xagga ammaanka, dib-u-dhiska, dib-u-heshiisiinta iyo wanaajinta xiriirka siyaasadeed ee dalalka deriska ah, kuwa gobolka, qaarada Africa iyo dhammaan dalalka kale ee caalamka.

ITALY 2.jpg

Wakiillo ka socday maamullada Puntland, Gamudug, Khatumo iyo marti-sharaf kale ayaa iyaguna ka hadlay munaasabadda, waxayna dadki ka hadlay ay ku amaaneen murashaxaan hufnaan, daacadnimo iyo nin ay ku weyn tahay Soomaalida meel walba oo ay joogto.

Cusman Gacal ayaa muddo dheer ahaa guddoomiyaha jaaliyadda Soomaaliyeed ee dalka Talyaaniga ku nool, isagoo xilkaas ka qabtay intii aysan burburin dowladdii dhexe ee Soomaaliya.

Muddadii uu ahaa guddoomiyaha jaaliyadda wuxuu caawiyey in ka badan 300,000-qof oo Soomaali ah kuwaasoo isugu jiray qoysas, waayeel, dhallinyaro iyo carruur kuwaasoo markii ay burburtay dowladdii Soomaaliya galay dalkaas.

Xubnihii ka hadlay munaabsadda ayaa murashaxan uu yahay nin Soomaalidu ay u siman tahay, sidoo kalena uu u soo dagaalamay raadinta xuquuqda mujaajiriinta Soomaaliyeed ee dalka Talyaaniga tagay.

Murashaxan ayaa wuxuu qayb ka noqonayaa murashaxiin fara badan oo Soomaali ah kuwaasoo u taagan xilka madaxnimo ee Soomaaliya, iyadoo madaxweynaha DKMG ah ee Soomaaliya uu sheegay inuu soo dhaweynayo murashaxiinta faraha badan ee isku soo taagaya xilka madaxweynimo ee Soomaaliya.

ITALY 3.jpg
ITALY 4.jpg
ITALY 5.jpg

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/27/2012 8:40 AM EST
Arbaco, June 27, 2012 (HOL) — Wararka ka imaanaya degmada Baydhabo ayaa waxay sheegayaan in ciidamada Itoobiya iyo kuwa DKMG ee ku sugan degmadaas ay toogasho ku dileen saddex dagaalyahan oo ka tirsan Xarakada Al-shabaab.


6/27/2012 7:46 AM EST
Arbaco, June 27, 2012 (HOL) — Xaflad si weyn loo soo agaasimay oo lagu xusayey maalintii calankii ugu horeeyey ee soomaali yeelato laga taagay magaaladda Hargeysa ee 26 june, 1960, ayaa xalay si weyn dabaaldeg loogu sameeyey xarunta madaxtooyadda Somaliland ee magaaladda Hargeysa.

6/27/2012 7:43 AM EST
Arbaco, June 27, 2012 (HOL) — Madaxweynaha Jabuuti, Ismaaciil Cumar Geelle oo ka hadlayay munaasabad maanta loo qabtay 35-sano guuradii kasoo wareegtay markii Jabuuti ay xorriyadeeda ka qaadatay gumeystihii Faransiiska ayaa sheegay inay wax walba ku garab-istaagayaan shacabka Soomaaliyeed iyo dowladdooda.

6/27/2012 7:42 AM EST
Arbaco, June 27, 2012 (HOL) — Guddoomiyaha jaaliyadda Soomaalida ee dalka Holland ahna guddoomiyaha xisbiga mideynta dhallinyarada Soomaaliyeed, Maxamed Abuukar Sheekh Xasan (M. Deeq) oo dhawaan soo gaaray Muqdisho ayaa degmada Dharkeynley ee Muqisho kula kulmay boqolaal dhallinyaro Soomaaliyeed ah.

6/27/2012 6:34 AM EST
Arbaco, June 27, 2012 (HOL) — Ugu yaraan 43-qof oo la rumeysan yahay inay kala ahaayeen Soomaaliya iyo Itoobiya ayaa laga helay maydadkooda gaari booyad ah oo ay doonayeen inay kaga tallaabaan xuduudda dalka Tanzania.

6/27/2012 6:04 AM EST
Arbaco, June 27, 2012 (HOL) — Kulan magaalada Beledweyne ku dhaxmaray mas’uuliyiinta maamulka gobolka Hiiraan iyo saraakiisha ciidamada dowlada Itoobiya ee gacanta militari siinaya maamulka gobollka, ayaa si gaar ah diirada loogu saaray xaalada nabad-galyo ee magaalada Beledweyne.

6/27/2012 4:36 AM EST
Arbaco, June 27, 2012 (HOL) — Warsaxaafadeed kasoo baxay Al-shabaab ayaa lagu sheegay in weerar gaadmo ah oo ka dhacay deegaanka Haluqa oo ku dhow xadka ay wadaagaan Soomaaliya iyo Kenya ay ku dileen askar badan oo Kenya ah kuwo kalena ay ku dhaawacmeen.

6/27/2012 4:17 AM EST
Arbaco, June 27, 2012 (HOL) — Madaxweynaha dalka Burundi, Pierre Nkurunziza ayaa sheegay in ciidamada dalkiisa ee ku sugan Soomaaliya ay halkaas isaga soo bixi doonaan markii ay dhameeyaan howsha nabadda lagu raadinayo, sidoo kalena ay fasaxdo dowladda Soomaaliya oo ay caawinayaan.

6/27/2012 4:02 AM EST
Arbaco, June 27, 2012 (HOL) — Taliyaha Booliska Somaliland Jen. Cabdilaahi Fadal Iimaan ayaa sheegay inay gacanta kusoo dhigeen ninkii ka dambeeyey toogashadii guddoomiyaha maxkamadda gobolka Hargeysa ee dhowaanta lagu toogtay bariga magaaladda Hargeysa.

6/27/2012 3:59 AM EST
Arbaco, June 27, 2012 (HOL) — Madaxweynayaasha Soomaaliya, Sheekh Shariif Sheekh Axmed iyo Somaliland, Axmed Maxamed Maxamuud (Siilaanyo) ayaa lagu wadaa inay maalmaha soo socda ku kulmaan magaalada Dubai ee isu-tagga Imaaraadka Carabta.