6/13/2021
Today from Hiiraan Online:  _
Wararka Maanta- Talaado, Jun 26, 2012
Booliiska Dalka Uganda oo xabsiga dhigay shan ruux oo looga shakiyay inay xiriir la leeyihiin Islaamiyiinta Soomaaliya


Talaado, June 26, 2012 (HOL) — Booliiska ayaa sheegay inay xireen shan qof oo u dhashay dalka Bakistaan, kuwaasoo looga shakiyay inay xiriir la leeyihiin Xarakada Al-shabaab oo ka dagalaanta Soomaaliya.

Saraakiisha booliisku waxay sheegeen in dalkooda uu si adag uga digtoon yahay in weerarro ay kaga yimaadaan Al-shabaab, kuwaasoo ka dhalan kara dagaalka ay ciidamada Uganda ka wadaan gudaha Soomaaliya.

Goobta laga soo qabtay shantan ruux ayaa waxay horay saldhig ugu ahayd koox islaamiyiin ah oo dagaal kula jiray Uganda, iyadoo dalkaas uu cabsi weyn ka qabo in Al-shabaab ay weerarro ka geysato magaalooyinka waaweyn ee dalkaas.

"Shantan ruux ee Bakistaan u dhashay waxaan kasoo xirnay deegaanka Ntoroko oo ku dhow dhulka buuraleyda ah ee Rwenzori oo ku yaalla xuduudda u dhexeysa Uganda iyo Jamhuuriyadda Dimuqraadiga Koongo," ayay tiri Judith Nabakoba oo ah ku xigeenka afhayeenka booliiska dalka Uganda.

Afhayeenaddu waxay hadalkeeda ku dartay, in raggan ay kasoo dhuuneteen koontaroolka ku yaalla xuduudda, waxanaa waday rag u dhashay dalka Koongo oo aan sharci lahayn.

Xarakada Al-shabaab oo xiriir la leh Al-Qaacida ayaa waxay horay qaraxyo geystay khasaare badan uga geysatay magaalada Kamapla ee dalka Uganda sannadkii 2010, kuwaasoo ay ku dhinteen 76-qof, waxayna saraakiisha Al-shabaab sheegeen inay ahayd aargudasho.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/26/2012 7:04 PM EST
Arbaco, June 27, 2012(HOL): Wafdi uu hogaaminayo Ra’iisul Wasaaraha Soomaaliya, Dr, Cabdiweli Maxamed Cali ayaa maanta booqday Degmada Balcad ee gobalka Sh/Dhexe oo saakay gelinkii hore Ciidamada Xoogga dalka Soomaaliya iyo kuwa AMISOM ay la wareegeen gacan ku heynta Degmadaasi.

6/26/2012 8:44 AM EST
Talaado, June 26, 2012 (HOL) — Wafdi ka socday Ururka Midowga Afrika, IGAD, AMISOM oo ay ku jireen saraakiil ka socda dalka Sierra Leone iyo Mareykanka ayaa maanta booqasho ku tagay magaalada Baydhabo ee xarunta gobolka Bay iyagoo kulammo la yeeshay saraakiisha ciidamada iyo xubnaha bulshada rayidka ah.

6/26/2012 8:03 AM EST
Talaado, June 26, 2012 (HOL) — Madaxda DKMG Soomaaliya ayaa waxay hambalyo ku aaddan 26-ka Juun oo ah markii ugu horreysay oo calan Soomaaliyeed la suro ciidda Soomaaliya u diray guud ahaan shacabka Soomaaliyeed, iyagoo u rajeeyay in ciiddan teeda kale ay ku gaaraan nabad iyo barwaaqo.

6/26/2012 7:15 AM EST
Talaado, June 26, 2012 (HOL) — Madaxweynaha Somaliland Mudane, Axmed Maxamed Maxamuud (Siilaanyo), ayaa Shacbiga Somaliland meelkasta oo ay joogaan ku hambalyeeyey Xuska Munaasibada 52-guurada ka soo wareegtay 26-June-1960-kii, oo ah maalintii ay Somaliland madax-banaanideeda ka qaadatay Boqortooyadii Ingiriiska.

6/26/2012 7:04 AM EST
Talaado, June 26, 2012 (HOL) — Xukuumadda Soomaaliya ayaa guddi ka shaqeeya xulitaanka ergooyinka ansixinaya dastuurka cusub ee Soomaaliya ku magacaabay kulan aan caadi ahayn oo golaha wasiirradu DKMG ah ay ku yeesheen Muqdisho shalay oo Isniin ahayd.

6/26/2012 5:59 AM EST
Talaado, June 26, 2012 (HOL) — Ciidamada DKMG ah iyo kuwa AMISOM ayaa saakay oo Talaado la wareegay gacan ku haynta degmada Balcad ee gobolka Shabeellad Dhexe oo 30-km dhinaca waqooyi kaga beegan Muqdisho.

6/26/2012 5:57 AM EST
Talaado, June 26, 2012 (HOL) — Xubno a tirsan gudiga dhaqaalaha u qaabilsan aqalka hoose ee baarlamaanka [Congress] Mareykanka ayaa dhageystay shaqsiyaad Soomaali ah oo uga warbixinayey baahida guud ee bulshada Soomaalidu ay u qabto in ay sii shaqeeyaan xawaaladaha Soomaalida, kuwaasi oo mudooyinkii ugu dambeeyey ay soo wajaheen dhibaatoyin sabab u noqday in ay gaabis gasho shaqadoodi, sidoo kalana ay qaarkood xirmeen, kadib markii bangiyadii ay adeegsan jireen uu soo kala dhexgalay isfahamwaa wada’shaqeyn la’aaneed.

6/26/2012 5:46 AM EST
Talaado, June 26, 2012 (HOL) — Ciidamada dowladda KMG oo garab ka helaya kuwa Kenya iyo xarakada Al-shabaab ayaa u dagaalamay degmada badhaadhe ee gobolka Jubada Hoose, waxaana dagaalku uu ahaa mid xooggan oo ay labada dhinac isu adeegsadeen hubka noocyadiisa kala duwan.