6/13/2021
Today from Hiiraan Online:  _
Wararka Maanta- Talaado, Jun 26, 2012
Xukuumada KMG Soomaaliya oo guddi farsamo u saartay xulidda ergooyinka ansixiya Dastuurka cusub ee Soomaaliya


Talaado, June 26, 2012 (HOL) — Xukuumadda Soomaaliya ayaa guddi ka shaqeeya xulitaanka ergooyinka ansixinaya dastuurka cusub ee Soomaaliya ku magacaabay kulan aan caadi ahayn oo golaha wasiirradu DKMG ah ay ku yeesheen Muqdisho shalay oo Isniin ahayd.

Kulankan oo uu shir guddoominayay ra'iisul wasaaraha Soomaaliya, C/weli Maxamed Cali ayaa waxaa looga hadlay dastuurka iyo ammaanka, iyadoo golaha wasiirradu ay hambalyo ku aaddan dhameystirka qoraalka dastuurka ay u direen guddiga madaxa-bannaan ee qoraalka dastuurka.

"Shirkii ka dhacay Nairobi wuxuu mid taariikhi ah oo u soo hoyatay Soomaaliya, waayo waxaa la isku afgartay nuqulkii ugu dambeeyay ee dastuurka qabyo qoraalka ah," ayuu yiri ra'iisul wasaaraha Soomaaliya.

Ugu dambeyn, wuxuu goluhu ansixiyay guddi farsamo oo ka shaqeynaya soo xulidda ergada ansixint adastuurka, kuwaasoo magacyadoodu kala yihiin:

  1. Bashiir Warsame Jama
  2. Inj. C/raxmaan Maxamed Cusmaan
  3. Xaliimo Ismaaciil Ibraahim
  4. Maxamed Cali Xayle
  5. Fowziyo Abiikar Nuur
  6. Daahir Warsame
  7. Jaamac Salaad Maxamed
  8. Saadaq Abshir Garaad
  9. Faadumo Jaamac Jabriil
  10. Faysa Maxamed Layli
  11. Prof. C/llaahi Xasan Xuseen
  12. Dr Yaasiin Saalax Cali
  13. Dayib Maxamed Cali
  14. C/risaaq Axmed Faarax
  15. Showqi Axmed Xuseen
  16. Xamad Xaaji Cali Xasan
  17. Xasan Axmed Ibraahim
  18. C/waaxid Sheekh Cismaan
  19. Saalim Macow Xaaji
  20. Cabdulle Axmed Yuusuf
  21. Abshir Warsame Jaamac
  22. Prof. C/llaahi Cismaan Hiirag
  23. Inj. Saalax Sheekh Cusmaan
  24. Maxamed Aadan Ibraahim (Fargeeto)
  25. Qaasim Iidoow Ibraahim
  26. Sheekh Qaasim Ibraahim
  27. Xaliimo Cumar Axmed

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/26/2012 7:04 PM EST
Arbaco, June 27, 2012(HOL): Wafdi uu hogaaminayo Ra’iisul Wasaaraha Soomaaliya, Dr, Cabdiweli Maxamed Cali ayaa maanta booqday Degmada Balcad ee gobalka Sh/Dhexe oo saakay gelinkii hore Ciidamada Xoogga dalka Soomaaliya iyo kuwa AMISOM ay la wareegeen gacan ku heynta Degmadaasi.

6/26/2012 8:44 AM EST
Talaado, June 26, 2012 (HOL) — Wafdi ka socday Ururka Midowga Afrika, IGAD, AMISOM oo ay ku jireen saraakiil ka socda dalka Sierra Leone iyo Mareykanka ayaa maanta booqasho ku tagay magaalada Baydhabo ee xarunta gobolka Bay iyagoo kulammo la yeeshay saraakiisha ciidamada iyo xubnaha bulshada rayidka ah.

6/26/2012 8:03 AM EST
Talaado, June 26, 2012 (HOL) — Madaxda DKMG Soomaaliya ayaa waxay hambalyo ku aaddan 26-ka Juun oo ah markii ugu horreysay oo calan Soomaaliyeed la suro ciidda Soomaaliya u diray guud ahaan shacabka Soomaaliyeed, iyagoo u rajeeyay in ciiddan teeda kale ay ku gaaraan nabad iyo barwaaqo.

6/26/2012 7:42 AM EST
Talaado, June 26, 2012 (HOL) — Booliiska ayaa sheegay inay xireen shan qof oo u dhashay dalka Bakistaan, kuwaasoo looga shakiyay inay xiriir la leeyihiin Xarakada Al-shabaab oo ka dagalaanta Soomaaliya.

6/26/2012 7:15 AM EST
Talaado, June 26, 2012 (HOL) — Madaxweynaha Somaliland Mudane, Axmed Maxamed Maxamuud (Siilaanyo), ayaa Shacbiga Somaliland meelkasta oo ay joogaan ku hambalyeeyey Xuska Munaasibada 52-guurada ka soo wareegtay 26-June-1960-kii, oo ah maalintii ay Somaliland madax-banaanideeda ka qaadatay Boqortooyadii Ingiriiska.

6/26/2012 5:59 AM EST
Talaado, June 26, 2012 (HOL) — Ciidamada DKMG ah iyo kuwa AMISOM ayaa saakay oo Talaado la wareegay gacan ku haynta degmada Balcad ee gobolka Shabeellad Dhexe oo 30-km dhinaca waqooyi kaga beegan Muqdisho.

6/26/2012 5:57 AM EST
Talaado, June 26, 2012 (HOL) — Xubno a tirsan gudiga dhaqaalaha u qaabilsan aqalka hoose ee baarlamaanka [Congress] Mareykanka ayaa dhageystay shaqsiyaad Soomaali ah oo uga warbixinayey baahida guud ee bulshada Soomaalidu ay u qabto in ay sii shaqeeyaan xawaaladaha Soomaalida, kuwaasi oo mudooyinkii ugu dambeeyey ay soo wajaheen dhibaatoyin sabab u noqday in ay gaabis gasho shaqadoodi, sidoo kalana ay qaarkood xirmeen, kadib markii bangiyadii ay adeegsan jireen uu soo kala dhexgalay isfahamwaa wada’shaqeyn la’aaneed.

6/26/2012 5:46 AM EST
Talaado, June 26, 2012 (HOL) — Ciidamada dowladda KMG oo garab ka helaya kuwa Kenya iyo xarakada Al-shabaab ayaa u dagaalamay degmada badhaadhe ee gobolka Jubada Hoose, waxaana dagaalku uu ahaa mid xooggan oo ay labada dhinac isu adeegsadeen hubka noocyadiisa kala duwan.