11/30/2021
Today from Hiiraan Online:  _
Wararka Maanta- Axad, Jun 17, 2012
Tartan Qur'aan Akhris Muqdisho loogu qabtay Arday Soomaaliyeed (SAWIRRO)


Axad, June 17, 2012 (HOL) — Tartankan oo ahaa mid loogu magac-daray isbedelka dhallinyarda (Youth for Change) ayna fulinaysay ha'yadda CPD (Center for Peace & Democracy) ayaa lagu qabtay magaalada Muqdisho, kaasoo ay ku tartameen 60-arday.

Hay'adda CPD ayaa tartankn ku qabatay xarun ay ku leedahay dugsigii sare ee Raage Ugaas ee degmada Waaberi, halkaasoo ay wax ku bartaan dhallinyaro gaaraysa 250 kuwaasoo xalaado khatar ah ku jiray markii hore.

Ardayda oo laga soo ururiyay degmooyinka gobolka Banaadir ayaa waxay isugu jireen kuwo illaalo u ahaa mas'uuliyiin hubeysan, kuwo ka tirsanaa Al-shabaab iyo kuwo kale oo xaalad khatar ah ku jiray, waxaana hay'adda CPD ay muddo lix bilood ah u wadday howlo lagu barayay diinta Islamka iyo xirfado kala duwan si loo bedelo dhaqankooda iyo noloshooda.


Madaxa mashaariicda hay'adda CPD ahna madaxa mashruucan, Maxamed Caabbi Xasan ayaa sheegay in tartankan uu yahay mid loogu talogalay kor u qaadidda aqoonta dhallinyaradan oo markii hore noloshoodu khatar ku jirtay, isagoo sheegay in tartankan uu qayb ka yahay tartamo kale oo fara badan.

"Dhammaan ardaydii kasoo qaybgashay tartankan waan u mahadcelinaynaa, waxaana dib ka shaacin doonnaa ardayda tartanka ku guuleysatay," ayuu yiri Caabbi oo sheegay in tartanku uu ku dhacay si wanaagsan.

Tartankan ayaa qayb ka ah tartammo kala duwan oo loo qabanayo dhallinyarada wax lagu baray xarunta hay'adda, waxaana shalay la qabtay tartan isboorti iyadoo maantana la qabtay tartanka Qur'aan Kariimka ah.

Hay'adda CPD ayaa sheegtay in tartannadan ay socon doonaan muddo laba toddobaad iyadoo dhallinyarada ku guuleysta lagu wado in loo qabto xaflad lagu abaalmarinayo.

Magaalada Muqdisho ee xarunta Soomaaliya ayaa waxaa tan iyo markii uu isbedelku ka dhacay ka dhacayay tartamo kala duwan oo lagu baraarujinayo qaybaha bulshada kuwaasoo ay ugu horreeyaan dhallinyarada.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/17/2012 6:39 PM EST
17, June 2012, Axad War-saxaafaddeedka maamulka gobolka Banaadir, Maamulka gobolka Banaadir ayaa maanta kulan ku aadan ilaallinta shuruucda Saxaafadda gobolka la qaaday masuuliyiinta Idaacaddaha ka howlgal gala gobolka Banaadir, iyadoo gabagabada kulankaasina lagu kala saxiixday heshiis ay kuwada shaqeynayaan warbaahinta iyo maamulka gobolka.

6/17/2012 8:34 AM EST
Axad, June 17, 2012 (HOL) — Madaxweynaha Soomaaliya, Shariif Sheekh Axmed ayaa wareegtu uu maanta soo saaray ku laalay ama ku diiday qodobbo ka mid ah axdiga KMG ah ee Soomaaliya, kuwasaoo lagu sheegay inay ka horimaanayaan fulinta heshiiska Roadmap-ka.

6/17/2012 8:32 AM EST
Axad, June 17, 2012 (HOL) — Maamulka Ahlusunna Waljameeca ayaa markii ugu horreysay guddoomiye u magacaabay gobolka Galgaduud ee baratmaha dalka Sooamaliya oo ah saldhigga ugu weyn ee ay Soomaaliya ku leeyihiin.

6/17/2012 7:28 AM EST
Axad, June 17, 2012 (HOL) — Wasiirka arrimaha dibadda ee Somaliland, Maxamed Cabdullaahi Cumar ayaa sheegay in wadahadallada dhexmaraya DKMG Soomaaliya iyo Somaliland ay maalinta Arbacada ah ka furmayaan magaalada London ee dalka Britain.

6/17/2012 7:03 AM EST
Axad, June 17, 2012 (HOL) — Qarax loo adeegsaday gaari waxyaabaha qaraxa ay ka buuxaan ayaa goor-dhaweyd ka dhacay suuqa labaad ee Muqdisho ugu weyn ee Suuq Bacaad oo ku yaalla degmada Yaaqshiid ee gobolka Banaadir.

6/17/2012 3:30 AM EST
Axad, June 17, 2012 (HOL) — Weerarkii Ismiidaaminta ahaa ee shalay oo Sabti ahayd ka dhacay degmada Afgooye ee gobolka Shabeellada hoose oo 30-km u jirta Muqdisho ayaa waxaa la sheegayaa inay ku dhinteen saddex qof oo mid ka mid ah uu ahaa ruuxii weerarka fuliyay, sidoo kalena ay ku dhaawacmeen saddex qof oo shacab ah.

6/17/2012 3:30 AM EST
Axad, June 17, 2012 (HOL) — Munaasibadii lagu caleemasaarayey Murshid Cabdi Baaruud oo loo magacaabay gudoomiyaha gudiga xiriirka dadka Muhaajiriinta ee xisbiga Jamhuuriga ee gobolka Minnesota, ayaa waxaa ka soo qaybgalay qaar ka mid ah madaxda ugu saraysa xisbigaasi sida xubnaha ka tirsan aqalka sare ee baarlamaanka iyo kan odayaasha iyo waliba wakiilada goleyaasha gobolka, waxaa sidoo kale munaasibada ka soo qaybgalay dad iyaguna ka socday bulshooyinka soo galootiga ah ee ku dhaqan gobolkaan Minnesota, gaar ahaan dadka u dhashay wadamada ku yaala bariga Afrika sida, Soomaaliya iyo Kenya iyo waliba qoomiyada laatiinooska loo yaqaano.

6/17/2012 3:28 AM EST
Axad, June 17, 2012 (HOL) — Ciidamada AMISOM ayaa Muqdisho ka billaabay dhisme ay sheegeen in lagu dhaqan-celinayo dhallinyarada kasoo goosta Al-shabaab, iyadoo sidoo kalena wada dayactirka xarunta golaha shacabka ee Muqdisho.