5/14/2021
Today from Hiiraan Online:  _
Wararka Maanta- Sabti, Jun 16, 2012
Saraakiil ka socday ciidamada AMISOM oo Maanta gaartay Magaalada Beledweyne ee Xarunta gobolka Hiiraan (SAWIRRO)


1.JPG

Sabti, June, 16, 2012 (HOL) – Saraakiil isugu jirta Uganda, Burundi iyo  Jabuuti qeybna ka ah howlgalka AMISOM ee dalka Soomaaliya ayaa maanta markii ugu horeysay gaartay islamarkaana si wada jir ah u booqday magaalada Beledweyne.

Wafdiga ayaa markii ay soo gaareen magaalada waxaa ay kulamo la qaateen mas’uuliyiinta ka tirsan maamulka gobollka Hiiraan iyo saraakiisha dowladda Itoobiya oo ay ka wada hadlleen arrimo la xiriira xaaladaha dhinaca nabad-galyada iyo waliba xoojinta ciidamada midowgga Africa “”AMISOM’’ oo hadda qeyb ka mid ah ku sugan magaalada Beledweyne.

Kulan ay si wada jira ah u qaataan wafdiga AMISOM, mas’uuliyiinta maamulka gobollka iyo Saraakiisha dowladda Itoobiya ayaa siweyn loogu lafaguray howl-galada ka dhan ah Xarrakada Al-shabaab iyo sidii loo soo dadajin lahaa ciidamada AMISOM inta ka dhiman, iyaga oo sheegay xubanaha maanta gaaray magaalada Beledweyne in maalmaha nagu soo foolka leh soo gaari doonaan gobollka ciidamo dheeraad ah oo ka socda midowgga Africa.

2.JPG

Intii ay ku sugnaayeen saraakiisha magaalada Beledweyne waxaa ay booqdeen Isbitaalka guud ee magaalada iyaga oo halkaa warbixino kaga dhageystay howl-wadeegnada Isbitaalka, waxaana ay sheegeen in qorshahoodu aheyn oo kaliya dhinaca militariga, laakiin ay doonayaan xitaa in ay gacan ka geystaan howlaha la xiriira arrimaha bulshada sida caafimaadka.

Booqashada saraakiisha AMISOM ay ku tageen magaalada Beledweyne ayaa ku soo beegantay xili maalin uun ka hor uu booqday magaalada wasiirrka wasaarrada arrimaha gudaha iyo amniga Qaranka  dowladda KMG C/samad Macalin Max’uud oo wehliyaan xubno ka tirsan wasaarrada gaashaandhiga xukuumada KMG, Midowgga Africa iyo UN-ka intaba.

4.JPG
3.JPG
5.JPG6.JPG

C/raxmaan Diini, Hiiraan Online
[email protected]
Beledweyne, Soomaaliya.










Click here
6/16/2012 2:16 PM EST
Sabti, June 16, 2012(HOL): Xiriirka Soomaaliyeed ee kubada cagta ayaa shaaca ka qaaday in uu magaalada Muqdisho soo gaaray Cowskii Artifishaalka ee lagu gogli lahaa garoonka Stadium Banaadir, iyadoo shirkadda qandaraaska hoose ee dhsimaha la siiyay ee {East African Modern Engineering company EMECO} ay soo dhameystirtay diyargarowgii hore ee dhulka cowska la dhigi doono.

6/16/2012 9:34 AM EST
Sabti, June 16, 2012 (HOL) — Kulan ay laba maalmood uga socday Muqdisho 10-murashax oo u taagan xilka madaxnimo ee Soomaaliya ayay kasoo saareen dhowr qodob oo ku saabsan doorashooyinka, iyagoo beesha caalamka ugu baaqay inaysan madaxda dowladda KMG ah u isticmaalin doorashada gargaarka ay beesha caalamka ka helaan.

6/16/2012 8:59 AM EST
Sabti, June 16, 2012 (HOL) — Hay'adda caafimaadka adduunka ee WHO ayaa dib u furtay xaruntii caafimaadka degmada Xudur ee gobolka Bay, kaddib markii laga saaray xoogaggii Al-shabaab ee ka talinayay muddo afarta sano ku dhow.

6/16/2012 8:45 AM EST
Sabti, June 16, 2012 (HOL) — Wasiirka Waxbarashadda iyo Tacliinta sare Marwo: Samsam Cabdi Aadan, ayaa sheegtay wakhtiga rasmiga ah ee imtixaanka shahaadiga ah Dugsiyadda dhexe iyo kuwa Sareba ka bilaabmi doono Somaliland, iyadoo sheegan in bishan June sodankeedda uu imtixaanku u bilaabmi doono, waxaanay ardayda ugu bushaaraysay in niyad sami ku galaan imtixaankaasi.

6/16/2012 8:20 AM EST
Sabti, June 16, 2012 (HOL) — Guddiga qoraalka dastuurka Soomaaliya ayaa maanta sheegay inuu dib u dhac ku yimid qorshe ay ku doonayeen inay dastuurka kusoo bandhigaan, iyagoo sheegay in toddobaadka soo socda ya soo bandhigi doonaan.

6/16/2012 8:01 AM EST
Sabti, June 16, 2012 (HOL) — Wasiirka Gaashaandhiga Somaliland Mr: Axmed X. Cali Cadami ayaa sheegay in hawlgal uu ciidanka Milatariga Somaliland ka sameeyey Deegaanka Tukaraq ee gobolka Sool oo ciidamo Maamulka khaamuto State hore u fadhiyeen ay kala wareegeen.

6/16/2012 8:01 AM EST
Sabti, June 16, 2012 (HOL) — Telefishinka dalka Sucuudiga ayaa maanta oo Sabti ah baahiyay in dhaxal-sugihii boqortooyada Saudi Arabia, Na'if Bin Cabdul-casiis Aala-Sucuud uu ku dhintay magaalada Geneve ee dalka Swizerland.

6/16/2012 7:28 AM EST
Sabti, June 16, 2012 (HOL) — Inta la ogyahay lix qof oo u badan dhinacyadii uu u dhexeeyay dagaal maanta ka dhacay degmada Qansax-dheere ayaa ku dhintay tiro intaas ka badanna way ku dhaawacmeen.

6/16/2012 6:46 AM EST
Sabti, June 16, 2012 (HOL) — Qarax ismiidaamin ah oo loo adeegsaday gaar waxyaabaha qaraxa laga buuxiyay ayaa goor dhaweyd ka dhacay degmada Afgooyer ee gobolka Shabeellad hoose, waxaana mas'uuliyadda weerarkan sheegatay Al-shabaab.

6/16/2012 6:02 AM EST
Sabti, June 16, 2012 (HOL) — Doon siday shixnado ganacsi oo u rarnayd ganacsato Soomaali ah ayaa ku dagtay meel u dhow dekedda Magaalada Kismaayo, kadib markii ay ku dhacday Jamal ku yaalla Badda Dhexdeeda.

6/16/2012 3:17 AM EST
Sabti, June 16, 2012 (HOL) — Ururka Ahlusunna Waljamaaca ayaa sheegay inay bedeleen qaabkii ay kula dagaalami jireen Al-shabaab, taasna ay keentay inay isaga soo baxaan deegaanno ka tirsan gobolkaas oo ay ka mid tahay degmada Ceelbuur.

6/16/2012 3:16 AM EST
Sabti, June 16, 2012 (HOL) — Labadii bilood ee lasoo dhaafay dalka Koonfur Afrika waxaa lagu dilay in ka badan 10-ganacsato Soomaaliyeed ah tiro intaasi ka badana waa lagu dhaawacay, waxaa kaloo loo geystay boob-hanitiyeed oo aad u ballaaran.

6/16/2012 3:13 AM EST
Sabti, June 16, 2012 (HOL) — Ugu yaraan 12-qof oo dhinacyadii dagaalamay ka tirsan ayaa ku dhintay dagaallo culus oo shalay illaa xalay ka socda deegaanno ka tirsan gobolka Gedo ee Koonfurta Soomaaliya.