5/17/2021
Today from Hiiraan Online:  _
Wararka Maanta- Sabti, Jun 16, 2012
Dagaal Ciidamada DKMG ah, kuwa Itoobiya iyo Xoogagga Al-shabaab ku dhex-maray Degmada Qansax-dheere


Sabti, June 16, 2012 (HOL) — Inta la ogyahay lix qof oo u badan dhinacyadii uu u dhexeeyay dagaal maanta ka dhacay degmada Qansax-dheere ayaa ku dhintay tiro intaas ka badanna way ku dhaawacmeen.

Dagaalkan ayaa wuxuu qarxay markii xoogaga Al-shabaab ay weerar lama filaan ah ku qaadeen saldhigyo ay ciidamada DKMG ah iyo kuwa Itoobiya kaga sugnaayeen degmadaas, waxaana dagaalku uu socday muddo kooban.

"Weerarka waxaa soo qaaday Al-shabaab, dhinaca dowladda hal askari ayaa uga dhintay, laba qof oo gabi ay ku jirtana way nooga dhaawacmeen," ayuu yiri xildhibaan Cali Aadan Afgooye oo ka mid ah xildhibaannada dowladda ee ku sugan gobolka Bay.

Mudanahan ayaa sheegay in xoogaggii Al-shabaab ee weerarka soo qaaday la eryay laguna daba-jiro, isagoo aan sheegin khasaaraha Al-shabaab ay u geysteen, balse wararka madaxa bannaan ee la helayo ayaa sheegaya in labada dhinac ay khasaare kasoo gaartay dagaalka.

Goobjoogayaal ku sugan degmada Qansax-dheere ayaa sheegay in dagaalku uu ka dhacay gudaha degmada, inkastoo uu markii dambe dibadda uga baxay, waxayna dadku sheegeen in cabsi weyn uu dagaalkan ku beeray.

Saraakiil u hadlay Al-shabaab ayaa iyaguna dhankooda sheegay inay dagaalkaas ku dileen askari Itoobiyaan ah ayna laba kale ku dhaawaceen, sidoo kalena ay ku furteen qori nooca fudud ah, inkastoo Itoobiya aysan ka hadlin dagaalka.

Degmada Qansax-dheer ayaa waxay ka mid tahay degmooyinkii gobolka Bay ee Al-shabaab laga qabsaday horraantii sannadkan, iyadoo dagaalka ka dhaca maanta lagu sheegay inuu ahaa kii ugu cuslaa ee degmadaas ka dhaca.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/16/2012 2:16 PM EST
Sabti, June 16, 2012(HOL): Xiriirka Soomaaliyeed ee kubada cagta ayaa shaaca ka qaaday in uu magaalada Muqdisho soo gaaray Cowskii Artifishaalka ee lagu gogli lahaa garoonka Stadium Banaadir, iyadoo shirkadda qandaraaska hoose ee dhsimaha la siiyay ee {East African Modern Engineering company EMECO} ay soo dhameystirtay diyargarowgii hore ee dhulka cowska la dhigi doono.

6/16/2012 9:51 AM EST
Saraakiil isugu jirta Uganda, Burundi iyo Jabuuti qeybna ka ah howlgalka AMISOM ee dalka Soomaaliya ayaa maanta markii ugu horeysay gaartay islamarkaana si wada jir ah u booqday magaalada Beledweyne.

6/16/2012 9:34 AM EST
Sabti, June 16, 2012 (HOL) — Kulan ay laba maalmood uga socday Muqdisho 10-murashax oo u taagan xilka madaxnimo ee Soomaaliya ayay kasoo saareen dhowr qodob oo ku saabsan doorashooyinka, iyagoo beesha caalamka ugu baaqay inaysan madaxda dowladda KMG ah u isticmaalin doorashada gargaarka ay beesha caalamka ka helaan.

6/16/2012 8:59 AM EST
Sabti, June 16, 2012 (HOL) — Hay'adda caafimaadka adduunka ee WHO ayaa dib u furtay xaruntii caafimaadka degmada Xudur ee gobolka Bay, kaddib markii laga saaray xoogaggii Al-shabaab ee ka talinayay muddo afarta sano ku dhow.

6/16/2012 8:45 AM EST
Sabti, June 16, 2012 (HOL) — Wasiirka Waxbarashadda iyo Tacliinta sare Marwo: Samsam Cabdi Aadan, ayaa sheegtay wakhtiga rasmiga ah ee imtixaanka shahaadiga ah Dugsiyadda dhexe iyo kuwa Sareba ka bilaabmi doono Somaliland, iyadoo sheegan in bishan June sodankeedda uu imtixaanku u bilaabmi doono, waxaanay ardayda ugu bushaaraysay in niyad sami ku galaan imtixaankaasi.

6/16/2012 8:20 AM EST
Sabti, June 16, 2012 (HOL) — Guddiga qoraalka dastuurka Soomaaliya ayaa maanta sheegay inuu dib u dhac ku yimid qorshe ay ku doonayeen inay dastuurka kusoo bandhigaan, iyagoo sheegay in toddobaadka soo socda ya soo bandhigi doonaan.

6/16/2012 8:01 AM EST
Sabti, June 16, 2012 (HOL) — Wasiirka Gaashaandhiga Somaliland Mr: Axmed X. Cali Cadami ayaa sheegay in hawlgal uu ciidanka Milatariga Somaliland ka sameeyey Deegaanka Tukaraq ee gobolka Sool oo ciidamo Maamulka khaamuto State hore u fadhiyeen ay kala wareegeen.

6/16/2012 8:01 AM EST
Sabti, June 16, 2012 (HOL) — Telefishinka dalka Sucuudiga ayaa maanta oo Sabti ah baahiyay in dhaxal-sugihii boqortooyada Saudi Arabia, Na'if Bin Cabdul-casiis Aala-Sucuud uu ku dhintay magaalada Geneve ee dalka Swizerland.

6/16/2012 6:46 AM EST
Sabti, June 16, 2012 (HOL) — Qarax ismiidaamin ah oo loo adeegsaday gaar waxyaabaha qaraxa laga buuxiyay ayaa goor dhaweyd ka dhacay degmada Afgooyer ee gobolka Shabeellad hoose, waxaana mas'uuliyadda weerarkan sheegatay Al-shabaab.

6/16/2012 6:02 AM EST
Sabti, June 16, 2012 (HOL) — Doon siday shixnado ganacsi oo u rarnayd ganacsato Soomaali ah ayaa ku dagtay meel u dhow dekedda Magaalada Kismaayo, kadib markii ay ku dhacday Jamal ku yaalla Badda Dhexdeeda.

6/16/2012 3:17 AM EST
Sabti, June 16, 2012 (HOL) — Ururka Ahlusunna Waljamaaca ayaa sheegay inay bedeleen qaabkii ay kula dagaalami jireen Al-shabaab, taasna ay keentay inay isaga soo baxaan deegaanno ka tirsan gobolkaas oo ay ka mid tahay degmada Ceelbuur.

6/16/2012 3:16 AM EST
Sabti, June 16, 2012 (HOL) — Labadii bilood ee lasoo dhaafay dalka Koonfur Afrika waxaa lagu dilay in ka badan 10-ganacsato Soomaaliyeed ah tiro intaasi ka badana waa lagu dhaawacay, waxaa kaloo loo geystay boob-hanitiyeed oo aad u ballaaran.

6/16/2012 3:13 AM EST
Sabti, June 16, 2012 (HOL) — Ugu yaraan 12-qof oo dhinacyadii dagaalamay ka tirsan ayaa ku dhintay dagaallo culus oo shalay illaa xalay ka socda deegaanno ka tirsan gobolka Gedo ee Koonfurta Soomaaliya.