5/22/2019
Today from Hiiraan Online:  _
Wararka Maanta- Jimco, Jun 15, 2012
Guddoomiyihii hore ee Baarlamaanka Soomaaliya oo maanta lagu aasayo Muqdisho


Jimco, June 15, 2012 (HOL) — Guddoomiyihii hore ee baarlamaanka Soomaaliya Allaha u raxmadee, Sheekh Mukhtaar Maxamed Xuseen ayaa lagu wadaa in maanta lagu aaso Muqdisho, kaddib markii uu laba casho ka hor ku geeriyooday magaalada Nairobi ee dalka Kenya.

Maydka marxuum ayaa laga soo dajiyay garoonka diyaaradaha ee Muqdisho halkaas oo lagula tukanayo salaadda janaasada, waxaana la xiray jidadka gala garoonka iyo kuwa taga xarunta madaxtooyada Soomaaliya.

"Waxaa lagu aasi doonaa maydka marxuumka Qabuuraha qaranka oo ku dhow tarabuunka Muqdisho, aaskiisana waa mid heer qaran ah," ayuu sarkaal sare oo ka tirsan dowladda Soomaaliya u sheegay warbaahinta.

Sheekh Mukhtaar ayaa wuxuu guddoomiyaha baarlamaanka Soomaaliya ahaa muddo afar sano ah laga soo billaabo sannadkii 1966-kii illaa 1969-kii, waxaana isagoo si KMG ah u ah madaxweynaha Soomaaliya xilka dalka la wareegay ciidamada milateriga.

Marxuumka ayaa wuxuu ku geeriyooday dalka Kenya laba casho ka hor, iyadoo ay dowladda KMG ah ku dhawaaqday inay u sameynayso aas qaran, iyadoo lagu wado in aaskiisa ay ka qaybgalaan madaxda dowladda Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/15/2012 4:47 AM EST
Jimco, June 15, 2012 (HOL) — Wasaaradda arrimaha gudaha ee dalka Koonfur Afrika ayaa soo saartay bayaan ay ku sheegtay in 30-ka bishan June ay al-baabbada u xiri doonto xarun lagu qaabilo qaxootiga oo ku taalla Mitland ee magaalada Cape-town basle caddeysay in dadkii horey loo qaabilay loo samayn doono goobo kale oo lagu qaabilo.

6/15/2012 4:42 AM EST
Jimco, June 15, 2012 (HOL) — Xarakada Al-shabaab ayaa sheegtay in dagaal ka dhacay gobolka Gedo ay ku dishay askar u dhalatay dalka Siiraaliyoon, kuwaasoo ay sheegeen in ay ka barbar dagaalamayeen ciidamada dowladda KMG ee ku sugan degmada Yurkud ee gobolka Gedo.

6/15/2012 4:39 AM EST
Jimco, June 15, 2012 (HOL) — Kooxo hubeysan ayaa xalay ku toogtay xaafadda Laba-dhagax ee degmada Wardhiigley wiil dhallinyaro ah oo magaciisa lagu soo gaabiyay, Cabdi Yare iyadoo aan la ogeyn sababta loo dilay wiilkaas.

6/15/2012 4:32 AM EST
Jimco, June 15, 2012 (HOL) — Kulan ballaadhan oo lagu qiimaynayo Abaaraha baahsan ee ka jira goboladda Awdal iyo Selel ayaa ka qabsoomay magaaladda Boorama ee gobolka Awdal, waxaana kulankaasi ka soo qaybgalay Salaadiin, cuqaal, Ganacsato, siyaasiyiinta ururada siyaasadda, Hay’adaha dawladda ee qaabilsan arrimaha aafooyinka iyo Dadweyne kale oo badan.

6/15/2012 4:28 AM EST
Jimco, June 15, 2012 (HOL) — Wararka aynu ka heleyno Dalka South Afrika ayaa sheegaya in kooxo hubeysan oo u dhashay dalkaasi ay xalay boob u geysteen ilaa 30 dukaan oo ay lahaayeen ganacsato u dhalatay dalalka Soomaaliya, Bangaladesh iyo Hindiya, iyadoona kooxahaasi ay qaateen gabi ahaan wixii yaallay Dukaamadaasi.