8/17/2019
Today from Hiiraan Online:  _
Wararka Maanta- Jimco, Jun 15, 2012
Kulan Qaaraan loogu Ururinayo Abaaraha Baahsan ee ka jira gobolada Awdal iyo Selel oo lagu qabtay Magaalada Boorame


Jimco, June 15, 2012 (HOL) — Kulan ballaadhan oo lagu qiimaynayo Abaaraha baahsan ee ka jira goboladda Awdal iyo Selel ayaa ka qabsoomay magaaladda Boorama ee gobolka Awdal, waxaana kulankaasi ka soo qaybgalay Salaadiin, cuqaal, Ganacsato, siyaasiyiinta ururada siyaasadda, Hay’adaha dawladda ee qaabilsan arrimaha aafooyinka iyo Dadweyne kale oo badan.

Kulankan waxa hadalo ku qotoma inta ay leegtahay abaaraha goboladan ka jira ka jeediyey Cuqaal iyo aqoonyahano Qiimeyn ka sameeyey inta ay leegtahay abaaraha goboladan ka jira, waxaana halkaasi lagaga dhawaaqay lacag iyo cunto loo ururinayo dadka ay halakeeyeen abaaraha soo noqnoqday ee goboladan asiibay.

Sidoo kale, Qaadhaankan loo ururiyey ee bulshadda qaybaheedda kala duwan iskugu timid waxa xukuumadda Wakiil u ahaa Afhayeenka madaxweyneha Cabdilaahi Maxamed Daahir Cukuse, oo sheegay inuu madaxweynuhu ka xun yahay abaaraha goboladan ka jira, isla markaana xukuumaddu qaybteedda ka qaadan doonto qaadhaan ururinta loo samaynayo dadka iyo xoolaba ee abaaruhu dhibaateeyeen.

Shirkan ayaa daba socday qaylodhaan toddobaadkii hore kaga dhowaaqeen salaadiinta gobolkan Awdal, kuwaas oo la doonayey inay bulshadda qaybaheedda kala duwan ka soo qaybgalaan shirkan oo lacag loogu ururiyo dadkaasi abaaruhu hayaan.

Kulan ayaa lacag qaadhaan ah iyo Raashin lagu taakulaynayo dadka abaaruhu ku habsadeen ee goboladan Awdal iyo Selel loo ururiyeyey, iyadoo xukuumadani balanqaaday inay qaybteedda bixin doonto, isla markaana gurmad balaadhan ka gali doonto caawinta loogu jirto dadkaasi xooluhu ka baxeen ee miyiga ku dhaqan.

Barkhad-Ladiif M. Cumar
[email protected]
Hargeysa, Somaliland










Click here
6/15/2012 4:47 AM EST
Jimco, June 15, 2012 (HOL) — Wasaaradda arrimaha gudaha ee dalka Koonfur Afrika ayaa soo saartay bayaan ay ku sheegtay in 30-ka bishan June ay al-baabbada u xiri doonto xarun lagu qaabilo qaxootiga oo ku taalla Mitland ee magaalada Cape-town basle caddeysay in dadkii horey loo qaabilay loo samayn doono goobo kale oo lagu qaabilo.

6/15/2012 4:42 AM EST
Jimco, June 15, 2012 (HOL) — Guddoomiyihii hore ee baarlamaanka Soomaaliya Allaha u raxmadee, Sheekh Mukhtaar Maxamed Xuseen ayaa lagu wadaa in maanta lagu aaso Muqdisho, kaddib markii uu laba casho ka hor ku geeriyooday magaalada Nairobi ee dalka Kenya.

6/15/2012 4:42 AM EST
Jimco, June 15, 2012 (HOL) — Xarakada Al-shabaab ayaa sheegtay in dagaal ka dhacay gobolka Gedo ay ku dishay askar u dhalatay dalka Siiraaliyoon, kuwaasoo ay sheegeen in ay ka barbar dagaalamayeen ciidamada dowladda KMG ee ku sugan degmada Yurkud ee gobolka Gedo.

6/15/2012 4:39 AM EST
Jimco, June 15, 2012 (HOL) — Kooxo hubeysan ayaa xalay ku toogtay xaafadda Laba-dhagax ee degmada Wardhiigley wiil dhallinyaro ah oo magaciisa lagu soo gaabiyay, Cabdi Yare iyadoo aan la ogeyn sababta loo dilay wiilkaas.

6/15/2012 4:28 AM EST
Jimco, June 15, 2012 (HOL) — Wararka aynu ka heleyno Dalka South Afrika ayaa sheegaya in kooxo hubeysan oo u dhashay dalkaasi ay xalay boob u geysteen ilaa 30 dukaan oo ay lahaayeen ganacsato u dhalatay dalalka Soomaaliya, Bangaladesh iyo Hindiya, iyadoona kooxahaasi ay qaateen gabi ahaan wixii yaallay Dukaamadaasi.