8/17/2019
Today from Hiiraan Online:  _
Wararka Maanta- Jimco, Jun 15, 2012
Dukaammo gaaraya 30-dukaan oo lagu Boobay Koonfur Afrika iyo cabsi ay Qabaan Ganacsatada Soomaaliyeed


Jimco, June 15, 2012 (HOL) — Wararka aynu ka heleyno Dalka South Afrika ayaa sheegaya in kooxo hubeysan oo u dhashay dalkaasi ay xalay boob u geysteen ilaa 30 dukaan oo ay lahaayeen ganacsato u dhalatay dalalka Soomaaliya, Bangaladesh iyo Hindiya, iyadoona kooxahaasi ay qaateen gabi ahaan wixii yaallay Dukaamadaasi.

C/risaaq Xasan Carte oo ah wariye Madax Bannaan oo ku sugan magaalada Johansberg ee dalka Koonfur Afrika ayaa HOL u sheegay in dukaamada la dhacay ay laahayeen ganacsato u badan Soomaali, wuxuuna xusay khasaaro lixaad leh in uu kasoo gaaray ganacsatadii hantidooda la dhacay.

"Shacab hubeysan oo u dhashay South Afrika ayaa Boob u geystay ilaa 30 dukaan oo ay lahaayeen Hindi, Somalia iyo Bangaladesh, dadkii dukaamada lahaa naftooda ayay kala baxsadeen, waxaana la qaatay hantidii taallay oo dhan," ayuu hadalkiisii raaciyay.

Wariye Carte ayaa intaasi ku daray in dhawaan laga cabsi qabo in uu dhaco kacdoon ay sameynayaan shacabka u dhashay dalka Koonfur Afrika kasoo looga soo horjeedo dadka Ajaanibta ah ee ku ganacsada dalkaasi.

Ganacsatada Ajaanibta gaar ahaan kuwa Soomaalida ee ku dhaqan dalka Koonfur Afrika ayaa had iyo jeerba shacabka u dhashay dalka Koonfur Afrika waxa ay kala kulmaan, Dil iyo weliba boob loo geysto hantidooda, ma jirto cid ilaa imika u istaagtay sidii ay wax uga qaban lahayd dhibaatooyinka heysta dadka ajaanibta ee ku sugan dalkaasi Koonfur Afrika.

Xasan Nuur, Hiiraan Online
[email protected]
Kismaayo, Soomaaliya









Click here
6/15/2012 4:47 AM EST
Jimco, June 15, 2012 (HOL) — Wasaaradda arrimaha gudaha ee dalka Koonfur Afrika ayaa soo saartay bayaan ay ku sheegtay in 30-ka bishan June ay al-baabbada u xiri doonto xarun lagu qaabilo qaxootiga oo ku taalla Mitland ee magaalada Cape-town basle caddeysay in dadkii horey loo qaabilay loo samayn doono goobo kale oo lagu qaabilo.

6/15/2012 4:42 AM EST
Jimco, June 15, 2012 (HOL) — Guddoomiyihii hore ee baarlamaanka Soomaaliya Allaha u raxmadee, Sheekh Mukhtaar Maxamed Xuseen ayaa lagu wadaa in maanta lagu aaso Muqdisho, kaddib markii uu laba casho ka hor ku geeriyooday magaalada Nairobi ee dalka Kenya.

6/15/2012 4:42 AM EST
Jimco, June 15, 2012 (HOL) — Xarakada Al-shabaab ayaa sheegtay in dagaal ka dhacay gobolka Gedo ay ku dishay askar u dhalatay dalka Siiraaliyoon, kuwaasoo ay sheegeen in ay ka barbar dagaalamayeen ciidamada dowladda KMG ee ku sugan degmada Yurkud ee gobolka Gedo.

6/15/2012 4:39 AM EST
Jimco, June 15, 2012 (HOL) — Kooxo hubeysan ayaa xalay ku toogtay xaafadda Laba-dhagax ee degmada Wardhiigley wiil dhallinyaro ah oo magaciisa lagu soo gaabiyay, Cabdi Yare iyadoo aan la ogeyn sababta loo dilay wiilkaas.

6/15/2012 4:32 AM EST
Jimco, June 15, 2012 (HOL) — Kulan ballaadhan oo lagu qiimaynayo Abaaraha baahsan ee ka jira goboladda Awdal iyo Selel ayaa ka qabsoomay magaaladda Boorama ee gobolka Awdal, waxaana kulankaasi ka soo qaybgalay Salaadiin, cuqaal, Ganacsato, siyaasiyiinta ururada siyaasadda, Hay’adaha dawladda ee qaabilsan arrimaha aafooyinka iyo Dadweyne kale oo badan.