5/21/2022
Today from Hiiraan Online:  _
Wararka Maanta- Khamiis, July 5 , 2012
Murashaxa Dr. C/raxmaan Macallin Baadiyoow oo soo jeediyay in loo diyaar-garoobo Tartan doorasho oo xalaal ah

Khamiis, July 05, 2012 (HOL) — Dr. C/raxmaan Macallin Cabdullaahi (Baadiyoow) oo ka mid ah murashaxiinta u taagan xilka madaxnimo ee Soomaaliya oo Muqdisho dib ugu soo laabtay ayaa soo jeediyay in loo diyaar-garoobo tartan doorasho oo xalaal ah, xilli uu warbaahinta kula hadlayay garoonka diyaaradaha Muqdisho.

Murashaxa oo horraantii bishii Juun ku dhawaaqay inuu yahay murashax u taagan xilka madaxnimo ee Soomaaliya ayaa sheegay in doorasho xalaal ah oo dalka ka dhacda ay tahay midda keliya ee badbaadin karta Soomaaliya.

"Doorashada dhacaysa waa inay noqotaa mid lagu soo xusho shaqsi Soomaaliyeed oo dalka ku hoggaamin kara cadaalad kana bixi kara dhibaatada muddada dheer soo jirtay,' ayuu yiri Dr. C/raxmaan Baadiyoow.

Sidoo kale, murashaxu oo hadalkiisa sii wata ayaa sheegay in isbedelka cusub ee uu doonayo uu yahay sidii ummadda Soomaaliyeed wax wanaagsan loogu horseedi lahaa loona horumarinta aqoonta dhalliyarada Soomaaliyeed.

"Labaatankii sano ee ugu dambeeyay degmo kasto oo Soomaaliyeed waxaan ka sameysay aniga iyo saaxiibbadey iskuullo waxbarasho, xarumo dib u heshiisiineed iyo goobo caafimaad oo dadka lagu daweeyo," ayuu yiri Dr. Baadiyoow.

Wuxuu ku baaqay inaan la faragelin odayaasha dhaqanka ee ku shirsan Muqdisho, isagoo ku boorriyay inay iyaguna mas'uuliyadooda qaataan si dalka iyo dadka Soomaaliyeed loo samata-bixiyo.

"Odayaasha wax badan ayay yiraahdeen hoggaanka dalka wuxuu gacanta u galay kooxaha hubeysan, laakiin maanta waa doorkoodii oo iyaga ayuu masiirka dalka gacanta ugu jiraa ee waa inaysan baylihin," ayuu yiri murashaxa.

Ugu dambeyn, murashaxu wuxuu sheegay in loo sinnaado dhaqaalaha dalka marka doorasho ay timaaddo, sidoo kalena wuxuu ku baaqay in warbaahinta loo sinnaado si murashax walba uu xaqiisa ku helo.

Maanta ayaa waxaa u buuxsamaysa Dr. C/raxmaan Baadiyoow bil tan iyo markii uu dhawaaqay inuu yahay murashax u taagan xilka madaxnimo ee Soomaaliya, iyadoo hadalkiisa uu imaanayo xilli ay murashaxiinta kale ku baaqayaan in loo sinnaado dhaqaalaha iyo warbaahinta dalka inta lagu jiro ololaha doorashada.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/5/2012 12:37 PM EST
Khamiis, July, 5 2012 (HOL)- Maktabada wareegta oo qayb ka ah carwada caalamiga ah ee buugaagta Hargeysa oo maalmaha soo socda lagu qaban doono magaaladda Hargeysa, ayaa safar ku tagay magaalada Boorama ee gobolka Awdal, waxaana soo dhoweyey ardayda jaamacadaha Boorame iyo Naadiga Akhriska gobolka Awdal ee Maskax-maal.

7/5/2012 8:34 AM EST
Khamiis, July 05, 2012 (HOL) — Hay'adaha Save the Children ayaa warbixin ay soo saartay maanta oo khamiis ah ku sheegtay in boqolaal kun oo Soomaali ay khatar ugu jiraan cunno yaraan ba'an oo Soomaaliya ku wajahan, kaddib markii ay yaraadeen roobabkii sannadkan di'i lahaa.

7/5/2012 8:16 AM EST
Khamiis, July 05, 2012 (HOL) — Wafdi uu horkacayay guddoomiyaha hay'adda CCD, Ciise Axmed Cumar oo ay ka mid ahaayeen fannaaniinta kooxda Qayla-dhaan sida Jooqle Shire Jaamac iyo, Cabdixakiim Ciise Guuleed (Farayare) ayaa maanta si weyn loogu soo dhaweeyay magaalada Muqdisho ee xarunta Soomaaliya.

7/5/2012 8:14 AM EST
Khamiis, July 05, 2012 (HOL) — Guddoomiye ku xigeenkii hore ee xisbiga KULMIYE C/raxmaan C/Qaadir oo jug ka soo gaadhay shirweynihii golaha dhexe ee xisbiga Taladda haya ee KULMIYE oo muddo xaalad caafimaad ku maqnaa dalka Ingiriiska ayaa dalka dib ugu soo laabtay, waxaana duleedka magaaladda Hargeysa kaga hor tagay boqolaal Dadweyne iyo gaadiid faro badan oo ku soo dhoweeyey magaaladdda Hargeysa.

7/5/2012 7:28 AM EST
Khamiis, July 05, 2012 (HOL) — Jen. Cali Caraaye Cosoble (Gacma-duulle) oo ka mid ah saraakiisha milateriga Soomaaliya ayaa sheegay in 3,000 oo dhallihyaro ah lagu qabtay howgallo ay ciidamada dowladda KMG ah ka sameeyeen Muqdisho, iyadoo 235 ka mid ah la sheegay in la ogaaday inay xiriir la leeyihiin Al-shabaab.

7/5/2012 6:52 AM EST
Khamiis, July 05, 2012 (HOL) — Wafdigan oo ka socda Hay'adda NRC islamarkaasina ay wehlinayeen wufuud ka socota dowladda Kenya ayaa magaalada Dhoobley kulan kula qaatay saraakiisha ciidamada dowladda KMG iyo kuwa ururka Raaskaambooni ee ka dagaalama gobollada Jubooyinka.

7/5/2012 4:02 AM EST
Khamiis, July 05, 2012 (HOL) — Madaxweynaha Soomaaliya, Sheekh Shariif Sheekh Axmed ayaa booqday xarunta shirkad lacago u daabacaysa Soomaaliya oo ku taalla dalka Suudaan, isagoo kulan la qaatay madaxa shirkaddaas daabacaadda sameysa.

7/5/2012 3:59 AM EST
Khamiis, July 05, 2012 (HOL) — Ciidamada dowladda KMG ah ayaa saakay howgallo ka billaabay degmooyin ka tirsan Muqdisho iyo deegaanka Ceelasha Biyaha oo ka mid ah deegaannada ku yaalla inta u dhexeysa Muqdisho iyo Afgooye.

7/5/2012 3:59 AM EST
Khamiis, July 05, 2012 (HOL) — Hal qof oo la sheegay inuu ahaa ruuxii aasayay ayaa ku dhintay miino xalay ka qaraxday degmada Yaaqshiid ee gobolka Banaadir, iyadoo maamulka degmadaas uu sheegay inaysan jirin cid kale oo waxyeello kasoo gaartay qaraxaas.