5/18/2022
Today from Hiiraan Online:  _
Wararka Maanta- Khamiis, July 5 , 2012
Howlgallo ay Ciidamada Dowladda KMG ka sameeyeen Magaalada Muqdisho oo lagu soo qab-qabtay Kumannaan Dhallinyaro ah
Khamiis, July 05, 2012 (HOL) — Jen. Cali Caraaye Cosoble (Gacma-duulle) oo ka mid ah saraakiisha milateriga Soomaaliya ayaa sheegay in 3,000 oo dhallihyaro ah lagu qabtay howgallo ay ciidamada dowladda KMG ah ka sameeyeen Muqdisho, iyadoo 235 ka mid ah la sheegay in la ogaaday inay xiriir la leeyihiin Al-shabaab.

Jen. Gacma-duulle ayaa sheegay in howgalladan ay ahaayeen kuwo laga sameeyay degmooyin si gaar ah loogu tuhmayay inay ku sugan yihiin xubno Al-shabaab ka tirsan isagoo xusay in dad badan oo lagu waayay inay xiriir la leeyihiin Al-shabaab lasii daayay.

"Dadka howgallada lagu qabtay waxay gaarayaan 3,000 oo qof, waxaana lagu helay inay xiriir la leeyihiin Al-shabaab 235 ka mid ah, sharciga ayaana la horgeyn doonnaa," ayuu yiri Jen. Gacma-duulle oo u warrramayay BBC-da.

Jeneraalka oo la weydiiyay sababta howgalladan loo sameeyay ayaa sheegay inay yihiin kuwo lagu sifeynayo Muqdisho, wuxuuna xusay in sidoo kale howgalladan lagu raadinayo dadka hubeysan ee dhibaatooyin isugu jira dilka iyo dhaca u geysta shacabka ku nool Muqdisho.

"Dad kale oo iskood u labistay oo hubeysan ayaa lagu qabtay howgalka, waxaana loo gudbin doonnaa maxkamadda, howgalladuna way socon doonaan inta amaanka Muqdisho laga xaqiijinayo," ayuu yiri jeneraalka oo sheegay in howgalladan ay si wadajir ah u sameynayaan ciidamada booliiska, kuwa nabadsugidda iyo milateriga.

Howgalladan oo xooggooda maanta la sameeyay ayaa waxaa laga sameeyay dhowr degmo oo ay ka mid yihiin: Huriwaa, Yaaqshiid, Dayniile iyo Wardhiigley kuwaasoo ay ka dhacayeen maalmihii ugu dambeeyay iska horimaadyo qaraxyo.

Ugu dambeyn, goobjoogayaal ayaa sheegay in garaashyo ku yaalla degmooyinka laga sameeyay howgallada la isugu geeyay dad aad u fara badan, kuwaasoo qaar ka mid ah laga soo qabtay goobo ganacsi oo ay ku sugnaayeen.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/5/2012 12:37 PM EST
Khamiis, July, 5 2012 (HOL)- Maktabada wareegta oo qayb ka ah carwada caalamiga ah ee buugaagta Hargeysa oo maalmaha soo socda lagu qaban doono magaaladda Hargeysa, ayaa safar ku tagay magaalada Boorama ee gobolka Awdal, waxaana soo dhoweyey ardayda jaamacadaha Boorame iyo Naadiga Akhriska gobolka Awdal ee Maskax-maal.

7/5/2012 8:34 AM EST
Khamiis, July 05, 2012 (HOL) — Hay'adaha Save the Children ayaa warbixin ay soo saartay maanta oo khamiis ah ku sheegtay in boqolaal kun oo Soomaali ay khatar ugu jiraan cunno yaraan ba'an oo Soomaaliya ku wajahan, kaddib markii ay yaraadeen roobabkii sannadkan di'i lahaa.

7/5/2012 8:17 AM EST
Khamiis, July 05, 2012 (HOL) — Dr. C/raxmaan Macallin Cabdullaahi (Baadiyoow) oo ka mid ah murashaxiinta u taagan xilka madaxnimo ee Soomaaliya oo Muqdisho dib ugu soo laabtay ayaa soo jeediyay in loo diyaar-garoobo tartan doorasho oo xalaal ah, xilli uu warbaahinta kula hadlayay garoonka diyaaradaha Muqdisho.

7/5/2012 8:16 AM EST
Khamiis, July 05, 2012 (HOL) — Wafdi uu horkacayay guddoomiyaha hay'adda CCD, Ciise Axmed Cumar oo ay ka mid ahaayeen fannaaniinta kooxda Qayla-dhaan sida Jooqle Shire Jaamac iyo, Cabdixakiim Ciise Guuleed (Farayare) ayaa maanta si weyn loogu soo dhaweeyay magaalada Muqdisho ee xarunta Soomaaliya.

7/5/2012 8:14 AM EST
Khamiis, July 05, 2012 (HOL) — Guddoomiye ku xigeenkii hore ee xisbiga KULMIYE C/raxmaan C/Qaadir oo jug ka soo gaadhay shirweynihii golaha dhexe ee xisbiga Taladda haya ee KULMIYE oo muddo xaalad caafimaad ku maqnaa dalka Ingiriiska ayaa dalka dib ugu soo laabtay, waxaana duleedka magaaladda Hargeysa kaga hor tagay boqolaal Dadweyne iyo gaadiid faro badan oo ku soo dhoweeyey magaaladdda Hargeysa.

7/5/2012 6:52 AM EST
Khamiis, July 05, 2012 (HOL) — Wafdigan oo ka socda Hay'adda NRC islamarkaasina ay wehlinayeen wufuud ka socota dowladda Kenya ayaa magaalada Dhoobley kulan kula qaatay saraakiisha ciidamada dowladda KMG iyo kuwa ururka Raaskaambooni ee ka dagaalama gobollada Jubooyinka.

7/5/2012 4:02 AM EST
Khamiis, July 05, 2012 (HOL) — Madaxweynaha Soomaaliya, Sheekh Shariif Sheekh Axmed ayaa booqday xarunta shirkad lacago u daabacaysa Soomaaliya oo ku taalla dalka Suudaan, isagoo kulan la qaatay madaxa shirkaddaas daabacaadda sameysa.

7/5/2012 3:59 AM EST
Khamiis, July 05, 2012 (HOL) — Ciidamada dowladda KMG ah ayaa saakay howgallo ka billaabay degmooyin ka tirsan Muqdisho iyo deegaanka Ceelasha Biyaha oo ka mid ah deegaannada ku yaalla inta u dhexeysa Muqdisho iyo Afgooye.

7/5/2012 3:59 AM EST
Khamiis, July 05, 2012 (HOL) — Hal qof oo la sheegay inuu ahaa ruuxii aasayay ayaa ku dhintay miino xalay ka qaraxday degmada Yaaqshiid ee gobolka Banaadir, iyadoo maamulka degmadaas uu sheegay inaysan jirin cid kale oo waxyeello kasoo gaartay qaraxaas.