6/24/2021
Today from Hiiraan Online:  _
Wararka Maanta- Talaado, July 24, 2012
Qoysas danta yar ee ku nool Magaalada Baladweyne oo mar kale codsanaya in la soo kaalmeeyo bishan Ramadaan


Talaado, July 24, 2012 (HOL) — Xilli lagu guda jiro bisha barakeysan ee Ramadaan ayaa waxaa jira cabasho ay jeedinayaan dadka danyarta ee ku jira xeryahay barakacayaasha magaalada Baladweyne ee xarunta gobolka Hiiraan.

Dadkan oo u badan qoysas ka kooban, haween, caruur, iyo dad weyneel ah waxaa ay ku nool yihiin xeryo ay ka dhax sameyteen guryo cooshado ah oo leysku kab-kabay, waxaana ay sheegeen in ay la soo daristay xaalad nolaleed oo aad u dhibadan.

Gaar ahaan waxaa ay ku baqaayaan in la soo kaalmeeyo inta lagu guda jiro bishan barakeysan ee Ramadaan, madaama ay u baahan yihiin sida ay sheegeen wax ay ku afuraan mudada 30ka, casho ah oo ay Sooman yihiin.

"Marar badan sidan oo kale codsiyo waan jeedinay, laakiin cid nooga soo jawaabtay malaha, hadda waxaa noogu darran Ramadaanka, waayo dad Muslimiin ah ayeeynu nahay, waxaan u baahannahay wax aynu ku afurno ama ku saxuurano, waayo haddii aynaan helin intaa weyn nagu adkaa doontaa in aan gudana waajibaadka naga saaran bisha," ayeey tiri Xaliimo Muuse oo ka mid ah dadka ka cabanaya xaaladaha nolaleed ee la soo darrsay.

Maamlka gobollka Hiiraan, hay’addaha samafalka, iyo ganacsatada intaba ayeey ka codsadeen in il naxiis leh lagu soo eego waqtigan adag oo ay ku soo gashay bisha Ramadaan.

Cabashadan ay wali jeedinayaan qoysaska ku jira xeryaha barakacayaasha ee ka dhisan magaalada Baladweyne ayaa timid xili guddoomiyaha degmada Baladweyne Xusseen Ibraahim Cabdi (Gurey) dhawaan ugu baaqay hay’addaha samafalka in ay si sharuud la’aan ah u gargaar dadka dhibaateysan.

Dhinaca kalana waxaad moodaa in uu hakad ku yimid gargaar maalmihii ugu danbeeyayba ay ka waday qeybo ka mid ah magaalada Baladweyne hay’adda ICRC oo la oran karo waxaa la joogaan waqtigii ay dadku uga baahida badnaayeen.

C/raxmaan Diini, Hiiraan Online
[email protected]
Baladweyne, Soomaaliya











Click here
7/24/2012 5:48 PM EST
Talaado, July 24, 2012(HOL): Magaala madaxda Puntland ee Garoowe waxaa gelinkii danbe ee maanta soo gaarey wefdi ka socda dowladda Federaalka ah ee Soomaaliya. Wefdigan oo ka kooban dhowr xubnood waxaa hor kacayey ra'iisul wasaare ku xigeenka, ahna wasiirka ganacsiga iyo wershedaha Cabdiwahaab Ugaas Xuseen.

7/24/2012 9:03 AM EST
Talaado, July 24, 2012 (HOL) — Wasiirka arrimaha gudaha iyo ammaanka Qaranka dowladda KMG ah ee Soomaaliya ayaa sheegay in la adkeyn doono ammaanka guud ee Muqdisho inta ay socdaan shirarka lagu soo xulayo xildhibaannada iyo midka lagu ansixinayo dastuurka oo berri furmi doona.

7/24/2012 9:02 AM EST
Talaado, July 24, 2012 (HOL) — Guddoomiyaha majmaca culummada Soomaaliyeed, Sheekh Axmed Cabdi Dhicisoow ayaa maanta sheegay inay abaabulayaan dibad-bax looga soo horjeedo dastuurka oo uu ku tilmaamay mu'aamarad loo maleegayo dadka Soomaaliyeed.

7/24/2012 8:26 AM EST
Talaado, July 24, 2012 (HOL) — Maareeyaha dekedda Muqdisho, Sayid Cali Macallin Cabdulle oo sheegay inuu xilka wareejinayo ayaa ka sheekeeyay waxqabadkiisii intii uu ahaa maareeyaha dekedda weyn ee Muqdisho oo ah halka uu dakhliga ugu badan kasoo galo dowladda KMG ah Soomaaliya.

7/24/2012 7:18 AM EST
Talaado, July 24, 2012 (HOL) — Qarax khasaare geystay ayaa ciidammo ka tirsan kuwa dowladda KMG ah lagula eegtay maanta oo Talaado ah degmada Balcad ee gobolka Shabeellada dhexe oo 30-km waqooyi kaga beegan Muqdisho, halkaasoo ay ciidamada dowladda iyo kuwa AMISOM kala wareegeen Al-shabaab dhammaadkii bishii hore.

7/24/2012 4:56 AM EST
Talaado, July 24, 2012 (HOL) — Madaxweynaha dowladda KMG ee Musuq-maasuqa ku eedeysan, Sheekh Shariif Sheekh Axmed ayaa shalay oo Isniin ahayd sheegay inuu rajo weyn ka qabo in mar kale loosoo doorto xilka madaxnimo ee Soomaaliya, iyadoo xilligiisa shaqo uu ku eg-yahay bisha oo socota ee Ogoosto.

7/24/2012 4:41 AM EST
Talaado, July 24, 2012 (HOL) — Ururka Islaax ayaa soo saaray maanta bayaan uu kaga jawaabayay hadal uu ku sheegay Sheekh Maxamed Axmed Nuur (Garyare) inuu xilka uga qaaday guddoomiyaha ururkaas iyo xubno kale oo uu ku eedeeyay in waddadii ay ka weeciyeen howlaha ururka.

7/24/2012 4:03 AM EST
Talaado, July 24, 2012 (HOL) — Ugu yaraan saddex qof ayaa ku dhintay dagaal u dhexeeyay ciidamada dowladda KMG iyo kuwa Ahlusunna dhinac ah iyo xoogagga Al-shabaab oo xalay ka dhacay gobolka Gedo.

7/24/2012 3:47 AM EST
Talaado, July 24, 2012 (HOL) — Afhayeenka ciidamada AMISOM Col. Cali Aadan Xaamud oo saxaafadda la hadlay ayaa sheegay inay diyaariyeen ciidammo ilaaliya goobta uu ka dhacayo shirka lagu ansixinayo dastuurka, sidoo kalena ay ilaalin doonaan goobaha kale ee shirarka lagu qabanayo.

7/24/2012 3:41 AM EST
Talaado, July 24, 2012 (HOL) — Hogaamiyaha SSC Dr: Saleebaan Ciise Axmed (Xaglo Toosiye), ayaa shalay si weyn loogu soo dhoweeyey magaaladda Buuhoodle, waxaana halkaasi kaga hor yimid ciidamada SSC oo tiknikadoodda ku gaashaaman iyo dadweyne aad u farobadan.

7/24/2012 3:34 AM EST
Talaado, July 24, 2012 (HOL) — Xaalado nolol xumo oo aad u liito ayaa laga soo sheegayaa deegaanada galbeed ee gobolka Jubada Hoose halkaasoo ay ku nool yihiin qoysas danyar oo ay saameeyeen coolaadaha ka jira Jubooyinka iyo weliba abaarihii ku dhuftay gobolka.

7/24/2012 3:30 AM EST
Talaado, July 24, 2012 (HOL) — Xarakadda Al- Islaax ayaa shir ay ku yeesheen magaalada Hargeysa ee Somaliland xilkii ugu qaaday xubno ka tirsanaa Xarrkada oo ay ku eedeeyeen inay mas'uul ka ahaayeen tafaraaruqa ku yimid xarakadooda.