6/13/2021
Today from Hiiraan Online:  _
Wararka Maanta- Talaado, July 24, 2012
AMISOM oo sheegtay inay diyaarisay ciidammo sugaya amniga goobta uu ka dhacayo Shirka Ansixinta Dastuurka


Talaado, July 24, 2012 (HOL) — Afhayeenka ciidamada AMISOM Col. Cali Aadan Xaamud oo saxaafadda la hadlay ayaa sheegay inay diyaariyeen ciidammo ilaaliya goobta uu ka dhacayo shirka lagu ansixinayo dastuurka, sidoo kalena ay ilaalin doonaan goobaha kale ee shirarka lagu qabanayo.

Col. Xaamud ayaa sheegay in ciidamada ay ugu talogaleen inay sugaan ammaanka goobahaas ay diyaariyeen, isagoo xusay in tani ay qayb ka tahay howgallada ay AMISOM ka qaybanayso Soomaaliya.

"Waxaan diyaarinnay ciidammo ilaaliya goobaha lagu shirayo, sidoo kalena waxaan diyaarinnay ciidammo aan muuqan oo la socon doona dhaqdhaqaaqyada goobaha ay shirarku ka dhacayaan," ayuu yiri Col. Xaamud.

Sidoo kale, afhayeenku wuxuu sheegay in ciidamadooda ay baaris ku sameynayaan cid walba oo galaysa goobta shirka iyo cid walba oo ka baxaysa, balse ma uusan in howshooda ay soconayso tan iyo inta laga dooranayo madaxweyne cusub iyo in kale.

Berri oo Arbaco ah ayaa lagu wadaa inuu Muqdisho ka furmo shirka lagu ansixinayo dastuurka qabyada ah ee Soomaaliya, waxaana shirkaas isugu imaanaya 825 ergay oo laga soo xulay qaybaha kala duwan ee blushada.

Toddobadyada xiga ayaa lagu wadaa in sidoo kale uu dhaco shir lagu soo xulayo xildhibaannada cusub ee baarlamaanka, kuwaasoo tiradooda laga dhigay 275 xubnood isla markaana bedeli doona kuwa hadda shaqeeya oo 550-xubnood ah.

Ciidamada AMISOM ee ku sugan Soomaaliya oo tiradoodu tahay 17,000 askari ayaa waxay ka socdaan dalalka, Jabuuti, Uganda, Burundi iyo Kenya, waxaana la filayaa in ciidammo ka socda Sierra Leone ay kusoo biiraan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/24/2012 5:48 PM EST
Talaado, July 24, 2012(HOL): Magaala madaxda Puntland ee Garoowe waxaa gelinkii danbe ee maanta soo gaarey wefdi ka socda dowladda Federaalka ah ee Soomaaliya. Wefdigan oo ka kooban dhowr xubnood waxaa hor kacayey ra'iisul wasaare ku xigeenka, ahna wasiirka ganacsiga iyo wershedaha Cabdiwahaab Ugaas Xuseen.

7/24/2012 9:03 AM EST
Talaado, July 24, 2012 (HOL) — Wasiirka arrimaha gudaha iyo ammaanka Qaranka dowladda KMG ah ee Soomaaliya ayaa sheegay in la adkeyn doono ammaanka guud ee Muqdisho inta ay socdaan shirarka lagu soo xulayo xildhibaannada iyo midka lagu ansixinayo dastuurka oo berri furmi doona.

7/24/2012 9:02 AM EST
Talaado, July 24, 2012 (HOL) — Guddoomiyaha majmaca culummada Soomaaliyeed, Sheekh Axmed Cabdi Dhicisoow ayaa maanta sheegay inay abaabulayaan dibad-bax looga soo horjeedo dastuurka oo uu ku tilmaamay mu'aamarad loo maleegayo dadka Soomaaliyeed.

7/24/2012 8:26 AM EST
Talaado, July 24, 2012 (HOL) — Maareeyaha dekedda Muqdisho, Sayid Cali Macallin Cabdulle oo sheegay inuu xilka wareejinayo ayaa ka sheekeeyay waxqabadkiisii intii uu ahaa maareeyaha dekedda weyn ee Muqdisho oo ah halka uu dakhliga ugu badan kasoo galo dowladda KMG ah Soomaaliya.

7/24/2012 7:18 AM EST
Talaado, July 24, 2012 (HOL) — Qarax khasaare geystay ayaa ciidammo ka tirsan kuwa dowladda KMG ah lagula eegtay maanta oo Talaado ah degmada Balcad ee gobolka Shabeellada dhexe oo 30-km waqooyi kaga beegan Muqdisho, halkaasoo ay ciidamada dowladda iyo kuwa AMISOM kala wareegeen Al-shabaab dhammaadkii bishii hore.

7/24/2012 6:55 AM EST
Talaado, July 24, 2012 (HOL) — Xilli lagu guda jiro bisha barakeysan ee Ramadaan ayaa waxaa jira cabasho ay jeedinayaan dadka danyarta ee ku jira xeryahay barakacayaasha magaalada Baladweyne ee xarunta gobolka Hiiraan.

7/24/2012 4:56 AM EST
Talaado, July 24, 2012 (HOL) — Madaxweynaha dowladda KMG ee Musuq-maasuqa ku eedeysan, Sheekh Shariif Sheekh Axmed ayaa shalay oo Isniin ahayd sheegay inuu rajo weyn ka qabo in mar kale loosoo doorto xilka madaxnimo ee Soomaaliya, iyadoo xilligiisa shaqo uu ku eg-yahay bisha oo socota ee Ogoosto.

7/24/2012 4:41 AM EST
Talaado, July 24, 2012 (HOL) — Ururka Islaax ayaa soo saaray maanta bayaan uu kaga jawaabayay hadal uu ku sheegay Sheekh Maxamed Axmed Nuur (Garyare) inuu xilka uga qaaday guddoomiyaha ururkaas iyo xubno kale oo uu ku eedeeyay in waddadii ay ka weeciyeen howlaha ururka.

7/24/2012 4:03 AM EST
Talaado, July 24, 2012 (HOL) — Ugu yaraan saddex qof ayaa ku dhintay dagaal u dhexeeyay ciidamada dowladda KMG iyo kuwa Ahlusunna dhinac ah iyo xoogagga Al-shabaab oo xalay ka dhacay gobolka Gedo.

7/24/2012 3:41 AM EST
Talaado, July 24, 2012 (HOL) — Hogaamiyaha SSC Dr: Saleebaan Ciise Axmed (Xaglo Toosiye), ayaa shalay si weyn loogu soo dhoweeyey magaaladda Buuhoodle, waxaana halkaasi kaga hor yimid ciidamada SSC oo tiknikadoodda ku gaashaaman iyo dadweyne aad u farobadan.

7/24/2012 3:34 AM EST
Talaado, July 24, 2012 (HOL) — Xaalado nolol xumo oo aad u liito ayaa laga soo sheegayaa deegaanada galbeed ee gobolka Jubada Hoose halkaasoo ay ku nool yihiin qoysas danyar oo ay saameeyeen coolaadaha ka jira Jubooyinka iyo weliba abaarihii ku dhuftay gobolka.

7/24/2012 3:30 AM EST
Talaado, July 24, 2012 (HOL) — Xarakadda Al- Islaax ayaa shir ay ku yeesheen magaalada Hargeysa ee Somaliland xilkii ugu qaaday xubno ka tirsanaa Xarrkada oo ay ku eedeeyeen inay mas'uul ka ahaayeen tafaraaruqa ku yimid xarakadooda.