6/13/2021
Today from Hiiraan Online:  _
Wararka Maanta- Talaado, July 24, 2012
Hoggaamiyaha SSC oo sheegay in loo baahan yahay Nabadda iyo Madaxweynayaasha Khaatumo oo xilkii la kala wareegay


Talaado, July 24, 2012 (HOL) — Hogaamiyaha SSC Dr: Saleebaan Ciise Axmed (Xaglo Toosiye), ayaa shalay si weyn loogu soo dhoweeyey magaaladda Buuhoodle, waxaana halkaasi kaga hor yimid ciidamada SSC oo tiknikadoodda ku gaashaaman iyo dadweyne aad u farobadan.

Guddoomiyaha Xaglo Toosiye ayaa sheegay in wada hadalkii dhexmaray madaxweynaha Somaliland iyo isaga uu ku qotomay sidii deegaanadan nabad loogu soo dabaali lahaa, oo qolaba dhankoodda nabad u qaadan lahayd, waxaanu sheegay in xabadi xal ahayn ee uu aaminsan yahay in wax kasta lagu dhameeyo nabad, maadaama oo cid waliba aragtay dhibaatadda colaaddu leedahay.

"waxaan u mahad celinayaa shacabka reer Buuhoodle ee sida sharafta leh ee tolnimada leh noogu soo dhoweeyey magaaladda Buuhoodle"ayuu yidhi Saleebaan Xaglo Toosiye oo meel fagaare ah kala hadlayey dadweynaha reer Buuhoodle.

Mar uu ka hadlayey kulankii dhex maray isaga iyo madaxweyne Somaliland waxa uu yidhi "waxaanu ka wada hadalnay danta iyo nabadgalyadda sidii aanu uga wada shaqayn lahayn, nabaddu waa muqadas waana waajib, xabaduna xal maaha, in nabad lagu wada noolaado cid walba dan baa ugu jirta", waxaanu intaas ku daray " in ciidamadda la kala qaado, dadka isku deegaanka ah ee aan kala maarmi Karin wixii jira la dhameeyo oo la nabadeeyo, wixii maxaabiista ah ee la kala haystana la isku celiyo, dadkani waa soomaali meelna kala tagi maayaan, waana dad wada dhashay oo isku deegaan ah qolo waliba helaan nabad lagu noolaado" ayuu yidhi hogaamiyaha SSC Xaglo Toosiye.

"cid walibana way ka daashay xabaduna xal maaha, waxa jira dad faro badan oo nabadda diidan, colaadana wax ku tarin, kuwaas waxa aanu leenahay waxba la idinka weydiin maayo, reer Buuhoodle ayey nabadu ka go’daa, wax allayaale wixii xal ah ee nabad lagu helayana waanu soo dhoweynaynaa"ayuu yidhi mar uu ka hadlayey muhiimadda Nabaddu leedahay.

Bishan horaanteeddii ayey madaxweynaha Somaliland iyo Hogaamiyaha SSC Saleebaan Ciise Xaglo Toosiye ku kulmeen wadanka Imaaraadka Carabta, gaar ahaan magaaladda Dubai, kuwaas oo ka wada hadlay sidii deegaanadaasi nabad looga dhalin lahaa, isla markaana dib u dhaca ragaadiyey wax looga qaban lahaa, la iskana kaashan lahaa horumarinta deegaanadaasi.

Dhinaca kale, waxa munaasibad balaadhan oo ka dhacday magaaladda Taleex xilkii madaxweyneha maamulka Khaatumo la wareegay Md:Maxamed Yuusuf Jaamac (Indho Shabeel), waxaana xilkaasi ku wareejiyey madaxweynihii muddada xilkaasi hayey Md:Axmed Cilmi Cismaan (Axmed Karaash).

Xilka madaxweynenimo ee maamulka Khaatumo ayaa ah mid meerto ah oo lixdii biloodbna madaxweyne kale oo sugge ahi xilkaasi la wareego, waxaana shirkii Taleex ka dhacay lagu ansixiyey saddax madaxweyne oo maamulku yeesho oo marka uu muddo madaxweyne waddo ka kale ku wareejiyo.

Madaxweynihii hore ee xilka wareejinayey Axmed Karaash iyo golihiisii wasiiradda ayaa ka warbixiyey mudadii ay xilka hayeen waxyaalihi ay qabteen, waxayna madxweynaha cusub u balanqaadeen inay la shaqayn doonaan.

Madaxweynaha cusub Md: Maxamed Yuusuf (Indho Shabeel), ayaa isna sheegay inuu halkaasi ka sii amba qaadi doono, mudadaasi uu xilka hayana waxqabadyo ku soo kordhin doono.

Barkhad-Ladiif M. Cumar, Hiiraan Online
[email protected]
Hargeysa, Somaliland












Click here
7/24/2012 5:48 PM EST
Talaado, July 24, 2012(HOL): Magaala madaxda Puntland ee Garoowe waxaa gelinkii danbe ee maanta soo gaarey wefdi ka socda dowladda Federaalka ah ee Soomaaliya. Wefdigan oo ka kooban dhowr xubnood waxaa hor kacayey ra'iisul wasaare ku xigeenka, ahna wasiirka ganacsiga iyo wershedaha Cabdiwahaab Ugaas Xuseen.

7/24/2012 9:03 AM EST
Talaado, July 24, 2012 (HOL) — Wasiirka arrimaha gudaha iyo ammaanka Qaranka dowladda KMG ah ee Soomaaliya ayaa sheegay in la adkeyn doono ammaanka guud ee Muqdisho inta ay socdaan shirarka lagu soo xulayo xildhibaannada iyo midka lagu ansixinayo dastuurka oo berri furmi doona.

7/24/2012 9:02 AM EST
Talaado, July 24, 2012 (HOL) — Guddoomiyaha majmaca culummada Soomaaliyeed, Sheekh Axmed Cabdi Dhicisoow ayaa maanta sheegay inay abaabulayaan dibad-bax looga soo horjeedo dastuurka oo uu ku tilmaamay mu'aamarad loo maleegayo dadka Soomaaliyeed.

7/24/2012 8:26 AM EST
Talaado, July 24, 2012 (HOL) — Maareeyaha dekedda Muqdisho, Sayid Cali Macallin Cabdulle oo sheegay inuu xilka wareejinayo ayaa ka sheekeeyay waxqabadkiisii intii uu ahaa maareeyaha dekedda weyn ee Muqdisho oo ah halka uu dakhliga ugu badan kasoo galo dowladda KMG ah Soomaaliya.

7/24/2012 7:18 AM EST
Talaado, July 24, 2012 (HOL) — Qarax khasaare geystay ayaa ciidammo ka tirsan kuwa dowladda KMG ah lagula eegtay maanta oo Talaado ah degmada Balcad ee gobolka Shabeellada dhexe oo 30-km waqooyi kaga beegan Muqdisho, halkaasoo ay ciidamada dowladda iyo kuwa AMISOM kala wareegeen Al-shabaab dhammaadkii bishii hore.

7/24/2012 6:55 AM EST
Talaado, July 24, 2012 (HOL) — Xilli lagu guda jiro bisha barakeysan ee Ramadaan ayaa waxaa jira cabasho ay jeedinayaan dadka danyarta ee ku jira xeryahay barakacayaasha magaalada Baladweyne ee xarunta gobolka Hiiraan.

7/24/2012 4:56 AM EST
Talaado, July 24, 2012 (HOL) — Madaxweynaha dowladda KMG ee Musuq-maasuqa ku eedeysan, Sheekh Shariif Sheekh Axmed ayaa shalay oo Isniin ahayd sheegay inuu rajo weyn ka qabo in mar kale loosoo doorto xilka madaxnimo ee Soomaaliya, iyadoo xilligiisa shaqo uu ku eg-yahay bisha oo socota ee Ogoosto.

7/24/2012 4:41 AM EST
Talaado, July 24, 2012 (HOL) — Ururka Islaax ayaa soo saaray maanta bayaan uu kaga jawaabayay hadal uu ku sheegay Sheekh Maxamed Axmed Nuur (Garyare) inuu xilka uga qaaday guddoomiyaha ururkaas iyo xubno kale oo uu ku eedeeyay in waddadii ay ka weeciyeen howlaha ururka.

7/24/2012 4:03 AM EST
Talaado, July 24, 2012 (HOL) — Ugu yaraan saddex qof ayaa ku dhintay dagaal u dhexeeyay ciidamada dowladda KMG iyo kuwa Ahlusunna dhinac ah iyo xoogagga Al-shabaab oo xalay ka dhacay gobolka Gedo.

7/24/2012 3:47 AM EST
Talaado, July 24, 2012 (HOL) — Afhayeenka ciidamada AMISOM Col. Cali Aadan Xaamud oo saxaafadda la hadlay ayaa sheegay inay diyaariyeen ciidammo ilaaliya goobta uu ka dhacayo shirka lagu ansixinayo dastuurka, sidoo kalena ay ilaalin doonaan goobaha kale ee shirarka lagu qabanayo.

7/24/2012 3:34 AM EST
Talaado, July 24, 2012 (HOL) — Xaalado nolol xumo oo aad u liito ayaa laga soo sheegayaa deegaanada galbeed ee gobolka Jubada Hoose halkaasoo ay ku nool yihiin qoysas danyar oo ay saameeyeen coolaadaha ka jira Jubooyinka iyo weliba abaarihii ku dhuftay gobolka.

7/24/2012 3:30 AM EST
Talaado, July 24, 2012 (HOL) — Xarakadda Al- Islaax ayaa shir ay ku yeesheen magaalada Hargeysa ee Somaliland xilkii ugu qaaday xubno ka tirsanaa Xarrkada oo ay ku eedeeyeen inay mas'uul ka ahaayeen tafaraaruqa ku yimid xarakadooda.