6/13/2021
Today from Hiiraan Online:  _
Wararka Maanta- Talaado, July 24, 2012
Xarakada Islaax oo Masuuliyiin ka tirsanaa ka qaatay Xubinimaddii Xarakada


Talaado, July 24, 2012 (HOL) — Xarakadda Al- Islaax  ayaa shir ay ku yeesheen magaalada Hargeysa ee Somaliland xilkii ugu qaaday xubno ka tirsanaa Xarrkada oo ay ku eedeeyeen inay mas'uul ka ahaayeen tafaraaruqa ku yimid xarakadooda.

Xarakadda islaamiga ah ee geeska Afrika ee Islaax oo bahwadaag la ah ururka Ikhwaanu muslimiin ayaa saddex xubnood oo ka mid ah masuuliyiintii ururkoodan xubinimadii iyo masuuliyaddii ay ururkooda ka hayeen ka qaaday, waxaanay ku eedeeyeen inay saddexdaas masuul ahaayeen ragga kala qaybiyey, khilaaf ururkoodda ka jirana masuulka ka ahaa.

Sh. Maxamed Axmed Nuur ( Maxamed Gadhyare) oo ka mid ah aasaasayaashii xarakadan Islaax ee Soomaaliya ayaa ka war bixiyey sababta xubnahan uga saareen xarakadoodda iyo mustaqbalka ururkooda, " asbaabka nin waliba xarakadda maamulkeedda looga fogeeyey way cadahay, haddii aan u horaysiiyo Dr: Cali Baashe maamulkii xarakadda ee uu hayey oo loogu tallogalay waxyaalo xarakadda hayey inuu talaabo ka qaaddo oo uu isku soo jiid jiido, wuu ku fashilay waxaanu noqday cunsur isaga laftiisa kala fogeynta, tafaraaruqa iyo mushaakilka ka qaybgalla, inta xarakadda uu dhex dhexaad ka ahaan lahaa uu kooxda xarakaddu wax ka sheeganayso ee xarakadda af duubtay ayuu calanka u qaaday,marka waajibkiisii wuu ku fashilmay, wax alla wixii qaraar ahaa ee xarakaddu rabtay sidii loogu tallogalay in loo fuliyeyna wuu ka cago taagay oo wuu ka meermeeray".

Waxaanu intaas ku daray " Dr: Cali Sh. Axmed isaga tuhunadiisu intaas way ka sii weyn tahay oo waxa cad in lagu tuhmayo inuu calaaqaad la leeyahay jihooyin kale oo xidhiidh sira oo aanay xarkaadu ka war qabin isaga iyo inyar oo ka war qaba mooyee"ayuu yidhi isagoo wax faahfaahin ah bixin tuhunaddu waxay yihiin, waxayse uu ku koobay inay xarakadda ku kooban tahay oo khatar galisay.

"Mustafe Cabdilaahi Cali waxa uu wakiil ka yahay koonfurta Somalia, meesha mashaakilka ugu badan ee xarakadu ka burburtay, ee khilaafaadku ka dhaceen oo xarakaddii qaybo ka mid ah laga saaray, qaarna iska cararayn, ayuu ka masuul yahay, dhibaatada waxay tahay habka uu xarakadda u maamulo, ninkaasi xarakadda fidmo ayuu kula jiray, wixii mushaakil ah ee xarakadda ka dhex dhacay gacanta fulisaa isaga weeyi"ayuu ku eedeeyey masuulka saddexaad ee ay xilka ka qaadeen.

"waxaan aad iyo aad uga xumahay oo ummadda soomaaliyeed u sheegayaa in xarakadii islaax ay arrintani murkacasho tahay ee aanay jab ahayn, wax weyn maaha oo faras waliba marbuu kufaa oo uu kacaa, inaan maanta khilaaf ka hadalno oo qaybo ka mid ah ka erino aad baan uga xunahay, laakiin waxa la yidhi mararka qaarkood waxaanad jecleyn baa laguugu kalifaa, khilaafna sidiisa ayuunbaanu u fiicnayn, oo ummadda islaamka uma fiicnaa, laakiin bani’aadan baanu nahay" ayuu ku soo xidhay sheikh Maxamed Gadhyare oo ka hadlayey arrimo soo darsay xarakadda Islaax-da Somalia oo warbaahinta la hadlayey.

Sh. Maxamed Axmed Nuur Gadhyare oo ah aasaasihii ururkan Islaax-da Qaybteedda Soomaaliya, ayaa madax looga sii dhigay xarakadda, waxaanu sheegay in shirweyne iskugu iman doonaan dhamaan xubnaha Islaax-da Somalia.

Barkhad-Ladiif M. Cumar, Hiiraan Online

[email protected]

Hargeysa, Somaliland












Click here
7/24/2012 5:48 PM EST
Talaado, July 24, 2012(HOL): Magaala madaxda Puntland ee Garoowe waxaa gelinkii danbe ee maanta soo gaarey wefdi ka socda dowladda Federaalka ah ee Soomaaliya. Wefdigan oo ka kooban dhowr xubnood waxaa hor kacayey ra'iisul wasaare ku xigeenka, ahna wasiirka ganacsiga iyo wershedaha Cabdiwahaab Ugaas Xuseen.

7/24/2012 9:03 AM EST
Talaado, July 24, 2012 (HOL) — Wasiirka arrimaha gudaha iyo ammaanka Qaranka dowladda KMG ah ee Soomaaliya ayaa sheegay in la adkeyn doono ammaanka guud ee Muqdisho inta ay socdaan shirarka lagu soo xulayo xildhibaannada iyo midka lagu ansixinayo dastuurka oo berri furmi doona.

7/24/2012 9:02 AM EST
Talaado, July 24, 2012 (HOL) — Guddoomiyaha majmaca culummada Soomaaliyeed, Sheekh Axmed Cabdi Dhicisoow ayaa maanta sheegay inay abaabulayaan dibad-bax looga soo horjeedo dastuurka oo uu ku tilmaamay mu'aamarad loo maleegayo dadka Soomaaliyeed.

7/24/2012 8:26 AM EST
Talaado, July 24, 2012 (HOL) — Maareeyaha dekedda Muqdisho, Sayid Cali Macallin Cabdulle oo sheegay inuu xilka wareejinayo ayaa ka sheekeeyay waxqabadkiisii intii uu ahaa maareeyaha dekedda weyn ee Muqdisho oo ah halka uu dakhliga ugu badan kasoo galo dowladda KMG ah Soomaaliya.

7/24/2012 7:18 AM EST
Talaado, July 24, 2012 (HOL) — Qarax khasaare geystay ayaa ciidammo ka tirsan kuwa dowladda KMG ah lagula eegtay maanta oo Talaado ah degmada Balcad ee gobolka Shabeellada dhexe oo 30-km waqooyi kaga beegan Muqdisho, halkaasoo ay ciidamada dowladda iyo kuwa AMISOM kala wareegeen Al-shabaab dhammaadkii bishii hore.

7/24/2012 6:55 AM EST
Talaado, July 24, 2012 (HOL) — Xilli lagu guda jiro bisha barakeysan ee Ramadaan ayaa waxaa jira cabasho ay jeedinayaan dadka danyarta ee ku jira xeryahay barakacayaasha magaalada Baladweyne ee xarunta gobolka Hiiraan.

7/24/2012 4:56 AM EST
Talaado, July 24, 2012 (HOL) — Madaxweynaha dowladda KMG ee Musuq-maasuqa ku eedeysan, Sheekh Shariif Sheekh Axmed ayaa shalay oo Isniin ahayd sheegay inuu rajo weyn ka qabo in mar kale loosoo doorto xilka madaxnimo ee Soomaaliya, iyadoo xilligiisa shaqo uu ku eg-yahay bisha oo socota ee Ogoosto.

7/24/2012 4:41 AM EST
Talaado, July 24, 2012 (HOL) — Ururka Islaax ayaa soo saaray maanta bayaan uu kaga jawaabayay hadal uu ku sheegay Sheekh Maxamed Axmed Nuur (Garyare) inuu xilka uga qaaday guddoomiyaha ururkaas iyo xubno kale oo uu ku eedeeyay in waddadii ay ka weeciyeen howlaha ururka.

7/24/2012 4:03 AM EST
Talaado, July 24, 2012 (HOL) — Ugu yaraan saddex qof ayaa ku dhintay dagaal u dhexeeyay ciidamada dowladda KMG iyo kuwa Ahlusunna dhinac ah iyo xoogagga Al-shabaab oo xalay ka dhacay gobolka Gedo.

7/24/2012 3:47 AM EST
Talaado, July 24, 2012 (HOL) — Afhayeenka ciidamada AMISOM Col. Cali Aadan Xaamud oo saxaafadda la hadlay ayaa sheegay inay diyaariyeen ciidammo ilaaliya goobta uu ka dhacayo shirka lagu ansixinayo dastuurka, sidoo kalena ay ilaalin doonaan goobaha kale ee shirarka lagu qabanayo.

7/24/2012 3:41 AM EST
Talaado, July 24, 2012 (HOL) — Hogaamiyaha SSC Dr: Saleebaan Ciise Axmed (Xaglo Toosiye), ayaa shalay si weyn loogu soo dhoweeyey magaaladda Buuhoodle, waxaana halkaasi kaga hor yimid ciidamada SSC oo tiknikadoodda ku gaashaaman iyo dadweyne aad u farobadan.

7/24/2012 3:34 AM EST
Talaado, July 24, 2012 (HOL) — Xaalado nolol xumo oo aad u liito ayaa laga soo sheegayaa deegaanada galbeed ee gobolka Jubada Hoose halkaasoo ay ku nool yihiin qoysas danyar oo ay saameeyeen coolaadaha ka jira Jubooyinka iyo weliba abaarihii ku dhuftay gobolka.