6/22/2021
Today from Hiiraan Online:  _
Wararka Maanta- Isniin, July 23, 2012
Gudoomiyihii hore ee SSC oo maanta Buuhoodle gaarey kadib markii uu mudo Garoowe ku sugnaa


Isniin, July 23, 2012(HOL): Gudoomiyihii hore ee ururka SSC Saleebaan Ciise Axmed (Xagla-toosiye) ayaa maanta waxaa si heer sare ah loogu soo dhoweeyey magaala madaxda gobolka Cayn ee Buuhoodle. Xagla-toosiye oo dhowaan dalka dibadiisa kasoo laabtay wuxuu beryihii u danbeeyey ku sugnaa magaala madaxda Puntland ee Garoowe.

Saleebaan Xaglo intii uu Garoowe ku sugnaa wuxuu la kulmay madaxweynaha Puntland Cabdiraxmaan Maxamed Maxamuud (Faroole) iyo madax kale oo ka tirsan Puntland, wuxuuna maanta markii uu Buuhoodle gaarey ka warbixiyey ujeedada socdaalka uu Garoowe ku tegey iyo waxyaabaha ay madaxda Puntland ka wada hadleen.

Wuxuuna sheegay in dalku uu dalkiisa yahay, dadkuna ay dadkiisi yihiin sidaas darteedna uu Garoowe u tegey sidii uu dadka walaalaha ah isugu soo dhoweyn lahaa waa sida uu hadalka u dhigaye, isagoo arintaas ka hadlayana wuxuu yiri:

"Madaxdii aan Garoowe kula soo kulmay waxan ka wada hadalnay arimo badan oo ay kamid yihiin: sidii dadka tolka ah la isugu soo dhoweyn lahaa iyo weliba sidii la isugu dhega furnaan lahaa"

Mar uu ka jawaabayey su'aal ay warbaahintu weydiisey oo ahayd waxyaabaha ay isla soo qaadeen madaxweynaha Somaliland oo ay todobaadyo kahor dalka Imaaraatka kulan ku yeesheena waxaa Xagla-toosiye hadladiisii kamid ahaa:

"Shirkii aan la qaatay madaxda Somaliland wuxuu ahaa shir nabadeed, waxan ka wada hadalnay arimo badan oo danta shacabku ay ku jirto, waxanna isku afgaranay in aan ka wada shaqeyno sidii xal nabadeed lagu gaari lahaa"

Saleebaan Ciise Axmed oo siyaasada Puntland kasoo muuqday sanadkii 2009, wuxuu ka mid ahaa musharrixiintii xiligaas u tartamayey jagada madaxweynaha, markii uu doorashada ku guul dareystey kadib wuxuu ka tanaasulay xil uu madaxweyne Faroole usoo magacaabay oo ahaa wasiirka kaluumaysiga isagoo markaasna kadibna ku biiray maamulkii SSC (Sool, Sanaag iyo Cayn).

Maxamed Salaad Xaaji Dirir, Hiiraan Online
[email protected]
Puntland, Somalia












Click here
7/23/2012 9:52 AM EST
Isniin, July 23, 2012 (HOL) — Magaalada Gaalkacayo ee xarunta gobolka Mudug waxaa ka bilaabmay howgal balaaran oo ay ciidamada maamulka Puntland ku raad goobayaan kooxo la sheegay in ay Burcad-badeed yihiin, islamarkaana xiliyada qaar khal khal geliya ammaanka iyo xasiloonida guud ee gobolka.

7/23/2012 8:39 AM EST
Isniin, July 23, 2012 (HOL) — Ergayga xoghayaha guud ee Qaramada Midoobay u qaablisan arrimaha Soomaaliya, danjire Augustine Mahiga ayaa sheegay in tirada xildhibaannada baarlamaanka Soomaaliya oo horay loo go'aamiyay inay noqdaan 225 xubnood laga dhigayo 275-xubnood.

7/23/2012 8:38 AM EST
Isniin, July 23, 2012 (HOL) — Ra'iisul wasaaraha dowladda KMG ah ee Soomaaliya, Cabdiweli Maxamed Cali oo ay wehliyaan xubno ka tirsan golihiisa wasiirrada ayaa maanta ka qaybgalay kulan ay odayaasha dhaqanku ku lahaayeen Muqdisho, isagoo ku boorriyay inay sida ugu dhaqsiyaha badan kusoo xulaan ergooyinka laga sugayo.

7/23/2012 8:35 AM EST
Isniin, July 23, 2012 (HOL) — Xisbiga Mucaaradka ah ee UDUB oo laba garab u kala jabay ayaa shaaciyey wakhtiga ay shirweynahoodda golaha dhexe qabsoomi doonaan.

7/23/2012 7:53 AM EST
Isniin, July 23, 2012 (HOL) — Madaxweynaha dowladda Soomaaliya, Sheekh Shariif Sheekh Axmed oo wareysi siiyay telefishinka ku hadla afka dowladda KMG ah ayaa kaga hadlay arrimo badan oo ay ka mid yihiin wax ka bedelka dastuurka, qorshaha looga baxayo xilliga KMG ah iyo arrimo kale oo ay ka mid yihiin inuu beeniyay inuu ka mid yahay kooxda Aala-Sheekh.

7/23/2012 7:24 AM EST
Isniin, July 23, 2012 (HOL) — Odayaal dhaqameedyo ka qayb-galayay shirka ka socda Muqdisho ayaa sheegay maanta inay isaga baxeen shirkaas, kaddib markii ay ogaadeen inaan talo looga baahnayn, sidoo kalena aysan lahayn awood ay wax ku sixi karaan.

7/23/2012 6:50 AM EST
Isniin, July 23, 2012 (HOL) — Iyadoo lagu wado in bisha Ogoosto ee sannadkan ay ka dhacdo Muqdisho doorashada madaxweynaha cusub ee Soomaaliya, ayaa waxaa xilkaas isku taagnay haweeneydii ugu horreysay oo rajo ka qabta inay Soomaaliya madaxweyne ka noqto.

7/23/2012 6:47 AM EST
Isniin, July 23, 2012 (HOL) — Guddiga wanaag-farista Iyo Xumaan Reebista ayaa bilaabay olole ka dhan ah ma soomayaasha caadaystay inay bisha la sooman yahay aan soomin, kuwaas oo meelo qarsoodi ah cuntooyin loogu sameeyo.

7/23/2012 4:16 AM EST
Isniin, July 23, 2012 (HOL) — Munaasabad afur ah oo ka dhacday hoteelka Capetonian ee ku yaalla xeebta magaalada Cape Town ee Gobolka Western Cape ayaa looga hadlay sidii lagu furi lahaa safaaradda ay ku yeelanayso Soomaaliya dalka Koonfur Afrika.

7/23/2012 3:39 AM EST
Isniin, July 23, 2012 (HOL) — Waxaa markii saddexaad maanta dib u dhac uu ku yimid shirkii ansixint dastuurka qabyada ah ee Soomaaliya, iyadoo dib u dhaca lagu sheegay mid farsamo oo maanta la xallinayo.

7/23/2012 3:34 AM EST
Isniin, July 23, 2012 (HOL) — Xarakada Al-Shabaab ayaa meel fagaare ah Axadii ku dilay saddex ruux oo ka tirsanaa xoogaggeeda, kuwaasoo ay ku eedaysay inay sir-doon u ahaayeen hay’adaha muqaadaraadka dalalka Mareykanka iyo Ingiriiska, sida ay soo warisay wakaalada wararka ee AP.