6/24/2021
Today from Hiiraan Online:  _
Wararka Maanta- Isniin, July 23, 2012
Xisbiga UDUB oo Muddooyinkii u dambeeyey uu khilaaf hareeyay oo sheegay xilliga uu qabsoomi doono Shirweynihii Golahooga Dhexe


Isniin, July 23, 2012 (HOL) — Xisbiga Mucaaradka ah ee UDUB oo laba garab u kala jabay ayaa shaaciyey wakhtiga ay shirweynahoodda golaha dhexe qabsoomi doonaan.

Ku simaha xoghayaha guud ee xisiga UDUB Mr:CabdiXaliim Maxamed Muuse,ayaa sheegay in bisha Agoosto 25 keeddii ee sanadkan uu qabsoomi doono shirweynahoodii golaha dhexe ee xisbiga UDUB ee Somaliland.

“Annagoo raacaya xeerka guud ee xisbiga UDUB Qod. 16.4 xarafka J & X, waxaan anigoo ka wakiil ah guddida fulinta iyo golaha dhexe ku dhawaaqayaa kuna war-galinayaa xubnaha golaha dhexe ee bahweynta ee xisbiga UDUB in la qaban doono shirkii golaha dhexe, kaas oo lagu qaban doono Magaaladda Hargeysa ee caasimada Somaliland 25 August 2012.”ayaa  ku simaha xoghayaha guud ee xisbigaasi ku sheegay war-saxaafadeed ka soo baxay xisbigaasi.

“Sidaasi darteed shirkaasi oo muhiim u ah dhismaha iyo dardargelinta xisbiga UDUB oo in muddo ah uu ka dhex jiray khilaaf dhexdiisa ahi, waxaan ku adkaynaynaa xubnaha golaha dhexe meel kasta oo ay joogaan inay isu diyaariyaan ka qeybgalka shirkaasi”ayaa la raaciyey war-saxaafadeedka ka soo baxay garabka uu hogaaminayo gudoomiyaha xisbigaasi Daahir Rayaale Kaahin.

Xisbiga UDUB ayaa mudooyinkii u dambeeyey khilaaf xoogan oo dhexdooda ka jiray u kala qaybsamay laba garab oo ay kala hogaaminayaan gudoomiyaha xisbiga Daahir Rayaale Kaahin iyo ku xigeenkiisa oo isna garab kale hogaaminaya Axmed Yuusuf Yaasiin, waxaanu khilaafkaasi keenay inuu hawlihii xisbiga uu meesha ka baxay, maadaama oo la galayo Doorashaddii  golaha deegaanka ee Somalilnad, kuwaas oo xisbi waliba soo bandhigayey musharaxiinta uga qaybgali doona doorashooyinkaasi soo socda balse ilaa hadda xisbiga UDUB wax xildhibaano ah oo doorashada uga qaybgalaya ma soo bandhigin, iyadoo ay dalka ka jiraan sagaal urur siyaasadeed oo tartanka ka qaybgali doono oo mid waliba doonayo inuu taageero badan ka helo dadweynaha looguna codaynayo xisbi waliba musharaxa uga qaybgalaya doorashooyinkaasi, laguna kala reebi doono doorashadan soo socota oo ay ka soo hadhi doonaan saddex xisbi oo qudha, halka ay imika yihiin sagaalka urur.

Inkastoo, garabka gudoomiyaha xisbiga UDUB ku dhowaaqeen shirweynihii golaha dhexe oo lagu dardargalinayo xisbiga, balse garabkii kale ilaa hadda kama ay hadal shirweynahaasi, maadaama oo aan wali lagu heshiin xisbiga, haseyeeshee xisbigan oo ah xisbigii hirgaliyey doorashooyinka iyo Dimuqraadiyadda Somaliland ka hirgashay, taariikh badana ku leh dalka ayaa dadweynuhu ka cabsi qabaan inuu meesha ka baxo, haddii uu khilaafkoodii sii socdo oo ka hor inta aan la gaadhin shirweynahan lagu balamay la soo afjarin muranka xisbiga gudihiisa ka jira.

Barkhad-Ladiif M. Cumar, Hiiraan Online
[email protected]
Hargeysa, Somaliland











Click here
7/23/2012 2:21 PM EST
Isniin, July 23, 2012(HOL): Gudoomiyihii hore ee ururka SSC Saleebaan Ciise Axmed (Xagla-toosiye) ayaa maanta waxaa si heer sare ah loogu soo dhoweeyey magaala madaxda gobolka Cayn ee Buuhoodle. Xagla-toosiye oo dhowaan dalka dibadiisa kasoo laabtay wuxuu beryihii u danbeeyey ku sugnaa magaala madaxda Puntland ee Garoowe.

7/23/2012 9:52 AM EST
Isniin, July 23, 2012 (HOL) — Magaalada Gaalkacayo ee xarunta gobolka Mudug waxaa ka bilaabmay howgal balaaran oo ay ciidamada maamulka Puntland ku raad goobayaan kooxo la sheegay in ay Burcad-badeed yihiin, islamarkaana xiliyada qaar khal khal geliya ammaanka iyo xasiloonida guud ee gobolka.

7/23/2012 8:39 AM EST
Isniin, July 23, 2012 (HOL) — Ergayga xoghayaha guud ee Qaramada Midoobay u qaablisan arrimaha Soomaaliya, danjire Augustine Mahiga ayaa sheegay in tirada xildhibaannada baarlamaanka Soomaaliya oo horay loo go'aamiyay inay noqdaan 225 xubnood laga dhigayo 275-xubnood.

7/23/2012 8:38 AM EST
Isniin, July 23, 2012 (HOL) — Ra'iisul wasaaraha dowladda KMG ah ee Soomaaliya, Cabdiweli Maxamed Cali oo ay wehliyaan xubno ka tirsan golihiisa wasiirrada ayaa maanta ka qaybgalay kulan ay odayaasha dhaqanku ku lahaayeen Muqdisho, isagoo ku boorriyay inay sida ugu dhaqsiyaha badan kusoo xulaan ergooyinka laga sugayo.

7/23/2012 7:53 AM EST
Isniin, July 23, 2012 (HOL) — Madaxweynaha dowladda Soomaaliya, Sheekh Shariif Sheekh Axmed oo wareysi siiyay telefishinka ku hadla afka dowladda KMG ah ayaa kaga hadlay arrimo badan oo ay ka mid yihiin wax ka bedelka dastuurka, qorshaha looga baxayo xilliga KMG ah iyo arrimo kale oo ay ka mid yihiin inuu beeniyay inuu ka mid yahay kooxda Aala-Sheekh.

7/23/2012 7:24 AM EST
Isniin, July 23, 2012 (HOL) — Odayaal dhaqameedyo ka qayb-galayay shirka ka socda Muqdisho ayaa sheegay maanta inay isaga baxeen shirkaas, kaddib markii ay ogaadeen inaan talo looga baahnayn, sidoo kalena aysan lahayn awood ay wax ku sixi karaan.

7/23/2012 6:50 AM EST
Isniin, July 23, 2012 (HOL) — Iyadoo lagu wado in bisha Ogoosto ee sannadkan ay ka dhacdo Muqdisho doorashada madaxweynaha cusub ee Soomaaliya, ayaa waxaa xilkaas isku taagnay haweeneydii ugu horreysay oo rajo ka qabta inay Soomaaliya madaxweyne ka noqto.

7/23/2012 6:47 AM EST
Isniin, July 23, 2012 (HOL) — Guddiga wanaag-farista Iyo Xumaan Reebista ayaa bilaabay olole ka dhan ah ma soomayaasha caadaystay inay bisha la sooman yahay aan soomin, kuwaas oo meelo qarsoodi ah cuntooyin loogu sameeyo.

7/23/2012 4:16 AM EST
Isniin, July 23, 2012 (HOL) — Munaasabad afur ah oo ka dhacday hoteelka Capetonian ee ku yaalla xeebta magaalada Cape Town ee Gobolka Western Cape ayaa looga hadlay sidii lagu furi lahaa safaaradda ay ku yeelanayso Soomaaliya dalka Koonfur Afrika.

7/23/2012 3:39 AM EST
Isniin, July 23, 2012 (HOL) — Waxaa markii saddexaad maanta dib u dhac uu ku yimid shirkii ansixint dastuurka qabyada ah ee Soomaaliya, iyadoo dib u dhaca lagu sheegay mid farsamo oo maanta la xallinayo.

7/23/2012 3:34 AM EST
Isniin, July 23, 2012 (HOL) — Xarakada Al-Shabaab ayaa meel fagaare ah Axadii ku dilay saddex ruux oo ka tirsanaa xoogaggeeda, kuwaasoo ay ku eedaysay inay sir-doon u ahaayeen hay’adaha muqaadaraadka dalalka Mareykanka iyo Ingiriiska, sida ay soo warisay wakaalada wararka ee AP.