6/24/2021
Today from Hiiraan Online:  _
Wararka Maanta- Isniin, July 23, 2012
Odayaal dhaqameedyo shaaciyay maanta inay ka baxeen shirka Odayaasha Dhaqanka uga socda Magaalada Muqdisho


Isniin, July 23, 2012 (HOL) — Odayaal dhaqameedyo ka qayb-galayay shirka ka socda Muqdisho ayaa sheegay maanta inay isaga baxeen shirkaas, kaddib markii ay ogaadeen inaan talo looga baahnayn, sidoo kalena aysan lahayn awood ay wax ku sixi karaan.

Nabaddoon Maxamed Xasan Xaad oo ka mid ahaa odayaasha shirka ka baxay ayaa sheegay in muddo laba bilood ah uu shirkoodu socday, lana qaadan waayay talooyin ay soo jeediyeen, taasna ay keentay inay maanta ku dhawaaqaan inay shirka ka baxeen.

"Sababaha aan shirka uga baxnay waxaa ka mid ah in dastuurka aan ku aragnay khaladaad awood aan ku saxnan aanan lahayn. waxaa nala yiri idinka wax ma sixin kartiin, taasi waxay keentay inaan sameyno guddi 15-ka xubnood ka kooban, kuwaasoo soo diyaariyay qodobbada khaladaadka ah ee ku jira dastuurka oo aan lagu aamini karin aayaha ummadda Soomaaliyeed, markii aan niri dastuurka waa in la saxana waa la diiday," ayuu yiri Maxamed Xaad.

Sidoo kale, nabaddoonku wuxuu sheegay in odayaasha laga doonayay oo keliya in laga qaato sawirro, balse aan laga doonayn wax talo iyo tusaale ah, taasina ay keentay inay shirka kusii jiri waayaan.

Dhanka kale, Maxamed Xaad oo ah guddoomiyaha odayaasha dhaqanka Muqdisho ayaa sheegay in shirka ay ka baxeen odayaashii isaga taabacsanaa oo dhan, balse ma sheegin inay shirka ku laabanayaan haddii khaladaadka ay tabanayaan la ansixiyo iyo in kale.

Caaqil Xasan Cilmi Yaxye oo isaguna ka mid ahaa odayaashii shirka ka baxay maanta ayaa sheegay in sababta ay uga baxeen ay tahay iyagoo arkay in dastuurka loosoo gudbiyay aan loogu talogelin in wax laga saxo, taasna ay keentay inay go'aansadaan inay shirka ka baxaan.

Odayaashan ku dhawaaqay inay shirka ka baxeen ayaa wuxuu hadalkoodu kusoo beegmayaa iyadoo dhowrkii maalmood ee lasoo dhaafay ay socdeen dadaallo lagu kala saarayay odayaasha oo la sheegay in qaarkood aysan jirin beelo ay metelaan.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
7/23/2012 2:21 PM EST
Isniin, July 23, 2012(HOL): Gudoomiyihii hore ee ururka SSC Saleebaan Ciise Axmed (Xagla-toosiye) ayaa maanta waxaa si heer sare ah loogu soo dhoweeyey magaala madaxda gobolka Cayn ee Buuhoodle. Xagla-toosiye oo dhowaan dalka dibadiisa kasoo laabtay wuxuu beryihii u danbeeyey ku sugnaa magaala madaxda Puntland ee Garoowe.

7/23/2012 9:52 AM EST
Isniin, July 23, 2012 (HOL) — Magaalada Gaalkacayo ee xarunta gobolka Mudug waxaa ka bilaabmay howgal balaaran oo ay ciidamada maamulka Puntland ku raad goobayaan kooxo la sheegay in ay Burcad-badeed yihiin, islamarkaana xiliyada qaar khal khal geliya ammaanka iyo xasiloonida guud ee gobolka.

7/23/2012 8:39 AM EST
Isniin, July 23, 2012 (HOL) — Ergayga xoghayaha guud ee Qaramada Midoobay u qaablisan arrimaha Soomaaliya, danjire Augustine Mahiga ayaa sheegay in tirada xildhibaannada baarlamaanka Soomaaliya oo horay loo go'aamiyay inay noqdaan 225 xubnood laga dhigayo 275-xubnood.

7/23/2012 8:38 AM EST
Isniin, July 23, 2012 (HOL) — Ra'iisul wasaaraha dowladda KMG ah ee Soomaaliya, Cabdiweli Maxamed Cali oo ay wehliyaan xubno ka tirsan golihiisa wasiirrada ayaa maanta ka qaybgalay kulan ay odayaasha dhaqanku ku lahaayeen Muqdisho, isagoo ku boorriyay inay sida ugu dhaqsiyaha badan kusoo xulaan ergooyinka laga sugayo.

7/23/2012 8:35 AM EST
Isniin, July 23, 2012 (HOL) — Xisbiga Mucaaradka ah ee UDUB oo laba garab u kala jabay ayaa shaaciyey wakhtiga ay shirweynahoodda golaha dhexe qabsoomi doonaan.

7/23/2012 7:53 AM EST
Isniin, July 23, 2012 (HOL) — Madaxweynaha dowladda Soomaaliya, Sheekh Shariif Sheekh Axmed oo wareysi siiyay telefishinka ku hadla afka dowladda KMG ah ayaa kaga hadlay arrimo badan oo ay ka mid yihiin wax ka bedelka dastuurka, qorshaha looga baxayo xilliga KMG ah iyo arrimo kale oo ay ka mid yihiin inuu beeniyay inuu ka mid yahay kooxda Aala-Sheekh.

7/23/2012 6:50 AM EST
Isniin, July 23, 2012 (HOL) — Iyadoo lagu wado in bisha Ogoosto ee sannadkan ay ka dhacdo Muqdisho doorashada madaxweynaha cusub ee Soomaaliya, ayaa waxaa xilkaas isku taagnay haweeneydii ugu horreysay oo rajo ka qabta inay Soomaaliya madaxweyne ka noqto.

7/23/2012 6:47 AM EST
Isniin, July 23, 2012 (HOL) — Guddiga wanaag-farista Iyo Xumaan Reebista ayaa bilaabay olole ka dhan ah ma soomayaasha caadaystay inay bisha la sooman yahay aan soomin, kuwaas oo meelo qarsoodi ah cuntooyin loogu sameeyo.

7/23/2012 4:16 AM EST
Isniin, July 23, 2012 (HOL) — Munaasabad afur ah oo ka dhacday hoteelka Capetonian ee ku yaalla xeebta magaalada Cape Town ee Gobolka Western Cape ayaa looga hadlay sidii lagu furi lahaa safaaradda ay ku yeelanayso Soomaaliya dalka Koonfur Afrika.

7/23/2012 3:39 AM EST
Isniin, July 23, 2012 (HOL) — Waxaa markii saddexaad maanta dib u dhac uu ku yimid shirkii ansixint dastuurka qabyada ah ee Soomaaliya, iyadoo dib u dhaca lagu sheegay mid farsamo oo maanta la xallinayo.

7/23/2012 3:34 AM EST
Isniin, July 23, 2012 (HOL) — Xarakada Al-Shabaab ayaa meel fagaare ah Axadii ku dilay saddex ruux oo ka tirsanaa xoogaggeeda, kuwaasoo ay ku eedaysay inay sir-doon u ahaayeen hay’adaha muqaadaraadka dalalka Mareykanka iyo Ingiriiska, sida ay soo warisay wakaalada wararka ee AP.