6/13/2021
Today from Hiiraan Online:  _
Wararka Maanta- Isniin, July 23, 2012
Haweeney Soomaaliyeed oo ku nool Wadanka Finland oo isku soo taagtay doorashada Madaxweynenimo ee Soomaaliya


Isniin, July 23, 2012 (HOL) — Iyadoo lagu wado in bisha Ogoosto ee sannadkan ay ka dhacdo Muqdisho doorashada madaxweynaha cusub ee Soomaaliya, ayaa waxaa xilkaas isku taagnay haweeneydii ugu horreysay oo rajo ka qabta inay Soomaaliya madaxweyne ka noqto.

Amaal Cabdi Ibraahim oo ka tagtay Muqdisho 20-sano iyadoo 17-jir ah ayaa ku sheegtay wargeysi ay siisay wargeysyada Helsinki inay ka qaybgalayso doorashada madaxnimo ee Soomaaliya, ayna horumarin doono, waxbarashada, caafimaadka iyo daryeelka haweenka iyo caruurta.

"Qalbigeyga waxaa ka buuxa murug, waxaan doonayaa inaan Soomaaliya ka bedelo muuqaalkii ay muddada dheer kusoo jirtay, ayay tiri Amaal oo sheegtay in haddii la doorto ay wax badan isbedel ku sameyn doonto.

Amaal ayaa sheegtay inay si dhow ula socotay isbedelka xaaladda dalkeeda, iyadoo walaac badan ka muujisay dhibaatooyinkii soo gaaray haweenka 20-kii sano ee uu dalku ku jiray colaadaha.

Inta badan murashaxiinta u taagan xilka madaxnimo ee Soomaaliya waa kuwo dalka dibaddiisa muddo dheer ku noolaa, iyadoo Amaal ay noqonayso haweeneydii ugu horreysay oo si rasmi ah ugu dhawaaqda inay tahay murashaxad ka qaybgalaysa doorashada madaxnimo ee Soomaaliya.

"Waxaan halkan (Finland) ka bartay shaqo, musuqmaasuq la'aan iyo wadan jacayl," ayay tiri Amaal oo ah hooyo leh shan caruur ah, iyadoo sheegtay inay rajo weyn ka qabto in loo doorto xilka madaxweynenimo ee Soomaaliya.

Amaal waxay sheegtay inay u dhoofi doonto Soomaaliya marka la gaaro bisha Ogoosto ee sannadkan iyadoo loolan la geli doono in ka badan 20-murashax oo u taagan xilka madaxnimo ee Soomaaliya oo uu ka mid yahay madaxweynaha hadda Sheekh Sharifi Sheekh Axmed.

"Waxa in la ogaado u baahan waa in dadku daaleen ayna doonayaan isbedel," ayay tiri Amaal Ibraahim oo intaas ku dartay. "Isbedelku wuu imaan doonaa... haddii Alle ogolaado."

Murashaxiinta u taagan xilka madaxweynenimo ee Soomaaliya ayaa xaflado ay ku qabteen gudaha iyo dibadda dalka waxay ku sheegeen inay isbedel u horseedi doonaan Soomaaliya, iyadoo dadka wax odorasa ay ku tilmaameen inay ka tahay owr kacsi oo keliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/23/2012 2:21 PM EST
Isniin, July 23, 2012(HOL): Gudoomiyihii hore ee ururka SSC Saleebaan Ciise Axmed (Xagla-toosiye) ayaa maanta waxaa si heer sare ah loogu soo dhoweeyey magaala madaxda gobolka Cayn ee Buuhoodle. Xagla-toosiye oo dhowaan dalka dibadiisa kasoo laabtay wuxuu beryihii u danbeeyey ku sugnaa magaala madaxda Puntland ee Garoowe.

7/23/2012 9:52 AM EST
Isniin, July 23, 2012 (HOL) — Magaalada Gaalkacayo ee xarunta gobolka Mudug waxaa ka bilaabmay howgal balaaran oo ay ciidamada maamulka Puntland ku raad goobayaan kooxo la sheegay in ay Burcad-badeed yihiin, islamarkaana xiliyada qaar khal khal geliya ammaanka iyo xasiloonida guud ee gobolka.

7/23/2012 8:39 AM EST
Isniin, July 23, 2012 (HOL) — Ergayga xoghayaha guud ee Qaramada Midoobay u qaablisan arrimaha Soomaaliya, danjire Augustine Mahiga ayaa sheegay in tirada xildhibaannada baarlamaanka Soomaaliya oo horay loo go'aamiyay inay noqdaan 225 xubnood laga dhigayo 275-xubnood.

7/23/2012 8:38 AM EST
Isniin, July 23, 2012 (HOL) — Ra'iisul wasaaraha dowladda KMG ah ee Soomaaliya, Cabdiweli Maxamed Cali oo ay wehliyaan xubno ka tirsan golihiisa wasiirrada ayaa maanta ka qaybgalay kulan ay odayaasha dhaqanku ku lahaayeen Muqdisho, isagoo ku boorriyay inay sida ugu dhaqsiyaha badan kusoo xulaan ergooyinka laga sugayo.

7/23/2012 8:35 AM EST
Isniin, July 23, 2012 (HOL) — Xisbiga Mucaaradka ah ee UDUB oo laba garab u kala jabay ayaa shaaciyey wakhtiga ay shirweynahoodda golaha dhexe qabsoomi doonaan.

7/23/2012 7:53 AM EST
Isniin, July 23, 2012 (HOL) — Madaxweynaha dowladda Soomaaliya, Sheekh Shariif Sheekh Axmed oo wareysi siiyay telefishinka ku hadla afka dowladda KMG ah ayaa kaga hadlay arrimo badan oo ay ka mid yihiin wax ka bedelka dastuurka, qorshaha looga baxayo xilliga KMG ah iyo arrimo kale oo ay ka mid yihiin inuu beeniyay inuu ka mid yahay kooxda Aala-Sheekh.

7/23/2012 7:24 AM EST
Isniin, July 23, 2012 (HOL) — Odayaal dhaqameedyo ka qayb-galayay shirka ka socda Muqdisho ayaa sheegay maanta inay isaga baxeen shirkaas, kaddib markii ay ogaadeen inaan talo looga baahnayn, sidoo kalena aysan lahayn awood ay wax ku sixi karaan.

7/23/2012 6:47 AM EST
Isniin, July 23, 2012 (HOL) — Guddiga wanaag-farista Iyo Xumaan Reebista ayaa bilaabay olole ka dhan ah ma soomayaasha caadaystay inay bisha la sooman yahay aan soomin, kuwaas oo meelo qarsoodi ah cuntooyin loogu sameeyo.

7/23/2012 4:16 AM EST
Isniin, July 23, 2012 (HOL) — Munaasabad afur ah oo ka dhacday hoteelka Capetonian ee ku yaalla xeebta magaalada Cape Town ee Gobolka Western Cape ayaa looga hadlay sidii lagu furi lahaa safaaradda ay ku yeelanayso Soomaaliya dalka Koonfur Afrika.

7/23/2012 3:39 AM EST
Isniin, July 23, 2012 (HOL) — Waxaa markii saddexaad maanta dib u dhac uu ku yimid shirkii ansixint dastuurka qabyada ah ee Soomaaliya, iyadoo dib u dhaca lagu sheegay mid farsamo oo maanta la xallinayo.

7/23/2012 3:34 AM EST
Isniin, July 23, 2012 (HOL) — Xarakada Al-Shabaab ayaa meel fagaare ah Axadii ku dilay saddex ruux oo ka tirsanaa xoogaggeeda, kuwaasoo ay ku eedaysay inay sir-doon u ahaayeen hay’adaha muqaadaraadka dalalka Mareykanka iyo Ingiriiska, sida ay soo warisay wakaalada wararka ee AP.