3/29/2024
Today from Hiiraan Online:  _
Wararka Maanta- Isniin, July 23, 2012
Kulan looga hadlayay sidii lagu furi lahaa Safaaradda Somalia ee dalka Koonfur Afrika oo lagu qabtay Magaalada Cape Town

Isniin, July 23, 2012 (HOL) — Munaasabad afur ah oo ka dhacday hoteelka Capetonian ee ku yaalla xeebta magaalada Cape Town ee Gobolka Western Cape ayaa looga hadlay sidii lagu furi lahaa safaaradda ay ku yeelanayso Soomaaliya dalka Koonfur Afrika.

Kulankan ayaa daba socday kulammo maalmihii ugu dambeeyay ay yeelanayeen Soomaalida ku nool dalka Koonfur Afrika, waxaana kulankan ka qaybgalya qaybaha kala duwan ee bulshada Soomaaliyeed ee ku nool Koonfur Afrika, iyadoo diiradda lagu saaray furitaanka safaaradda Soomaalida ee Koonfur Afrika.

Maxamuud Guutaale oo ka mid ahaa qaban-qabiyaasha xafladda ayaa mahad-celin kaddib sheegay in safaarada Soomaaliya ay u baahan tahay garab isla markaana meesha ay ku howl-gali lahayd dhismaheeda iyo qalabkii lagu shaqeyn lahaa loogu fadhiyo Soomaalida shaqada loo qaban lahaa.

Cabdi Cali Bisle oo ka mid ahaa odayaasha dhaqanka Soomaalida ayaa isaguna ka dhawaajiyay in Soomaaliya aysan weligeed safaarad ka furan dalka Koonfur Afrika, waxaana xigay Maxamed Ibraahin Maxamed Salool oo ku hadlayay magaca ganacstada Soomaaliyeed ee dalka Koonfur Afrika ayaa tibaaxay in muddo 10-sano ka badan uu jooga Koonfur Afrika uuna aad ugu faraxsan yahay in safaarad ay leedahay Soomaaliya laga furo dalkaas.

Waxaa xusid mudan in madasha uu shirku ka dhacay ay ahayd halkii lagu qaabilay safiirka Soomaaliya u fariisanaya dalka Koonfur Afrika, Sayid Xasan Shariif uuna kaga dalbaday Soomaalida dalkaas ku nool inay gacan ka geystaan sidii lagu furi lahaa safaaradda cusub ee Soomaaliya.

Safiirka ayaa socdaallo ku bixiyay qaybo badan oo dalka Koonfur Afrika ka tirsan, kuwaasoo si diirran loogu soo dhaweeyay, waxaa la saaray shan guddi oo la shaqeeya safaaradda, dadkii maanta xafladda kasoo qeybgalayna waxay ahaayeen guddigii laga magacaabay Cape Town.

Waxaa sidoo kale xafladda laga shaaciyay in la xaliyay muran yar oo lagu sameeyay guddiga, wixii hadda ka dambeeyana horay loo talaabsan doono; iyadoo gebi ahaan meesha laga saaray is kooxeysiga loona talaabsaday markan in la dhisto Qaranka Soomaaliya maadaama uu ku filan yahay dhammaan dadka Soomaaliyeed.

"Pretoria waxay marti galisaa safaaradaha ugu badan adduunka marka laga yimaado Washington. Koonfur Afrika waxay ku jirtaa golaha ammaanka Qaramada Midoobay kursi joogta ahna way ka raadsanaysaa, waxaa ku yaala baarlamaanka Afrika, dhawaana guddoonka Midowga Afrika waxaa loo doortay Dr. Nkososani Dlamini-Zuma oo ah wasiiradda arrimaha gudaha Koonfur Afrika, waxaas oo dhan waxay ka dhigan yihiin in halkan (Koonfur Afrika) ay tahay masrax caalami ah oo marnaba aysan Soomaaliya ka maarmin in loo matalo. Danjire Sayid Shariif waa shaqsiga ugu haboon ee halkan Soomaaliya u matali kara inta aan ka arkay," ayuu yiri C/naasir Axmed Sheekh Bashiir (Saxan-saxo) oo ah saxafi ku sugan Pretoria.

Si kastaba ha ahaatee; waxgaradkii isugu yimid shirka magaalada Cape Town ayaa waxay rajo wanaagsan ka muujiyeen furitaanka safaaradda Soomaaliya ee Koonfur Afrika, taasoo ay sheegeen in looga gudbi karo caqabado badan oo Soomaalida ku nool Koonfur Afrika hortaagan.

Maxamed Muuse Nuur (Deeq-darajo)
[email protected]
Cape Town, Koonfur Afrika













Click here
7/23/2012 2:21 PM EST
Isniin, July 23, 2012(HOL): Gudoomiyihii hore ee ururka SSC Saleebaan Ciise Axmed (Xagla-toosiye) ayaa maanta waxaa si heer sare ah loogu soo dhoweeyey magaala madaxda gobolka Cayn ee Buuhoodle. Xagla-toosiye oo dhowaan dalka dibadiisa kasoo laabtay wuxuu beryihii u danbeeyey ku sugnaa magaala madaxda Puntland ee Garoowe.

7/23/2012 9:52 AM EST
Isniin, July 23, 2012 (HOL) — Magaalada Gaalkacayo ee xarunta gobolka Mudug waxaa ka bilaabmay howgal balaaran oo ay ciidamada maamulka Puntland ku raad goobayaan kooxo la sheegay in ay Burcad-badeed yihiin, islamarkaana xiliyada qaar khal khal geliya ammaanka iyo xasiloonida guud ee gobolka.

7/23/2012 8:39 AM EST
Isniin, July 23, 2012 (HOL) — Ergayga xoghayaha guud ee Qaramada Midoobay u qaablisan arrimaha Soomaaliya, danjire Augustine Mahiga ayaa sheegay in tirada xildhibaannada baarlamaanka Soomaaliya oo horay loo go'aamiyay inay noqdaan 225 xubnood laga dhigayo 275-xubnood.

7/23/2012 8:38 AM EST
Isniin, July 23, 2012 (HOL) — Ra'iisul wasaaraha dowladda KMG ah ee Soomaaliya, Cabdiweli Maxamed Cali oo ay wehliyaan xubno ka tirsan golihiisa wasiirrada ayaa maanta ka qaybgalay kulan ay odayaasha dhaqanku ku lahaayeen Muqdisho, isagoo ku boorriyay inay sida ugu dhaqsiyaha badan kusoo xulaan ergooyinka laga sugayo.

7/23/2012 8:35 AM EST
Isniin, July 23, 2012 (HOL) — Xisbiga Mucaaradka ah ee UDUB oo laba garab u kala jabay ayaa shaaciyey wakhtiga ay shirweynahoodda golaha dhexe qabsoomi doonaan.

7/23/2012 7:53 AM EST
Isniin, July 23, 2012 (HOL) — Madaxweynaha dowladda Soomaaliya, Sheekh Shariif Sheekh Axmed oo wareysi siiyay telefishinka ku hadla afka dowladda KMG ah ayaa kaga hadlay arrimo badan oo ay ka mid yihiin wax ka bedelka dastuurka, qorshaha looga baxayo xilliga KMG ah iyo arrimo kale oo ay ka mid yihiin inuu beeniyay inuu ka mid yahay kooxda Aala-Sheekh.

7/23/2012 7:24 AM EST
Isniin, July 23, 2012 (HOL) — Odayaal dhaqameedyo ka qayb-galayay shirka ka socda Muqdisho ayaa sheegay maanta inay isaga baxeen shirkaas, kaddib markii ay ogaadeen inaan talo looga baahnayn, sidoo kalena aysan lahayn awood ay wax ku sixi karaan.

7/23/2012 6:50 AM EST
Isniin, July 23, 2012 (HOL) — Iyadoo lagu wado in bisha Ogoosto ee sannadkan ay ka dhacdo Muqdisho doorashada madaxweynaha cusub ee Soomaaliya, ayaa waxaa xilkaas isku taagnay haweeneydii ugu horreysay oo rajo ka qabta inay Soomaaliya madaxweyne ka noqto.

7/23/2012 6:47 AM EST
Isniin, July 23, 2012 (HOL) — Guddiga wanaag-farista Iyo Xumaan Reebista ayaa bilaabay olole ka dhan ah ma soomayaasha caadaystay inay bisha la sooman yahay aan soomin, kuwaas oo meelo qarsoodi ah cuntooyin loogu sameeyo.

7/23/2012 3:39 AM EST
Isniin, July 23, 2012 (HOL) — Waxaa markii saddexaad maanta dib u dhac uu ku yimid shirkii ansixint dastuurka qabyada ah ee Soomaaliya, iyadoo dib u dhaca lagu sheegay mid farsamo oo maanta la xallinayo.

7/23/2012 3:34 AM EST
Isniin, July 23, 2012 (HOL) — Xarakada Al-Shabaab ayaa meel fagaare ah Axadii ku dilay saddex ruux oo ka tirsanaa xoogaggeeda, kuwaasoo ay ku eedaysay inay sir-doon u ahaayeen hay’adaha muqaadaraadka dalalka Mareykanka iyo Ingiriiska, sida ay soo warisay wakaalada wararka ee AP.