6/24/2021
Today from Hiiraan Online:  _
Wararka Maanta- Axad, July 22, 2012
Mudaaharaadayaal Muslimiin ah iyo Ciidamada Booliiska Itoobiya oo Iskahorimaad uu ku dhexmaray Waqooyiga Addis Ababa


Axad, July 22, 2012 (HOL) — Iskahorimaad ku dhexeeyay dibadbaxayaal muslimiin ah iyo booliiska Itoobiya ayaa shalay oo Sabti ahayd ka dhacay waqooyiga Addis Ababa oo ah xarunta dalka Itoobiya, inkastoo iskahorimaadkaas uusan sababin wax dhimasho iyo dhaawac ah, haddana waxay booliisku xireen tiro dibadbaxayaasha ka mid ahaa.

Mudaaharaadayaasha ayaa waxay ka cabanayeen faragelin ay sheegeen inay ku sameeyeen booliisku diintooda, waxayna dibadbaxayaasha oo madaxa maryo ku xirtay ay jidgooyooyin ku sameeyeen waddooyinka gala masjidka Anwar kaddib salaaddii duhur.

"Booliisku waxay jabiyeen oo gudaha u galeen masjidka iyadoo qabqabtay dhowr qof oo ay ku jiraan guddigii dibdabaxa abaabulayay. Sidoo kale waxay rasaas  ku fureen dibadxayaashii bannaanka joogay," ayuu yiri mid ka mid ah abaabulayaashii dibadbaxa oo magaciisa qariyay.

Goobjooge ayaa sheegay inuu arkay ciidamada booliiska oo isticmaalaya gaaska dadka ilmada ka keena si ay dhaqso ugu kala wadaan dadka dibadbaxa sameynayay inkastoo dibadbaxu uusan sidaas ku joogsan.

Kumannaan muslimiin ah ayaa tan iyo sannadkii hore dibadbaxyo cabasho ah ka dhigayay waddooyinka xarunta Itoobiya ee Addis Ababa, iyagoo ka cabanayay inay xukuumaddu faragelin ku hayso diintooda.

Xukuumadda Addis Ababa ayaa iska fogeysay eedeymaha ka imaanaya muslimiinta dalkaas oo 30% ka ah tirada dadka Itoobiya oo gaaraysa 95-milyan oo qof. Iyadoo ku eedeysay in muslimiinta dalkaas ay ku dhexjiraan kooxo xiriir la leh Al-shabaab.

Afhayeenka xukuumadda Itoobiya, Shimeles Kemal ayaa sheegay in booliisku ay xir-xireen tiro ka mid ah mudaaharaadayaashii isagoo diiday in booliisku ay cid gaar ah bartilmaameedsadeen.

Siyaasiyiinta iyo dadka ka faalooda siyaasadda ayaa dibadbaxyadan ku sheegay in ay isku bedeli karaan rabshado u dhexeeya muslimiinta iyo dowladda Itoobiya, taas oo keeni karta in dalkaas uu galo xaalad ammaan-darro.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
7/22/2012 6:37 PM EST
Axad, July 22, 2012(HOL) Bandhig isugu jiray soo bandhigid buugaag ay qoreen abwaanno dalkeenna sida aadka ah looga qadderiyo oo ay ka mid yihiin Maxamed Ibrahim Hadraawe iyo Mustafa Sheekh Cilmi.

7/22/2012 11:08 AM EST
Axad, July 22, 2012(HOL) — Ururka dhalinyarada iyo horumarinta arimaha bulshada Puntland (PSA) ayaa maanta deeq Marawaxado ka kooban gaarsiiyey xabsiga weyn ee magaalada Boosaaso (Gaal-shire).

7/22/2012 9:07 AM EST
Axad, July 22, 2012 (HOL) — Guddoomiyaha dhawaan dowladda KMG Soomaaliya u soo magacaawday maamulka degmada Baladweyne, Xuseen Ibraahim Cabdi (Gurey) ayaa markii ugu horreysay baaq u diray hay’addaha samafalka ka howlgala magaalada.

7/22/2012 8:39 AM EST
Axad, July 22, 2012 (HOL) — Magaalada Baydhabo ee gobolka Bay ayaa markii ugu horreysay tan iyo markii ay burburtay dowladdii dhexe ee Soomaaliya 22-sano ka hor waxaa maanta lagu qabtay imtixaan loogu tartamayo deeq waxbrasaho.

7/22/2012 8:36 AM EST
Axad, July 22, 2012 (HOL) — Shirkadda isgaarsiinta Hormuud Telecom ayaa waxay maanta gargaar afurin ah gaarsiisay maxaabiista ku jira xabsiga dhexe ee Muqdihso iyadoo gargaarkaas lagu wareejiyay taliyaha ciidanka asluubta Soomaaliyeed, Jen. Cabdi Maxamed Ismaaciil iyo wasiirka owqaafta iyo arrimaha diinta DKMG ah, Axmed Xasan Gaboobe.

7/22/2012 7:42 AM EST
Axad, July 22, 2012 (HOL) — Iska-horimaad xooggan ayaa xalay ka dhacay degmada Badhaadhe ee gobolka Jubbada Hoose kaasoo u dhexeeyay ciidamada Dowladda KMG iyo kuwa Raaskaambooni oo kaashanaya Militariga Kenya iyo Xarakada Al-shabaab.

7/22/2012 6:55 AM EST
Axad, July 22, 2012 (HOL) — Wasiirka Duulista Hawadda Somaliland oo hogaaminayo wefti iskugu jira, wasiiro iyo xildhibaano, ayaa olole bannayn ah ka bilaabay garoonkii diyaaradaha ee magaaladda Burco ee xarunta gobolka Togdheer kaas oo muddo badan aan shaqayn.

7/22/2012 6:53 AM EST
Axad, July 22, 2012 (HOL) — Qof haweeney ah ayaa ku dhimatay, laba qof oo kalena way ku dhaawacmeen iska-horimaad ciidammo kawada tirsan dowladda KMG Soomaaliya ku dhexmaray maanta oo Axad ah waddada Maka Al-Mukarama ee magaalada Muqdisho.

7/22/2012 4:23 AM EST
Axad, July 22, 2012 (HOL) — Guddoomiyaha gobolka Galguduud ay dowladda KMG toddobaadkii hore u magacowday gobolkaas, Yuusuf Xasan Ciyoow iyo xubno wehlinaya ayaa saakay ka dagay garoonka diyaaradaha ee degmada Guriceel, halkaasoo ay ku soo dhaweeyeen dadweyne fara badan.

7/22/2012 3:59 AM EST
Axad, July 22, 2012 (HOL) — Warsaxaafadeed ay AMISOM soo saartay maanta oo Axad ah ayay ku sheegtay in ciidamadooda ka socda dalka Kenya iyo kuwa DKMG ah ee ku sugan gobolka ay hub ka heleen saldhig ay Al-shabaab ku lahayd deegaanka Tarako ee gobolka Gedo, aroortii hore ee Salaasadii lasoo dhaafay.