6/24/2021
Today from Hiiraan Online:  _
Wararka Maanta- Axad, July 22, 2012
Iskahorimaad ka dhacay Degmada Badhaadhe ee Gobolka Jubbada Hoose iyo Xiisado ka taagan Jubbooyinka


Axad, July 22, 2012 (HOL) — Iska-horimaad xooggan ayaa xalay ka dhacay degmada Badhaadhe ee gobolka Jubbada Hoose kaasoo u dhexeeyay ciidamada Dowladda KMG iyo kuwa Raaskaambooni oo kaashanaya Militariga Kenya iyo Xarakada Al-shabaab.

Iska horimaadkan oo ahaa mid xooggan ayaa yimid kadib  markii dagaalyahanno katirsan Al-shabaab ay weerar gaadmo ah ku qaadeen saldhig ay ciidamada huwanta ah ku lahaayeen nawaaxiga degmada Badhaadhe waxaana labada dhinac dhexmaray dagaal qaatay saacado kooban.

Illaa imika lama garanayo khasaaraha ka dhashay dagaalkii xalay, mana jiraan masuuliyiin katirsan dhinacyadii dagaalamay oo faahfaahin ka bixiyay dagaalkii xalay iyo weliba khasaaraha ka dhashay.

Goobjooge ku sugan Badhaadhe oo ka gaabsaday magaciisa ayaa HOL u sheegay in dagaalkii xalay uu cabsi aad u weyn ku beeray dadka deegaanka, wuxuuna sheegay in xaaladda magaalada ay saaka tahay mid dagan.

Dhinaca kale, ciidamada dowladda KMG, kuwa Raaskaambooni iyo Militariga Kenya ayaa dhaqdhaqaaqyo aad u xooggan ka bilaabay gobolka Jubada Hoose, iyadoona dhaqdhaqaaqyada ciidamada huwanta ah laga dareemayo deegaanada ay ku suganyihin ee gobolka Jubada Hoose.

24-kii saac ee ugu danbeeyay ayaa la sheegay in gobolka Jubada Hoose ay soo gaareen ciidamo aad u tiro badan oo kasocda dowladda Kenya, kuwaasoo ku biiray difaacyada hore ee dagaalka, iyadoona la filayo in ciidamadani ay ka qeybqaataan howlgallo ay ciidamada dowladda iyo kuwa Kenya qorsheynayaan in ay ku weeraraan magaalada Kismaayo ee xarunta gobolka Jubada Hoose.

Dhaqdhaqaaqyadan ciidan ee kasoo cusboonaaday gobolka Jubada Hoose ayaa kusoo beegmaya xilli dowladda Kenya ay hore shaaca uga qaaday in bisha August ee fooda nagu soo heeyso ay weerari doonto magaalada Kismaayo oo ah magaalo ay siweyn ugu xoogganyihiin Al-shabaab.

Xasan Nuur, Hiiraan Online
[email protected]
Kismaayo, Soomaaliya











Click here
7/22/2012 6:37 PM EST
Axad, July 22, 2012(HOL) Bandhig isugu jiray soo bandhigid buugaag ay qoreen abwaanno dalkeenna sida aadka ah looga qadderiyo oo ay ka mid yihiin Maxamed Ibrahim Hadraawe iyo Mustafa Sheekh Cilmi.

7/22/2012 11:08 AM EST
Axad, July 22, 2012(HOL) — Ururka dhalinyarada iyo horumarinta arimaha bulshada Puntland (PSA) ayaa maanta deeq Marawaxado ka kooban gaarsiiyey xabsiga weyn ee magaalada Boosaaso (Gaal-shire).

7/22/2012 9:07 AM EST
Axad, July 22, 2012 (HOL) — Guddoomiyaha dhawaan dowladda KMG Soomaaliya u soo magacaawday maamulka degmada Baladweyne, Xuseen Ibraahim Cabdi (Gurey) ayaa markii ugu horreysay baaq u diray hay’addaha samafalka ka howlgala magaalada.

7/22/2012 8:39 AM EST
Axad, July 22, 2012 (HOL) — Magaalada Baydhabo ee gobolka Bay ayaa markii ugu horreysay tan iyo markii ay burburtay dowladdii dhexe ee Soomaaliya 22-sano ka hor waxaa maanta lagu qabtay imtixaan loogu tartamayo deeq waxbrasaho.

7/22/2012 8:36 AM EST
Axad, July 22, 2012 (HOL) — Shirkadda isgaarsiinta Hormuud Telecom ayaa waxay maanta gargaar afurin ah gaarsiisay maxaabiista ku jira xabsiga dhexe ee Muqdihso iyadoo gargaarkaas lagu wareejiyay taliyaha ciidanka asluubta Soomaaliyeed, Jen. Cabdi Maxamed Ismaaciil iyo wasiirka owqaafta iyo arrimaha diinta DKMG ah, Axmed Xasan Gaboobe.

7/22/2012 8:07 AM EST
Axad, July 22, 2012 (HOL) — Iskahorimaad ku dhexeeyay dibadbaxayaal muslimiin ah iyo booliiska Itoobiya ayaa shalay oo Sabti ahayd ka dhacay waqooyiga Addis Ababa oo ah xarunta dalka Itoobiya, inkastoo iskahorimaadkaas uusan sababin wax dhimasho iyo dhaawac ah, haddana waxay booliisku xireen tiro dibadbaxayaasha ka mid ahaa.

7/22/2012 6:55 AM EST
Axad, July 22, 2012 (HOL) — Wasiirka Duulista Hawadda Somaliland oo hogaaminayo wefti iskugu jira, wasiiro iyo xildhibaano, ayaa olole bannayn ah ka bilaabay garoonkii diyaaradaha ee magaaladda Burco ee xarunta gobolka Togdheer kaas oo muddo badan aan shaqayn.

7/22/2012 6:53 AM EST
Axad, July 22, 2012 (HOL) — Qof haweeney ah ayaa ku dhimatay, laba qof oo kalena way ku dhaawacmeen iska-horimaad ciidammo kawada tirsan dowladda KMG Soomaaliya ku dhexmaray maanta oo Axad ah waddada Maka Al-Mukarama ee magaalada Muqdisho.

7/22/2012 4:23 AM EST
Axad, July 22, 2012 (HOL) — Guddoomiyaha gobolka Galguduud ay dowladda KMG toddobaadkii hore u magacowday gobolkaas, Yuusuf Xasan Ciyoow iyo xubno wehlinaya ayaa saakay ka dagay garoonka diyaaradaha ee degmada Guriceel, halkaasoo ay ku soo dhaweeyeen dadweyne fara badan.

7/22/2012 3:59 AM EST
Axad, July 22, 2012 (HOL) — Warsaxaafadeed ay AMISOM soo saartay maanta oo Axad ah ayay ku sheegtay in ciidamadooda ka socda dalka Kenya iyo kuwa DKMG ah ee ku sugan gobolka ay hub ka heleen saldhig ay Al-shabaab ku lahayd deegaanka Tarako ee gobolka Gedo, aroortii hore ee Salaasadii lasoo dhaafay.