3/28/2024
Today from Hiiraan Online:  _
Wararka Maanta- Axad, July 22, 2012
Wasiirka Duulista Hawada ee Somaliland oo sheegay in la boobay dhulkii Garoonka Diyaaradaha Burco, amarna ku bixiyey in loosoo celinayo
Axad, July 22, 2012 (HOL) — Wasiirka Duulista Hawadda Somaliland oo hogaaminayo wefti iskugu jira, wasiiro iyo xildhibaano, ayaa olole bannayn ah ka bilaabay garoonkii diyaaradaha ee magaaladda Burco ee xarunta gobolka Togdheer kaas oo muddo badan aan shaqayn.

Wasiirka ayaa ciidamo aad u xoog badan oo iskugu jira boolis iyo Milatari u adeegsaday hawlgalkaasi sidii ay uga rari lahaayeen dad badan oo guryo ka samaystay dhulkii uu lahaan jiray garoonka diyaaradaha ee Burco, waxaanu sheegay in faqiir iyo taajirba aan loo kala eegeyn dadka dhulkan garoonka degay ee guryaha ka dhistay, balse dhamaantood laga wada rari doono.

Dadkan degay qaybo badan oo ka mid ah dhulkii garoonka ayaa waxa iskugu  jiray dad dan yar ah iyo dad wax haysta oo guryo dhismayaal ah ka dhisay, waxaanu wasiirku sheegay in aanu cidna ka yeelayn inay  guryo ka dhisato dhulkii garoonka diyaayaradaha ee magaaladda Burco.

“Waxaanu shaqadeedii bilawnay in aanu calaamadino Xuduudaha Dhuleed ee Madaarka Magaalada Burco leeyahay,Madaarkanina maaha dhul Cusub oo iminka la yagleelayo waa mid soo jireen ah waa madaarka ugu guunsanaa madaarada Somaliland ee dawladii ingiriisku dhistay”:ayuu yidhi wasiirka Duulista Hawadda Somaliland Maxamuud Xaashi Cabdi oo ka hadlay dadkan ay ka rarayaan dhulkan uu hore u lahaan jiray garoonka diyaaraduhu, waxaanu intaasi ku daray “ Dhulkan maanta la dhistay ee la Boobay ee la bililaqaystay waa dhulkiisii, Waxaanan leeyahay reer Burco ma suuroobayso in dhulkii madaarkana la Baloodhaysato madaarna uu noqdo taasi ma aqbalidoono ” ayuu raaciyey wasiirku, waxaanu sheegay inuu dayr ku wareejin doonno dhulka madaarka, isla markaana ka dhigi doono madaar caalami ah.

Wasiir ku xigeenka Hawlaha Guud, Badhassabka Gobolka Togdheer Cabdoo Axmed Aayir,Maayirka Burco Maxamuud Axmed Xasan,Xildhibaano iyo madax kale ayaa iyaguna ka hadlay hawlgalkan ciidanka lagu saaray inay dadkaasi ka raraan dhulkan, iyagoo sheegay in sharci daro lagu degay isla markaana imika laga rarayo dadkaasi.

Meeshan laga rarayo dadka ayaa qaarkood soo degay labaatankii sano ee u dambeeyey, iyagoo guryo waaweyna laga dhistay, haseyeeshee dadkan ayaa xoog lagu raray iyadoo loo adeegsaday ciidamadda kala duwan ee amniga.

Dhinaca kale,  Wefti dhakhaatiir ah oo ka socda Imaaraadka carabta ayaa hawlo caafimaad ka bilaabay magaalada Burco ee xarunta gobolka Togdheer, waxaanay markiiba bilaabeen kormeer ay ku eegayaan xaaladda caafimaad ee gobolkan iyo dadka bukaan jiifka ah ee cisbitaalka ku jira, waxaanay sheegeen inay qalab casri ah oo ay ku wareegi doonaan ilaa tuulooyinka gobolku ka kooban yahay soo qaadan doonaan marka ay dhamaystay xogtooda, iyagoo xusay in dadka ay wadanka gudihiisa wax kaga qaban waayaan u qaadi doonaan Imaaraadka carabta.

Agaasimah Cusbitaalka Magaalada Burco Cabdiqaadir Xaaji Muuse, ayaa Weftigan warbixin ka siiyey cisbitaalka guud ee magaaladda Burco iyo qaybihiisa kala duwan ee uu ka kooban yahay, waxaanu u mahadnaqay weftigan dhakhaatiirta ah ee hawlaha caafimaad u yimid gobolkoodda.

Barkhad-Ladiif M. Cumar, Hiiraan Online  
[email protected]
Hargeysa, Somaliland












Click here
7/22/2012 6:37 PM EST
Axad, July 22, 2012(HOL) Bandhig isugu jiray soo bandhigid buugaag ay qoreen abwaanno dalkeenna sida aadka ah looga qadderiyo oo ay ka mid yihiin Maxamed Ibrahim Hadraawe iyo Mustafa Sheekh Cilmi.

7/22/2012 11:08 AM EST
Axad, July 22, 2012(HOL) — Ururka dhalinyarada iyo horumarinta arimaha bulshada Puntland (PSA) ayaa maanta deeq Marawaxado ka kooban gaarsiiyey xabsiga weyn ee magaalada Boosaaso (Gaal-shire).

7/22/2012 9:07 AM EST
Axad, July 22, 2012 (HOL) — Guddoomiyaha dhawaan dowladda KMG Soomaaliya u soo magacaawday maamulka degmada Baladweyne, Xuseen Ibraahim Cabdi (Gurey) ayaa markii ugu horreysay baaq u diray hay’addaha samafalka ka howlgala magaalada.

7/22/2012 8:39 AM EST
Axad, July 22, 2012 (HOL) — Magaalada Baydhabo ee gobolka Bay ayaa markii ugu horreysay tan iyo markii ay burburtay dowladdii dhexe ee Soomaaliya 22-sano ka hor waxaa maanta lagu qabtay imtixaan loogu tartamayo deeq waxbrasaho.

7/22/2012 8:36 AM EST
Axad, July 22, 2012 (HOL) — Shirkadda isgaarsiinta Hormuud Telecom ayaa waxay maanta gargaar afurin ah gaarsiisay maxaabiista ku jira xabsiga dhexe ee Muqdihso iyadoo gargaarkaas lagu wareejiyay taliyaha ciidanka asluubta Soomaaliyeed, Jen. Cabdi Maxamed Ismaaciil iyo wasiirka owqaafta iyo arrimaha diinta DKMG ah, Axmed Xasan Gaboobe.

7/22/2012 8:07 AM EST
Axad, July 22, 2012 (HOL) — Iskahorimaad ku dhexeeyay dibadbaxayaal muslimiin ah iyo booliiska Itoobiya ayaa shalay oo Sabti ahayd ka dhacay waqooyiga Addis Ababa oo ah xarunta dalka Itoobiya, inkastoo iskahorimaadkaas uusan sababin wax dhimasho iyo dhaawac ah, haddana waxay booliisku xireen tiro dibadbaxayaasha ka mid ahaa.

7/22/2012 7:42 AM EST
Axad, July 22, 2012 (HOL) — Iska-horimaad xooggan ayaa xalay ka dhacay degmada Badhaadhe ee gobolka Jubbada Hoose kaasoo u dhexeeyay ciidamada Dowladda KMG iyo kuwa Raaskaambooni oo kaashanaya Militariga Kenya iyo Xarakada Al-shabaab.

7/22/2012 6:53 AM EST
Axad, July 22, 2012 (HOL) — Qof haweeney ah ayaa ku dhimatay, laba qof oo kalena way ku dhaawacmeen iska-horimaad ciidammo kawada tirsan dowladda KMG Soomaaliya ku dhexmaray maanta oo Axad ah waddada Maka Al-Mukarama ee magaalada Muqdisho.

7/22/2012 4:23 AM EST
Axad, July 22, 2012 (HOL) — Guddoomiyaha gobolka Galguduud ay dowladda KMG toddobaadkii hore u magacowday gobolkaas, Yuusuf Xasan Ciyoow iyo xubno wehlinaya ayaa saakay ka dagay garoonka diyaaradaha ee degmada Guriceel, halkaasoo ay ku soo dhaweeyeen dadweyne fara badan.

7/22/2012 3:59 AM EST
Axad, July 22, 2012 (HOL) — Warsaxaafadeed ay AMISOM soo saartay maanta oo Axad ah ayay ku sheegtay in ciidamadooda ka socda dalka Kenya iyo kuwa DKMG ah ee ku sugan gobolka ay hub ka heleen saldhig ay Al-shabaab ku lahayd deegaanka Tarako ee gobolka Gedo, aroortii hore ee Salaasadii lasoo dhaafay.